- Нүүр
- Засгийн газрын агентлагийн даргын тушаал
- ТАЙЛАНГИЙН МАЯГТ БАТЛАХ ТУХАЙ- Банкны суутгасан ашигт малтмалын нөөц ашигласны төлбөрийн тайлангийн маягт /ТТ-15(1)/-ыг хавсралтаар
ТАТВАРЫН ЕРӨНХИЙ ГАЗРЫН ДАРГЫН ТУШААЛ
ТАЙЛАНГИЙН МАЯГТ БАТЛАХ ТУХАЙ
2019 оны 5 дугаар сарын 17-ны өдөр
Дугаар А/82
Улаанбаатар хот
Засгийн газрын агентлагийн эрх зүйн байдлын тухай хуулийн 8 дугаар зүйлийн 8.4, Татварын ерөнхий хуулийн 271 дугаар зүйлийн 271.6.2, 46 дугаар зүйлийн 46.1, Ашигт малтмалын тухай хуулийн 47 дугаар зүйлийн 47.12, 47.13 дахь хэсгийг тус тус үндэслэн ТУШААХ нь:
1.Банкны суутгасан ашигт малтмалын нөөц ашигласны төлбөрийн тайлангийн маягт /ТТ-15(1)/-ыг хавсралтаар баталсугай.
2.Шинээр батлагдсан маягтын дагуу тайлан, мэдээг Монголбанк, түүнээс эрх олгосон арилжааны банкуудаас хүлээн авч ашигт малтмалын нөөц ашигласны төлбөрийн тооцоо хийхийг Улсын төсвийн орлого, хяналтын газар /Н.Бямбаа/-т даалгасугай.
3.Тушаалыг хэрэгжүүлж ажиллахыг Татвар төлөгчтэй харилцах газар /Д.Цогзолмаа/, тайлангийн маягт, мэдээг цахим тайлангийн системд нэвтрүүлэхийг Мэдээллийн технологи, статистикийн төв /Г.Алтаншагай/, тушаалын хэрэгжилтэд хяналт тавьж ажиллахыг Төрийн захиргааны удирдлагын газар /Л.Нэргүй/-т тус тус үүрэг болгосугай.
ДАРГЫН АЛБАН ҮҮРГИЙГ ТҮР ОРЛОН ГҮЙЦЭТГЭГЧ БӨГӨӨД ДЭД ДАРГА Б.ЗАЯАБАЛ
ТАТВАРЫН ЕРӨНХИЙ ГАЗРЫН ДАРГЫН ТУШААЛ
2021 оны 12 дугаар сарын 30-ны өдөр
Дугаар А/133
Улаанбаатар хот
ТАЙЛАНГИЙН МАЯГТ БАТЛАХ ТУХАЙ
Засгийн газрын агентлагын эрх зүйн байдлын тухай хуулийн 8 дугаар зүйлийн 8.3.2, 8.4, Татварын ерөнхий хуулийн 77 дугаар зүйлийн 77.7.3, Ашигт малтмалын тухай хуулийн 47 дугаар зүйлийн 47.13 дахь хэсгийг тус тус үндэслэн ТУШААХ нь:
1."Банкны суутгасан ашигт малтмалын нөөц ашигласны төлбөрийн тайлан"-гийн маягт /ТТ-15(1)/-ыг 1 дүгээр, "Банкны суутгасан ашигт малтмалын нөөц ашигласны төлбөрийн тайлангийн хавсралт мэдээ"-г 2 дугаар, "Банкны суутгасан ашигт малтмалын нөөц ашигласны төлбөрийн тайлангийн маягтыг нөхөх заавар"-ыг 3 дугаар хавсралтаар тус тус баталсугай.
2.Тушаалын хавсралтаар батлагдсан тайлангийн маягт, хавсралт мэдээний загварыг Татварын удирдлагын нэгдсэн системд нэвтрүүлэх ажлыг зохион байгуулах, тушаалын хэрэгжилтэд хяналт тавьж ажиллахыг Татвар төлөгчид үйлчлэх газар /Б.Буяннэмэх/, Мэдээлэл технологийн төв /М.Чойжилсүрэн/-д даалгасугай.
3.Батлагдсан тайлан, мэдээний дагуу Монголбанк, түүнээс эрх олгосон арилжааны банкуудаас тайланг хүлээн авч ашигт малтмалын нөөц ашигласны төлбөрийн тооцоо хийхийг Том татвар төлөгчийн газар /С.Төгсжаргал/-т үүрэг болгосугай.
4.Энэ тушаал батлагдсантай холбогдуулан Татварын ерөнхий газрын даргын 2019 оны А/82 дугаар тушаалыг хүчингүй болсонд тооцсугай.
ДАРГА Б.ЗАЯАБАЛ
Текст томруулах
A
A
A