ЗАСГИЙН ГАЗРЫН ТОГТООЛ (ЗАХИРАМЖ)

ЭРДЭС БУДАГ ТӨСЛИЙН ХЭРЭГЖИЛТИЙГ ЭРЧИМЖҮҮЛЭХ ТУХАЙ

1995 оны 10 дугаар сарын 17-ны өдөр

Улаанбаатар хот

Дугаар 184

Монгол Улсын Засгийн газраас ТОГТООХ нь:

1."Эрдэс будаг" төслийн хуурай будгийн цехийн барилга, тоног төхөөрөмжийн угсралтын ажлыг дуусгахад шаардлагатай 46,0 сая төгрөгийг хувьчлалын төв сангаас зээлийн хэлбэрээр олгохыг Засгийн газрын Өмч хувьчлалын комисс (Л.ЭНЭБИШ)-т зөвшөөрсүгэй.

2.Хуурай будгийн цехийг ашиглалтад оруулж 1996 оноос хэвийн ажиллуулах арга хэмжээ авах болон олгож буй зээл, хувьчлагдаагүй байгаа тоног төхөөрөмж, хөрөнгийг цаашид хэрхэн ашиглах талаар "Монгол будаг" хувьцаат компанитай хариуцлагын гэрээ байгуулж, зээлийн зориулалт, ашиглалтад хяналт тавьж ажиллахыг Засгийн газрын Өмч хувьчлалын комисс (Л.ЭНЭБИШ), Сангийн яам (Э.БЯМБАЖАВ), НДэд бүтцийн хөгжлийн яам (Р.САНДАЛХАН)-д даалгасугай.

Монгол Улсын Ерөнхий сайд П.ЖАСРАЙ

Дэд бүтцийн хөгжлийн сайд Р.САНДАЛХАН