МОНГОЛ УЛСЫН ХУУЛЬ

2022 оны 08 сарын 29 өдөр

Төрийн ордон, Улаанбаатар хот

МОНГОЛ УЛСЫН ЗАСГИЙН ГАЗРЫН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ

1.Засгийн газар хилийн боомтын, олимп, нийтийн биеийн тамир, спортын болон нийслэл Улаанбаатар хотын авто замын түгжрэлийг бууруулах асуудал хариуцсан Үндэсний хороог байгуулж болно.

2.Энэ зүйлийн 1 дэх хэсэгт заасан Үндэсний хороог Засгийн газрын холбогдох гишүүн тэргүүлэх бөгөөд бүрэлдэхүүнийг Засгийн газар тогтооно."

2/20 дугаар зүйлийн 5 дахь хэсгийн 19, 20, 21 дэх заалт:

"19/Монгол Улсын сайд, Боомтын сэргэлтийн Үндэсний хорооны дарга:

- хилийн бүс дэх тээвэр, логистикийн нэгдсэн сүлжээг хөгжүүлэх;

- хилийн боомтын хөгжлийн бодлого, төлөвлөлт;

- хилийн боомтын болон стратегийн орд газрыг холбосон дэд бүтцийн

бүтээн байгуулалт, шинэчлэл.

20/Монгол Улсын сайд, Нийслэл Улаанбаатар хотын авто замын түгжрэлийг бууруулах Үндэсний хорооны дарга:

- хотын төвлөрлийг сааруулах, түгжрэл болон агаарын бохирдлыг бууруулах зохицуулалтын асуудал.

21/Монгол Улсын сайд, Олимп, нийтийн биеийн тамир, спортын Үндэсний хорооны дарга:

- нийтийн биеийн тамир, спортыг хөгжүүлэх бодлого;

- мэргэжлийн спортын хөгжлийн асуудал;

- үндэсний уламжлалт спортыг дэмжих, хөгжүүлэх бодлого;

- биеийн тамир, спортын үйлчилгээний чанар, хүртээмжийг нэмэгдүүлэх

асуудал."

1.Энэ хуулийн 20 дугаар зүйлийн 5 дахь хэсгийн 19, 20, 21 дэх заалтад заасан сайд нь тус тус ажлын албатай байна.

2.Сайдын ажлын алба нь тухайн сайдын эрхлэх асуудлын хүрээнд хамаарах Үндэсний хорооны ажлын албаны үүргийг хэрэгжүүлнэ.

3.Сайдын ажлын албаны орон тоо, зардлыг Засгийн газар батална."

1/18 дугаар зүйлийн 3 дахь хэсэг:

"3.Засгийн газрын бүтцэд доор дурдсан яам ажиллана:

Ерөнхий чиг үүргийн:

1/Эдийн засаг, хөгжлийн яам;

2/Гадаад харилцааны яам;

3/Сангийн яам;

4/Хууль зүй, дотоод хэргийн яам;

Чиглэлийн:

5/Байгаль орчин, аялал жуулчлалын яам;

6/Батлан хамгаалах яам;

7/Барилга, хот байгуулалтын яам;

8/Боловсрол, шинжлэх ухааны яам;

9/Зам, тээврийн хөгжлийн яам;

10/Соёлын яам;

11/Уул уурхай, хүнд үйлдвэрийн яам;

12/Хөдөлмөр, нийгмийн хамгааллын яам;

13/Хүнс, хөдөө аж ахуй, хөнгөн үйлдвэрийн яам;

14/Цахим хөгжил, харилцаа холбооны яам;

15/Эрчим хүчний яам;

16/Эрүүл мэндийн яам."

МОНГОЛ УЛСЫН ИХ ХУРЛЫН ДАРГА Г.ЗАНДАНШАТАР