Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН ЗАСГИЙН ГАЗРЫН ТОГТООЛ
2017 оны 4 дүгээр сарын 12-ны өдөр
Дугаар 116
Улаанбаатар хот
ХУУЛИЙН ХЭРЭГЖИЛТИЙГ ЭРЧИМЖҮҮЛЭХ ТАЛААР АВАХ ЗАРИМ АРГА ХЭМЖЭЭНИЙ ТУХАЙ
Хөгжлийн бэрхшээлтэй хүний эрхийн тухай хуулийн 41.2-т заасныг үндэслэн Монгол Улсын Засгийн газраас ТОГТООХ нь:
1. Хөгжлийн бэрхшээлтэй хүний эрхийг хангах үүрэг бүхий орон тооны бус дэд зөвлөлийг төрийн захиргааны төв байгууллага болон харилцаа холбоо, мэдээлэл технологийн асуудал хариуцсан төрийн захиргааны байгууллагын дэргэд байгуулан үйл ажиллагаанд нь дэмжлэг үзүүлж ажиллахыг Засгийн газрын гишүүд, Харилцаа холбоо, мэдээллийн технологийн газар (Б.Чинбат)-т үүрэг болгосугай.
2. Энэ тогтоол гарсантай холбогдуулан Засгийн газрын 2016 оны 136 дугаар тогтоолын 2 дугаар хавсралтаар баталсан "Хөгжлийн бэрхшээлтэй хүний эрхийг хангах орон тооны бус зөвлөлийн ажиллах журам"-ын 4 дэх хэсгийг дор дурдсанаар өөрчлөн найруулсугай:
"Дөрөв. Дэд болон салбар зөвлөл
4.1. Зөвлөл нь төрийн захиргааны төв байгууллага болон харилцаа холбоо, мэдээллийн технологийн асуудал хариуцсан төрийн захиргааны байгууллагын дэргэд орон тооны бус дэд зөвлөл, аймаг, нийслэл, дүүрэгт орон тооны бус салбар зөвлөлтэй байна.
4.2. Дэд зөвлөлийн дарга нь тухайн яамны Төрийн нарийн бичгийн дарга, агентлагийн дарга байна. Салбар зөвлөлийн дарга нь тухайн аймаг, нийслэл, дүүргийн Засаг дарга байна.
4.3. Дэд зөвлөлийн бүрэлдэхүүн, ажиллах журмыг салбарын асуудал эрхэлсэн Засгийн газрын гишүүн, салбар зөвлөлийн бүрэлдэхүүнийг тухайн Засаг дарга батална.
4.4. Дэд зөвлөл нь салбарын хэмжээнд, салбар зөвлөл нь нутаг дэвсгэрийн хэмжээнд хөгжлийн бэрхшээлтэй хүний эрх ашгийг хамгаалахад чиглэсэн хууль тогтоомж, төрөөс баримтлах бодлого, хөтөлбөрийг хэрэгжүүлэх ажлыг зохион байгуулж, шаардагдах хөрөнгийг жил бүрийн тухайн төсөвт тусгах замаар санхүүжүүлнэ.
4.5. Дэд болон салбар зөвлөл нь тухайн жилд хэрэгжүүлсэн ажлын тайланг дараа жилийн 1 дүгээр сарын 20-ны дотор Зөвлөлийн ажлын албанд хүргүүлнэ.
4.6. Дэд зөвлөлийн үйл ажиллагааны зардлыг төрийн захиргааны төв болон төрийн захиргааны байгууллагын тухайн жилийн төсөв, салбар зөвлөлийн үйл ажиллагааны зардлыг аймаг, нийслэл, дүүргийн Засаг даргын тухайн жилийн төсөвт тусган санхүүжүүлнэ."
3. Засгийн газрын 2016 оны 136 дугаар тогтоолын 1 дүгээр хавсралтаар баталсан "Хөгжлийн бэрхшээлтэй хүний эрхийг хангах орон тооны бус зөвлөлийн бүрэлдэхүүн"-ий "Гишүүд" гэсэн хэсгийн "Хөдөлмөр, нийгмийн хамгааллын яамны Хүн амын хөгжлийн бодлогын газрын дарга" гэснийг "Хөдөлмөр, нийгмийн хамгааллын яамны Хүн амын хөгжлийн газрын дарга" гэж, мөн тогтоолын 2 дугаар хавсралтаар баталсан "Хөгжлийн бэрхшээлтэй хүний эрхийг хангах орон тооны бус зөвлөлийн ажиллах журам"-ын 2.5 дахь заалтыг "болон хөгжлийн бэрхшээлтэй хүний асуудал эрхэлсэн төрийн захиргааны төв байгууллагын тэмдгийг хэрэглэнэ" гэснийг "тэмдэг хэрэглэнэ" гэж, 3.4 дэх заалтыг "4.1-д" гэснийг "6.1-д" гэж тус тус өөрчилсүгэй.
Монгол Улсын Ерөнхий сайд Ж.ЭРДЭНЭБАТ
Хөдөлмөр, нийгмийн хамгааллын сайд Н.НОМТОЙБАЯР
МОНГОЛ УЛСЫН ЗАСГИЙН ГАЗРЫН ТОГТООЛ
2023 оны 11 сарын 08 өдөр
Дугаар 402
Улаанбаатар хот
ЖУРАМ ШИНЭЧЛЭН БАТАЛЖ, ТОГТООЛЫН ХАВСРАЛТАД НЭМЭЛТ, ӨӨРЧЛӨЛТ ОРУУЛАХ ТУХАЙ
Монгол Улсын Засгийн газрын тухай хуулийн 30 дугаар зүйлийн 1 дэх хэсэг, Хөгжлийн бэрхшээлтэй хүний эрхийн тухай хуулийн 41.2-т заасныг тус тус үндэслэн Монгол Улсын Засгийн газраас ТОГТООХ нь:
1."Хөгжлийн бэрхшээлтэй хүний эрхийг хангах зөвлөлийн ажиллах журам"-ыг хавсралт ёсоор шинэчлэн баталсугай.
2."Засгийн газрын үндэсний хороо, комисс, үндэсний зөвлөлийн бүрэлдэхүүнийг шинэчлэн батлах тухай" Засгийн газрын 2022 оны 9 дүгээр сарын 22-ний өдрийн 350 дугаар тогтоолын 19 дүгээр хавсралтаар баталсан "Хөгжлийн бэрхшээлтэй хүний эрхийг хангах зөвлөлийн бүрэлдэхүүн"-ий "Дэд дарга:" хэсгийн "-Хөдөлмөр, нийгмийн хамгааллын сайд;" гэсний дараа "-Хөгжлийн бэрхшээл, бодлогын судалгаа хөгжлийн төвийн Тэргүүн (тохиролцсоноор)." гэж, "Гишүүд:" хэсгийн "-Эдийн засаг, хөгжлийн яамны Төрийн нарийн бичгийн дарга;" гэсний дараа "-Хууль зүй, дотоод хэргийн яамны Төрийн нарийн бичгийн дарга;" гэж, ""-Тэгш нийгэм холбоо" төрийн бус байгууллагын тэргүүн (тохиролцсоноор)." гэсний дараа ""-Монголын Аутизмын холбоо" төрийн бус байгууллагын зөвлөх (тохиролцсоноор)." гэж, "Нарийн бичгийн дарга:" хэсгийн "-Хөдөлмөр, нийгмийн хамгааллын яамны хөгжлийн бэрхшээлтэй хүний асуудал хариуцсан нэгжийн дарга." гэсний өмнө "-Хөгжлийн бэрхшээлтэй хүний хөгжлийн ерөнхий газрын дарга;" гэж тус тус нэмсүгэй.
3.Мөн тогтоолын 19 дүгээр хавсралтаар баталсан "Хөгжлийн бэрхшээлтэй хүний эрхийг хангах зөвлөлийн бүрэлдэхүүн"-ий "Гишүүд:" хэсгийн "-Хууль зүй, дотоод хэргийн дэд сайд;" гэснийг, "-Хөгжлийн бэрхшээлтэй хүний хөгжлийн ерөнхий газрын дарга;" гэснийг, "-Хөгжлийн бэрхшээлтэй эмэгтэйчүүдийн эрхийн үндэсний төвийн захирал (тохиролцсоноор);" гэснийг тус тус хассугай.
4.Энэ тогтоол гарсантай холбогдуулан "Зөвлөлийн бүрэлдэхүүн ажиллах журам батлах тухай" Засгийн газрын 2016 оны 11 дүгээр сарын 9-ний өдрийн 136 дугаар тогтоол, "Хуулийн хэрэгжилтийг эрчимжүүлэх талаар авах зарим арга хэмжээний тухай" Засгийн газрын 2017 оны 4 дүгээр сарын 12-ны өдрийн 116 дугаар тогтоолыг тус тус хүчингүй болсонд тооцсугай.
5.Хөгжлийн бэрхшээлтэй хүний эрхийг хангах зөвлөлийн үйл ажиллагаанд шаардагдах зардлыг жил бүрийн төсөвтөө тусгаж байхыг Хөдөлмөр, нийгмийн хамгааллын сайд Х.Булгантуяад даалгасугай.
МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ
ХӨДӨЛМӨР, НИЙГМИЙН ХАМГААЛЛЫН САЙД Х.БУЛГАНТУЯА
