ХУУЛИЙН ТӨСЛҮҮДИЙГ БУЦААХ ТУХАЙ

2006 оны 01 сарын 20 өдөр

Төрийн ордон. Улаанбаатар хот

Дугаар 05

Монгол Улсын Их Хурлын чуулганы хуралдааны дэгийн 23.3 дахь хэсгийн заалтыг үндэслэн Монгол Улсын Их Хурлаас ТОГТООХ нь:

Улсын Их Хурлын гишүүн Л.Гүндалайн 2005 оны 12 дугаар сарын 14-ний өдөр Улсын Их Хуралд өргөн мэдүүлсэн Гадаадын хөрөнгө оруулалтын тухай хуульд нэмэлт, өөрчлөлт оруулах тухай хууль болон түүнийг дагаж мөрдөх журмын тухай хуулийн төслүүдийг Улсын Их Хурлын нэгдсэн хуралдаанд оролцсон гишүүдийн олонхийн саналаар хэлэлцэх шаардлагагүй гэж үзсэн тул төсөл санаачлагчид нь буцаасугай.