МОНГОЛ УЛСЫН ЗАСГИЙН ГАЗРЫН ТОГТООЛ 

ШИНЖЛЭХ УХААНЫ ЗАРИМ БАЙГУУЛЛАГЫН БҮТЦИЙН ӨӨРЧЛӨЛТИЙН ТУХАЙ

1999 оны 9 дүгээр сарын 2-ны өдөр

Дугаар 138

Улаанбаатар хот

Шинжлэх ухаан, технологийн тухай хуулийн 6, 13 дугаар зүйлийн холбогдох заалтыг үндэслэн Монгол Улсын Засгийн газраас ТОГТООХ нь:

1.Монгол Улсын эдийн засаг, нийгмийн тогтвортой хөгжлийн шинжлэх ухааны үндэслэлийг судлан боловсруулах үүрэг бүхий Үндэсний хөгжлийн хүрээлэнг байгуулсугай.

2.Шинжлэх ухааны академийн Геоэкологийн хүрээлэнгийн газар зүй болон хөрс судлалын салбарыг Газар зүйн хүрээлэн, Биологийн хүрээлэнгийн ботаникийн салбарыг Ботаникийн хүрээлэн, Түүхийн хүрээлэнгийн олон улс судлалын төв, Зүүн хойд Ази судлалын төвийг нэгтгэж Олон улс судлалын хүрээлэн, Баян-өлгий аймаг дахь нийгмийн шинжлэх ухааны төвийг Баян-өлгий дахь Нийгэм, эдийн засгийн судалгааны төв болгон одоогийн орон тоонд нь багтаан тус тус өөрчлөн байгуулсугай. /Энэ заалтыг ЗГ-ын 2015 оны 78-р тогтоолоор хүчингүй болсонд тооцсон/

З.Анагаах ухааны хүрээлэн, Нийгмийн эрүүл мэндийн хүрээлэн, Эх, нялхсын эрдэм шинжилгээний төвийг Эрүүл мэнд, нийгмийн хамгааллын яамны харьяанд шилжүүлсүгэй

(Энэ заалтыг Засгийн газрын 2023 оны 485 дугаар тогтоолоор хүчингүй болсонд тооцсон)

5.Энэ тогтоолоор бүтэц, зохион байгуулалтад нь өөрчлөлт орсон эрдэм шинжилгээний байгууллагын үйл ажиллагааны чиглэлийг шинэчлэн тогтоох, судалгааны ажлын чиглэл нь давхардаж байгаа эрдэм шинжилгээний хүрээлэнгүүдийн зарим нэгжийг шилжүүлж зохистой бүтэц буй болгох арга хэмжээ авахыг Гэгээрлийн сайд А.Баттөрд даалгасугай.

Монгол Улсын Ерөнхий сайд Р.АМАРЖАРГАЛ

Гэгээрлийн сайд А.БАТТӨР

/Засгийн газрын 2006 оны 62 дугаар тогтоолоор орсон өөрчлөлтийг тусгав/