ХУУЛЬ ЗҮЙ, ДОТООД ХЭРГИЙН САЙДЫН ТУШААЛ

2025 оны 6 дугаар сарын 12-ны өдөр

Дугаар А/240

Улаанбаатар хот

ТУШААЛ ХҮЧИНГҮЙ БОЛГОХ ТУХАЙ

Хүний эрх, эрх чөлөөг хангах зорилгоор Монгол Улсын Үндсэн хуулийн Далдугаар зүйлийн 1 дэх хэсэг, Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Захиргааны ерөнхий хуулийн 46 дугаар зүйлийн 46.2 дахь хэсгийг тус тус үндэслэн ТУШААХ нь:

1."Журам батлах тухай" Хууль зүй, дотоод хэргийн сайдын 2024 оны 09 дүгээр сарын 23-ны өдрийн А/58 дугаар тушаалыг хүчингүй болгосугай.

2.Хүчингүй болсон тушаалыг захиргааны хэм хэмжээний актын улсын нэгдсэн бүртгэлээс хасуулах арга хэмжээ авахыг Хууль зүй, дотоод хэргийн яамны Бодлогын хэрэгжилтийг зохицуулах газар (Б.Батхуяг)-т даалгасугай.

3.Тушаалын биелэлтэд хяналт тавьж ажиллахыг Хууль зүй, дотоод хэргийн яамны Төрийн нарийн бичгийн дарга (Н.Мягмар)-т үүрэг болгосугай.

4.Энэ тушаалыг 2025 оны 06 дугаар сарын 12-ны өдрөөс эхлэн мөрдсүгэй.

САЙДЫН ҮҮРЭГ ГҮЙЦЭТГЭГЧ О.АЛТАНГЭРЭЛ

/Захиргааны хэм хэмжээний актын улсын нэгдсэн санд 2025 оны 6 дугаар сарын 18-ны өдөр хүлээн авсан/