МОНГОЛ УЛСЫН ЗАСГИЙН ГАЗРЫН ТОГТООЛ

2016 оны 8 дугаар сарын 31-ний өдөр

Дугаар 67

Улаанбаатар хот

БҮРЭЛДЭХҮҮН ШИНЭЧЛЭН БАТЛАХ ТУХАЙ

Засгийн газрын тухай хуулийн 30 дугаар зүйлийн 1 дэх хэсэгт заасныг үндэслэн Монгол Улсын Засгийн газраас ТОГТООХ нь:

1. "Ой тэмдэглэх тухай" Засгийн газрын 2016 оны 6 дугаар сарын 16-ны өдрийн 333 дугаар тогтоолоор баталсан Ю.Цэдэнбалын мэндэлсний 100 жилийн ойн арга хэмжээг тэмдэглэн өнгөрүүлэх ажлыг удирдан зохион байгуулах комиссын бүрэлдэхүүнийг дор дурдсанаар шинэчлэн баталсугай:

ОЙН АРГА ХЭМЖЭЭГ ТЭМДЭГЛЭН ӨНГӨРҮҮЛЭХ АЖЛЫГ УДИРДАН ЗОХИОН БАЙГУУЛАХ ҮҮРЭГ БҮХИЙ КОМИССЫН БҮРЭЛДЭХҮҮН

Дарга -Монгол Улсын сайд, Засгийн газрын Хэрэг эрхлэх газрын дарга

Гишүүд: -Батлан хамгаалахын сайд;

-Боловсрол, соёл, шинжлэх ухаан, спортын сайд;

-Гадаад харилцааны сайд;

-Сангийн сайд;

-Нийслэлийн Засаг дарга;

-Барилга, хот байгуулалтын яамны Төрийн нарийн бичгийн дарга;

-Хөдөлмөр, нийгмийн хамгааллын яамны Төрийн нарийн бичгийн дарга;

-Хууль зүй, дотоод хэргийн яамны Төрийн нарийн бичгийн дарга;

-Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга;

-Увс аймгийн Засаг дарга;

-Архивын ерөнхий газрын дарга;

-Шинжлэх ухааны академийн Тэргүүн дэд ерөнхийлөгч;

-Эрдэм судлалын төв-Ю.Цэдэнбалын академийн дэд ерөнхийлөгч (тохиролцсоноор);

-Эрдэм судлалын төв-Ю.Цэдэнбалын академийн ерөнхий нарийн бичгийн дарга (тохиролцсоноор);

-"Ю.Цэдэнбалын гал голомт" төрийн бус байгууллагын тэргүүн (тохиролцсоноор).

Нарийн бичгийн дарга: -Боловсрол, соёл, шинжлэх ухаан, спортын яамны Соёл, урлагийн бодлогын газрын дарга.

2. Энэ тогтоол гарсантай холбогдуулан "Ой тэмдэглэх тухай" Засгийн газрын 2016 оны 6 дугаар сарын 16-ны өдрийн 333 дугаар тогтоолын 2 дугаар зүйлийг хүчингүй болсонд тооцсугай.

Монгол Улсын Ерөнхий сайд Ж.ЭРДЭНЭБАТ

Монгол Улсын сайд, Засгийн газрын Хэрэг эрхлэх газрын дарга Ж.МӨНХБАТ