- Нүүр
- Аймаг, нийслэлийн Засаг даргын захирамж
- ЦАГИЙН ХУВААРЬ БАТЛАХ ТУХАЙ
БАЯНХОНГОР АЙМАГ
ЖАРГАЛАНТ СУМЫН ЗАСАГ ДАРГЫН ЗАХИРАМЖ
2020 оны 5 дугаар сарын 19-ний өдөр
Дугаар А/76
ЦАГИЙН ХУВААРЬ БАТЛАХ ТУХАЙ
Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн 29 дүгээр зүйлийн 29.1.6-ийн "ж", 29.2, 31 дүгээр зүйлийн 31.1.6 дахь хэсгийг тус тус үндэслэн ЗАХИРАМЖЛАХ нь:
1.Суманд үйл ажиллагаа явуулж байгаа худалдаа, үйлчилгээний газруудын цагийн хуваарийг хавсралтаар баталсугай.
2.Цагийн хуваарийг мөрдөж ажиллахыг худалдаа, үйлчилгээний газруудад, ажиллах цагийн хуваарьт хяналт тавьж ажиллахыг Цагдаагийн тасгийн дарга, Цагдаагийн ахмад /Ц.Ганхөлөг/, Эмээл толгой 4 дүгээр багийн Засаг дарга /Ө.Тэмүүлэн/ нарт тус тус үүрэг болгосугай.
3.Энэ захирамжийг Улсын нэгдсэн бүртгэлд бүртгэж, Захиргааны хэм хэмжээний актын эмхэтгэлд нийтэлсний дараа хүчин төгөлдөр мөрдөж ажилласугай.
4.Захирамжийн хэрэгжилтэд хяналт тавьж ажиллахыг Тамгын газрын дарга /Б.Өнөрбаяр/-д даалгасугай.
ДАРГА Д.САЙНБИЛЭГ
БАЯНХОНГОР АЙМАГ ЖАРГАЛАНТ СУМЫН ЗАСАГ ДАРГЫН ЗАХИРАМЖ
2022 оны 6 дугаар сарын 13-ны өдөр
Дугаар А/79
Эмээлтолгой
ЗАХИРАМЖ ХҮЧИНГҮЙ БОЛГОХ ТУХАЙ
Монгол Улсын засаг захиргаа нутаг дэвсгэрийн нэгж түүний удирдлагын тухай хуулийн 66 дугаар зүйлийн 66.3 дахь заалтыг үндэслэн ЗАХИРАМЖЛАХ нь:
1.Засаг захиргаа нутаг дэвсгэрийн нэгж түүний удирдлагын тухай хууль 2022 оны 01 дүгээр сарын 01-ний өдрөөс мөрдөж эхэлсэн тул аймгийн Засаг даргын Тамгын газрын даргын 2022 оны 06 дугаар сарын 09-ний өдрийн 2/1137 тоот албан бичгийн дагуу сумын Засаг даргын 2020 оны 05 дугаар сарын 19-ний өдрийн А/76 дугаар захирамжийг хүчингүй болгосугай.
2.Хэрэгжилтэд хяналт тавьж ажиллахыг Тамгын газрын дарга (Б.Өнөрбаяр)-т даалгасугай.
ДАРГА Д.МӨНХЖАРГАЛ
Текст томруулах
A
A
A