ДОРНОГОВЬ АЙМГИЙН ДАЛАНЖАРГАЛАН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2022 оны 12 дугаар сарын 12-ны өдөр

Дугаар 11/11

Даланжаргалан сум

ТОГТООЛ ХҮЧИНГҮЙ БОЛГОХ ТУХАЙ

Монгол Улсын Засаг захиргаа нутаг дэвсгэрийн нэгж, түүний удирдлагын тухай хуулийн 48 дугаар зүйлийн 48.1, 48.2 дахь заалтуудыг тус тус үндэслэн сумын иргэдийн Төлөөлөгчдийн Хурлаас ТОГТООХ нь:

1.Холбогдох эрх зүйн актад өөрчлөлт орсон тул сумын иргэдийн Төлөөлөгчдийн Хурлын Төлөөлөгчдийн 2018 оны 12 дугаар сарын 13-ны өдрийн хуралдааны "Сумын газрын үнэлгээний бүс, газрын төлбөрийн хувь, хэмжээг тогтоох тухай" 11/05 дугаар тогтоол, 2019 оны 12 дугаар сарын 6-ны өдрийн хуралдааны "Сумын газрын үнэлгээний бүс, газрын төлбөрийн хувь, хэмжээг тогтоосон тогтоолд өөрчлөлт оруулах тухай" 15/06 дугаар тогтоолуудыг тус тус хүчингүй болгосугай.

2.Хүчингүй болсон тогтоолуудыг захиргааны хэм хэмжээний актын нэгдсэн бүртгэлд бүртгүүлэхийг сумын иргэдийн Төлөөлөгчдийн Хурлын нарийн бичгийн дарга (Ч.Соёл-Ундрах)-д үүрэг болгосугай.

ДАРГА   Н.БОЛДБААТАР