Архивын ерөнхий газрын даргын 2015 оны 08 дугаар сарын 26-ны өдрийн А/65 дугаар тушаалаар хүчингүй болсон.

АРХИВЫН ЕРӨНХИЙ ГАЗРЫН

ДАРГЫН ТУШААЛ

2015 оны 12 дугаар сарын 09-ний өдөр Дугаар А/167 Улаанбаатар хот

ТӨРИЙН АРХИВЫН БАРИМТ АШИГЛАЛТЫН НИЙТЛЭГ ЖУРМЫГ ШИНЭЧЛЭН БАТЛАХ ТУХАЙ

Архивын тухай хуулийн 11.1.1 дэх заалтыг үндэслэн ТУШААХ нь:

1."Төрийн архивын баримт ашиглалтын нийтлэг журам"-ыг 1 дүгээр хавсралтаар, архивын баримт ашиглахтай холбогдон хөтлөгдөх маягт, дэвтрийн загварыг 2 дугаар хавсралтаар тус тус баталсугай.

2.Энэхүү журмыг 2016 оны 01 дүгээр сарын 01-ний өдрөөс эхлэн үйл ажиллагаандаа мөрдөж ажиллахыг төрийн архивын дарга /захирал, эрхлэгч/ нарт үүрэг болгосугай.

3.Энэ тушаал гарсантай холбогдуулан Үндэсний архивын газрын даргын "Журам батлах тухай" 2007 оны 01 дүгээр сарын 09-ний өдрийн 03 дугаар тушаал, "Журмын заалт хүчингүй болгох тухай" 2007 оны 02 дугаар сарын 14-ний өдрийн 18 дугаар тушаал, "Төрийн архивын баримт ашиглалтын нийтлэг журамд нэмэлт, өөрчлөлт оруулах, төлбөрт үйлчилгээний үнийн тарифыг шинэчлэн батлах тухай" 2013 оны 11 дүгээр сарын 15-ны өдрийн А/150 дугаар тушаалын 1 дүгээр хавсралтыг тус тус хүчингүй болсонд тооцсугай.

ДАРГА И.САРУУЛ