ХҮНС, ХӨДӨӨ АЖ АХУЙ, ХӨНГӨН ҮЙЛДВЭРИЙН САЙДЫН ТУШААЛ

2026 оны 1 дүгээр сарын 12-ны өдөр

Дугаар А/06

Улаанбаатар хот

ЖУРАМ БАТЛАХ ТУХАЙ

Таримал ургамлын үр сортын тухай хуулийн 8 дугаар зүйлийн 8.5 дахь хэсгийг үндэслэн ТУШААХ нь:

1."Үр үйлдвэрлэлийн талбайд сортын хянан баталгаа хийх, хянан батлагчийг сургах, давтан сургах, хянан батлагчийн эрх олгох, цуцлах, бүртгэл хөтлөх журам"-ыг хавсралтаар баталсугай.

2.Журмын хэрэгжилтэд хяналт тавьж ажиллахыг Газар тариалангийн бодлогын хэрэгжилтийг зохицуулах газар (Д.Есөн-Эрдэнэ)-т даалгасугай.

3.Энэхүү журмыг хэм хэмжээний актын улсын нэгдсэн бүртгэлд бүртгүүлэхийг Төрийн захиргааны удирдлагын газарт даалгасугай.

4.Энэхүү журам батлагдсантай холбогдуулан Хүнс, хөдөө аж ахуй, хөнгөн үйлдвэрийн сайдын 2025 оны А/402 дугаар тушаалыг хүчингүй болсонд тооцсугай.

САЙД М.БАДАМСҮРЭН