/ЭМС-ын 2017 оны А/328 дугаар тушаалаар хүчингүй болсон/

 

Эрүүл мэндийн сайдын 2008 оны 185 тоот

тушаалын дөрөвдүгээр  хавсралт

 

 

СОРЬЦ, ШИНЖЛЭГДЭХҮҮН ЦУГЛУУЛАХ БА ТҮҮНТЭЙ ХАРЬЦАХ ЗААВАР

 

 

Нэг. Ерөнхий зүйл

 

ХХДӨ-ний тохиолдол, дэгдэлтийн эрт үед мэдээлэл авсан даруйд тархвар судлагч эмч нь лабораторийн удирдах ажилтанд мэдэгдэнэ. Лабораторийн ажилтан нь өвчтөн болон хоол хүнс, орчноос шинжлэгдэхүүн, сорьц авах, хадгалах, тээвэрлэх талаар зааварчлах, анхны үр дүнг харгалзан цаашид шинжилгээнд сорьц цуглуулах зөвлөмж өгөх, лабораторийн шинжилгээний үр дүнгийн талаар тайлбар өгөх, тайлагнах үүрэгтэй.

Тухайн тохиолдлыг хоолны хордлого гэж оношилсон эмнэлгийн ажилтан нь сэжиглэж буй хоол, хүнсний үлдэгдэл, түүний бүрэлдүүн хэсгээс сорьц, өвчтөнөөс шинжлэгдэхүүн авна. 

Тухайн голомтонд ажилласан тархвар судлагч, шинжээч нь сэжиглэж буй хоол хүнс, түүний үлдэгдэл, бүрэлдүүн хэсгээс сорьц, хүнс бэлтгэхэд ашигласан сав, багаж, тоног төхөөрөмж, хэрэгслийн гадаргуугаас арчдас авах, шинжлэгдэхүүн цуглуулах ажлыг стандарт арга, аргачлалын дагуу хийж гүйцэтгэнэ.

Шинжээч, эмнэлгийн ажилтан нь голомтонд ажиллахдаа чухал ач холбогдол бүхий баримт нотолгоог санамсаргүй, хайнга байдлаар устгаж үл болно.

Тухайн хоол хүнсийг бэлтгэсэн тогооч, гал тогооны ажилчид, хоол хүнстэй харьцсан бусад хүмүүсийн эрүүл мэндийн байдал болон нян тээгчээс хоол, хүнс бохирдсон байх магадлалыг тодруулах арга хэмжээ авна. Хэрэв шаардлагатай бол тогооч болон бусад хүнстэй харьцагчдын гар, шулуун гэдэс, хамар, залгиурын арчдас, цус, баас, биед илэрсэн шархнаас шинжлэгдэхүүн авна. Шинжлэгдэхүүнийг цаг алдалгүй авах нь халдварыг оношлох, шалтгаан, эх уурхай, цар хүрээг тогтоох, халдвар хордлогыг таслан зогсоож, урьдчилан сэргийлэх ач холбогдолтой.

 

Цуглуулсан сорьц, шинжлэгдэхүүнийг хаяглан, дагалдах бичгийн хамт зориулалтын зөөврийн саванд хийж лабораторид 2 цагийн дотор, хэрэв боломжгүй бол хөргүүрт хадгалж 24 цагийн дотор хүргүүлнэ.

Лабораторийн ажилтан нь сорьц, шинжлэгдэхүүнийг хүлээн авахдаа савнаас хальж асгарсан, таглааны битүүмжлэл алдагдсан, савны бөглөө нь нэвт норсон эсэхийг шалгаж, түүнийг хүлээн авсан цаг хугацаа, ямар хэмжээтэй зүйл хүлээн авсан талаар тодорхой бичиж тэмдэглэнэ.

Лабораторийн шинжилгээг хэд хэдэн удаа давтан хийх шаардлага гардаг тул анхны авсан сорьц, шинжлэгдэхүүнийг шинжилгээний эцсийн хариу гартал зохих нөхцөлд хадгална. Лабораторийн ажилтан нь эрүүл зүй, нян судлал, хор судлалын шинжилгээг хийхдээ аль болох орчин үеийн хурдавчилсан аргыг ашиглах ба шинжилгээний эцсийн хариуг эрүүл ахуйч, тархвар судлагч эмч нарт холбогдох тайлбарын хамт хүргүүлнэ.

ХХДӨ-ний дэгдэлт мал, амьтан, ургамлын гаралтай түүхий эдийн эх сурвалжтай холбоотой байж болзошгүй тохиолдолд лабораторийн ажилтан нь мал эмнэлэг, хөдөө аж ахуйн байгууллагад шуурхай мэдээлнэ.

 

 

Хоёр. Сорьц, шинжлэгдэхүүн цуглуулах, шинжлэх ажлыг зохион байгуулах

 

Улс, аймаг, нийслэлийн МХГ, эрүүл мэндийн нэгдэл, эрүүл мэндийн төв, эмнэлгийн биохими, клиник, нян судлалын лаборатори нь нянгийн гаралтай хордлого, хордлогот халдвар, нянгийн бус гаралтай хордлогыг илрүүлэх шинжилгээнд шаардлагатай тэжээлт орчин, оношлуур, стандарт уусмал, эм урвалжийн байнгын нөөцтэй байна.

ХХДӨ-ний тохиолдол, дэгдэлтийн үед лабораторийн шинжилгээнд хэрэглэгдэх нөөц тэжээлт орчин, оношлуур, стандарт уусмал, эм урвалжийн нөөцийг тодорхой хугацаанд шалгаж шинэчлэн сольж байна.

Шинжлэгдэхүүнийг анх авсан эмч, эмнэлгийн ажилтан, эрүүл ахуйч, тархвар судлагч болон байцаагч нь гэмтэж муудахаас сэргийлэн тухайн бүтээгдэхүүний онцлогт тохирсон нөхцөл, температурт хадгалж тээвэрлэн дагалдах бичгийн хамт лабораторид хүргүүлнэ.

Сорьц, шинжлэгдэхүүнийг хүлээн авсан лабораторийн эмч, лаборант нь сайтар шалгаж үзлэг хийн тусгай тэмдэглэл хөтөлнө.

Лабораторийн ажилтан нь сорьц, шинжлэгдэхүүнийг хүлээн авсны дараа шинжилгээ хийж эхлэх бөгөөд шинжилгээний явцыг тодорхой бичиж, тэмдэглэл хөтлөхийн зэрэгцээ эрүүл ахуйч, тархвар судлагч нарт цаг тухайд нь танилцуулж байна.

 

Сорьц, шинжлэгдэхүүн цуглуулах ба шинжлэх ажил үүргийн хуваарь

 

 

Сорьц, шинжлэгдэхүүн цуглуулахад шаардлагатай зүйлсийн жагсаалт

 

 

 

Гурав. Сэжиглэж буй хоол, хүнснээс сорьц авах ба түүнтэй харьцах

 

            Хоол хүнсийг тээвэрлэх, хадгалах, бэлтгэх, боловсруулах технологийн горим алдагдсан хэсгээс бүтээгдэхүүний сорьц авна. Сорьцыг ариун нөхцөлд цуглуулах ба сорьцыг ариутгасан сав эсвэл пластик уутанд хийнэ. Наалдамхай тууз (скоч) эсвэл зориулалтын лац ашиглан сорьц хийсэн савыг сайтар битүүмжлэн лабораторид хүргэнэ. Сорьц хийсэн савыг сорьц цуглуулсан хүний нэр, албан тушаал, он, сар, өдөр, цаг хугацаа, бүтээгдэхүүний нэр, өвөрмөц дугаар зэргийг оролцуулан хаяглана.

            Шаардлагатай бүх төрлийн шинжилгээ хийхэд хангалттай хүрэлцэхүйц хэмжээгээр сорьц авч лабораторид хүргүүлнэ. Ихэнх тохиолдолд 300–500 г/мл дээж хангалттай байдаг. Хиам, бяслаг зэрэг бүтээгдэхүүнээс 500–1000 г сорьц авах ба хэрэв боломжтой бол хатуу тэжээлт орчинд шууд суулгац хийнэ. Сийрэгжиж өнгө нь өөрчлөгдсөн, хальс нь нимгэрсэн өндгийг шинжилгээнд авах ба нэг удаагийн сорьцонд 30 ширхэг өндөг авна. Бялуу, майонез, жигнэмэг зэрэг өндөгний орцтой хүнсний бүтээгдэхүүнээс 500–1000 г сорьц шинжилгээнд авна. Хөлдүү бүтээгдэхүүнийг цельсийн 45 хэмээс багагүй температурт гэсгээж сорьц авна. Өөхөн тос, чөмөг, цөцгийн тос, мөхөөлдөс, шоколад, крем зэрэг тослог ба царцанг бүтээгдэхүүнийг цельсийн 43 хэм хүртэл халаан хайлуулж шинжилнэ. Нэг ба хоёрдугаар хоолноос 2–3 порц сорьц авах ба хоногийн хоолны дээжийн савыг нь солихгүйгээр авна. Ундны ба ахуйн хэрэглээний уснаас эмгэгтөрөгч нян илрүүлэх аргачлалын дагуу 500–1000 мл сорьц авна. Лаазалсан бүтээгдэхүүнийг хэрэглээд хордсон бол уг савнаас нь, хэрэв үлдэгдэл байхгүй бол нэг ижил цувралын бүтээгдэхүүнээс 2–3 ширхэгийг сорьц болгон авна. Хүнсэнд хэрэглэж байгаагүй шинэ жимс, ногоо, өөрсдөө тариалсан ургамлын үндэс, навч зэргээс 2–3 хэсгийг гэмтээлгүйгээр бүтнээр нь авч холбогдох лабораторид илгээнэ.

            Хордлого үүсгэсэн байж болзошгүй хоол, хүнсний бүтээгдэхүүнийг бэлтгэхэд хэрэглэсэн орц, бүрэлдүүн хэсэг, тухайлбал давс, хоол амтлагч болон бусад хүнсний нэмэлтийн үлдэгдлээс 300 г-аас багагүй хэмжээтэй сорьц авч холбогдох лабораторид зохих зааврын дагуу тээвэрлэж хүргүүлнэ.

Тухайн хоол, хүнсний бүтээгдэхүүнийг хадгалж байсан өрөө, хөргүүр эсвэл дулаан баригчийн температурыг сорьц цуглуулахын өмнө хэмжинэ. Шинжилгээнд сорьц авсны дараа үлдсэн хүнсний бүтээгдэхүүний температурыг хэмжинэ. Сорьц цуглуулах үед хялбар муудах хүнсийг хөлдөөгөөгүй байвал түүнийг цельсийн 4 хэм хүртэл огцом хөргөх ба шинжлэх хүртэл тухайн сорьцыг цельсийн 4 хэмээс бага температурт хадгална.

Хоол бэлтгэсэн, хадгалсан, зөөвөрлөсөн сав суулга болон түүний орчин тойронд эмгэгтөрөгч илэрч болзошгүй газар, хүнсний түүхий эд, ургамлын үлдэгдэл зэргээс шинжлэгдэхүүн авна.

Хэрэв тухайн сорьцонд фосфорорганик пестицид эсвэл хүнд метал илрүүлэх шинжилгээ хийх гэж байгаа бол пластик сав ашиглаж үл болно. Пластик савнаас тухайн сорьцонд шингэж болзошгүй химийн бодис нь шинжилгээний үр дүнд нөлөөлж болзошгүй юм.

 

Хүнс болон бусад материалаас сорьц цуглуулах, нөөшлөх,

савлах ба тээвэрлэх арга

 

 

Эрүүл ахуй, халдвар судлалын хяналтын лабораторийн

шинжилгээнд хүлээж авах дээжийн тоо, хэмжээ

 

 

Үргэлжлэл.

 

Эрүүл ахуй, халдвар судлалын хяналтын лабораторийн

шинжилгээнд хүлээж авах дээжийн тоо, хэмжээ

 

Шинжилгээний нэр, төрөл				Ундны ус, хүнсний хими		Цацраг		Нийт
				Үзүүлэлт	Сорьцын хэмжээ	Үзүүлэлт	Сорьцын хэмжээ	Үзүүлэлт	Сорьцын хэмжээ
1.	Сүү, сүүн бүтээгдэхүүн			5	500г, мл	3	500г, мл	17	2.25кг, л
2.	Мах, махан бүтээгдэхүүн		Малын	3	500г	3	500г	18	2.65кг
			Шувууны	-	-	3	500г	13	1.6кг
3.	Гурил, гурилан бүтээгдэхүүн			5	550г	3	500г	21	21.5кг
4.	Далайн гаралтай бүтээгдэхүүн			-	-	3	500г	14	1.675кг
5.	Ундаа, вино, ликёр			4	1000мл	-	-	13	2.5л
6.	Виски			4	1000мл	-	-	6	1.5л
7.	Бэлэн хоол, хагас боловсруулсан бүтээгдэхүүн			3	500г	3	500г	16	2.325кг
8.	Чихэр, чихэрлэг бүтээгдэхүүн			2	500г, мл	3	500г, мл	17	2.275кг, л
9.	Консервлосон бүтээгдэхүүн	Махан		2	500г буюу 1-2ш	3	500г	16	1.675кг буюу 10ш
		Жимс ногооны		2	500г буюу 1-2ш	3	500г	16	1.675кг буюу 10ш
10.	Өндөг, өндгөн бүтээгдэхүүн			-	-	3	500г, мл	12	1.475кг, л
11.	Шоколад, шоколадтай, кремтэй бүтээгдэхүүн			-	-	3	500г	13	1.425кг
12.	Жимс, жимсгэнэ			2	500г	3	500г	16	3.65кг
13.	Хүнсний ногоо			2	500г	3	500г	15	2.175кг
14.	Хоол амтлагч			-	-	3	500г, мл	11	1.25кг, л
15.	Савласан ус			12	2000мл	3	500мл	19	4.0л
16.	Цай, кофе, какао			4	500г	3	500г	18	2.45кг
17.	Хиам			3	500г	3	500г	15	2.075кг
18.	Ургамлын ба амьтны гаралтай тос			3	500г, мл	3	500г, мл	13	1.8кг, л
19.	Үр тариа, будаа			3	500г	3	500г	16	2.45кг
20.	Самар, мөөг			-	-	3	500г	12	1.75кг
21.	Вакумдаж савласан бүтээгдэхүүн			-	-	3	500г	12	1.75кг
22.	Тусгай зориулалтын хоол			-	-	3	500г	9	1.025кг
23.	Хүүхдийн хоол тэжээл			-	-	3	500г	14	1.9кг
24.	Хөлдөөсөн хүнсний бүтээгдэхүүн			3	500г	3	500г	10	1.3кг
25.	Хүнсий нэмэлт бүтээгдэхүүн, давс			7	500г	3	500г	18	1.725кг
26.	Спирт			8	1200мл	3	500мл	11	1.95л
27.	Архи			7	1800мл	3	500мл	10	2.55л
28.	Пиво			3	1000мл	3	500мл	12	3.5л
29.	Элсэн чихэр			-	-	3	500г	10	1.375кг

 

 

Тайлбар. УМХГ-ын Даргын 350 тоот тушаалын хоёрдугаар хавсралтыг үндэслэв.

 

 

Гурав. Шинжлэгдэхүүн авах ба түүнтэй харьцах

 

ХХДӨ-ний алаг цоог тохиолдлын үед өвчилсөн болон өвчилж болзошгүй хүн бүрээс шинжлэгдэхүүн авна. Шинжлэгдэхүүнийг антибиотик эмчилгээ эхлэхээс өмнө, цаг алдалгүй авах нь оношийг зөв тодруулах үндэслэл болно. Антибиотик эмчилгээ эхэлсэн тохиолдолд өвчтөний хэрэглэсэн эмийн нэр төрөл, тун, цаг хугацааг шинжлэгдэхүүний дагалдах бичигт сайтар тэмдэглэнэ.

Шинжлэгдэхүүнийг ариутгасан саванд авах ба тухайн тохиолдолд ариутгасан сав байхгүй бол 2–3%-ийн содын уусмалаар угааж, буцалсан халуун усаар 10 дахин зайлсан, 20–30 минутын туршид буцалгасан савыг ашиглаж болно. Хэрэв шинжлэгдхүүнтэй савны гадаргуу нь аюултай байж болзошгүй биологийн хүчин зүйлсээр бохирдсон байвал, шаардагдах био-аюулгүйн арга хэмжээг авна.

 

Шинжлэгдэхүүний төрлүүд

 

ХХДӨ-ний голомтонд ажиллаж байгаа эмч, эмнэлгийн ажилтан, эрүүл ахуйч эсвэл хяналтын байцаагч нь өвчний шалтгааны хүчин зүйлсийг илрүүлэх, онош тодруулах зорилгоор өвчтөн, хоол хүнсийг бэлтгэсэн тогооч, гал тогооны ажилчид, хоол хүнстэй харьцсан болон хяналтын бүлэгт хамаарагдах өвчилж болзошгүй хүмүүсээс цус, бөөлжис, ходоодны угаадас, баас, шээс, хамар залгиур болон шулуун гэдэсний арчдас зэрэг шинжлэгдхүүнийг авч лабораторид илгээнэ. Өвчтөн нас барсан тохиолдолд цус, элэг, дэлүү, ходоод, нарийн, бүдүүн гэдэс, зүрх, гол судасны эдээс хүрэлцэхүйц хэмжээгээр шинжлэгдэхүүн авна.         

 

Өтгөн: ХХДӨ-ний үед өвчтөн суулгаж байвал үүсгэгчийг илрүүлэх зорилгоор өвчний хурц үед шинжлэгдэхүүн авна. Суулгалт хам шинж бүхий өвчтөний өтгөнөөс шинжлэгдэхүүн, шулуун гэдэснээс арчдас авна. 

Нян илрүүлэх шинжлэгдэхүүн: Өвчтөний өтгөнөөс (ойролцоогоор 15 г) цустай, салстай, идээтэй хэсгээс шинжлэгдэхүүн авч хуурай, ариун, тагтай зориулалтын саванд хийж, тээвэрлэх цүнхэнд байрлуулна. Дагалдах бичигт тэмдэглэгээ хийж, 2 цагийн дотор лабораторид хүргэнэ. Хэрэв 2 цагаас илүү хугацаагаар хадгалах бол зөөврийн тэжээлт орчинд шинжлэгдхүүнийг авна. Өвчтөний өтгөнд бамбарыг дүрээд 15 секундын турш тойргоор эргүүлэн хутгасны дараа бамбарыг зөөвөрлөх тэжээлт орчинд хийж, зориулалтын тээвэрлэх саванд байрлуулан дагалдах бичгийн хамт лабораторид хүргэнэ.

Цусархаг өтгөнтэй буюу амёбын цусан суулга илрүүлэх зорилготой байгаа бол сорьцыг маш яаралтай лабораторид хүргэх шаардлагатай. Хөдөлгөөнтэй амёб илрүүлэхэд шинэ сорьц хэрэгтэй.

Вирус илрүүлэх шинжлэгдэхүүн:  Өвчний шинж тэмдэг илэрснээс хойш 48 цагийн дотор өвчтөний өтгөнөөс шинжлэгдэхүүн авна. Зөөвөрлөх  орчин эсвэл аливаа төрлийн шингэнийг шинжлэгдэхүүнд нэмж болохгүй. Шинжлэгдэхүүн авсан савыг мөстэй саванд гүн суулгаж байрлуулна. Шинжлэгдэхүүнийг 48 цагийн туршид мөстэй саванд сэрүүн нөхцөлд хадгална.

Шимэгч, шимэгч хорхойн өндөг илрүүлэх шинжлэгдэхүүн: 1–2 хоногийн туршид өвчтөний хэвийн ялгаруулсан 3 удаагийн өтгөнөөс шинжлэгдэхүүн авна. Шинэхэн ялгарсан (2 – 5цагийн дотор) өтгөнийг нөөшлөгч (PVA эсвэл Формалин)-тэй хольж сайтар хутгана. Шинжлэгдэхүүнийг тасалгааны температурт эсвэл мөстэй саванд байрлуулна. Шинжлэгдэхүүнийг хөлдөөж үл болно. Гэдэсний шимэгч илрүүлэх зориулалтаар цуглуулсан өтгөний шинжлэгдэхүүнийг нөөшлөгчтэй хольж хадгалдаг учир нян, вирус илрүүлэх шинжилгээнд ашиглах боломжгүй юм.

 

            Бөөлжис: Хэрэв өвчтөн бөөлжиж байвал түүнийг цуглуулж шинжлэгдэхүүн авна. Бөөлжисийг лабораторид хүргэх хүртэл хөргүүрт хадгална. Бөөлжисийг хөлдөөж үл болно.

Ходоодны угаадас: Эмчилгээний болон оношлогооны зорилгоор өвчтөний ходоодыг угаана. Ходоодны угаадсыг лабораторид хүргэх хүртэл цельсийн -4ْ хэмд хөргүүрт хадгална. Ходоодны угаадсыг хөлдөөж үл болно.

            Цус: Өвчтөнөөс шинжилгээнд цус заавал авна. Цусныг эсрэгбие, эмгэг төрүүлэгч, хорын эсрэгбие илрүүлэх шинжилгээнд ашиглаж болно. Өвчний хурц үе (өвчин эхэлснээс хойш 7 хоногийн дотор) болон намжилтийн үе (ихэвчлэн 4-6 долоо хоногийн дараа)-д цуснаас давтан шинжлэгдэхүүн авна.        Насанд хүрсэн хүнээс 8-10 мл, хүүхдээс 3 мл, бага насны хүүхдээс 1–2 мл цусыг бүлэгнэлтийн эсрэг аливаа урвалжгүй, ариун хуруу шилэнд авна. Өвчтөнөөс авсан цусыг хөлдөөж үл болно. Хөлдөлтийн улмаас цусны эсүүд задарч (гемолиз) серологийн урвалын үр дүнд нөлөөлдөг байна. Хэрэв вирус илрүүлэх зориулалтаар цуснаас шинжлэгдэхүүн авсан бол цусны бүлэн бүхий хуруу шилийг нэн түргэн хөлдөөхийн зэрэгцээ ялган авсан сийвэнг хуурай мөстэй саванд гүн хийж 2 цагийн дотор лабораторид хүргэнэ. Шаардлагатай тохиолдолд цусны бүлэн ба сийвэнг хөлдөөгч эсвэл хуурай мөсөнд хадгална.

Хэрэв цусанд эсрэгбие илрүүлэх шинжилгээ хийхээр төлөвлөж байгаа бол орчны температур хэт халуун биш бол цусыг хөргүүрт хадгалах шаардлагагүй боловч нарны шууд гэрлээс хамгаална.

 

Ийлдэс ялгах: Өвчтөний ийлдсийг эсрэгбие, эмгэгтөрүүлэгч, хорын эсрэгбие илрүүлэх шинжилгээнд ашиглана.

Цусыг 1 минутанд 1000 удаа эргэх хурдаар 10 минутын турш хурилдуулан ийлдсийг ялгаад ариун, таглаа бүхий эппендорфод хийж цельсийн -180 хэмд хадгална. Хэрэв ийлдсийг цус авсан даруйд ялган авах боломжгүй бол цусыг хөргүүрт бүлэн үүстэл нь байлгах ба ийлдсийг ариун нөхцөлд хоосон, ариун хуруу шилэнд ялган авч шинжилгээнд ашиглана.

 

Шээс: Өвчтөнд сайтар зөвлөгөө өгч шээсний сүв орчмын талбайг зориулалтын цаас, бусад материалаар арчуулаад 4%-ийн иодын ханд эсвэл бусад төрлийн ариутгагч бодисоор ариутган цэвэрлэнэ. Үүний дараа өвчтөний шээсний дунд хэсгээс 10-20 орчим мл шээсийг ариун саванд цуглуулж авна.

 

Өвчтөнөөс сорьц шинжлэгдэхүүн цуглуулах, хадгалах ажилбарыг Эрүүл мэндийн сайдын 2007 оны 4 сарын 12-ны өдрийн 100 дугаар тушаалаар батлагдсан "Халдварт өвчний дэгдэлтийг эрт сэрэмжлүүлэх, хариу арга хэмжээ авах тандалтын журам"-ын хариу арга хэмжээ авах зааврын дагуу гүйцэтгэнэ.  

 

 

Дөрөв. Сорьц ба шинжлэгдэхүүнийг тээвэрлэх

 

         Сорьцийг тээвэрлэхэд зориулан савлаж, баглан дагалдах бичгийн хамт Зам, тээвэр, аялал жуулчлалын сайдын 2006 оны 05 дугаар сарын 05-ны өдрийн 70 тоот тушаалын хавсралт "Биоаюултай илгээмж, биобэлдмэлийг тээвэрлэх журам"-ын дагуу тээвэрлэнэ.

 

Сорьц / шинжлэгдэхүүнд хавсаргах дагалдах бичиг

 

 

№ ______                   Баас □                     Бөөлжис □                 Цус □              Бусад □         

 

Сорьц/Шинжлэгдэхүүн цуглуулсан хүний нэр, албан тушаал __________________

_____________________________________________________________________

 

Өвчтөний нэр _______________________________           нас_______Хүйс _______

 

Гэрийн хаяг ___________________________________________________________

 

Байгууллагын нэр, хаяг _________________________________________________

_____________________________________________________________________

 

Өвчин эхэлсэн он, сар, өдөр, цаг__________________________________________

 

Эмнэл зүйн шинжүүд (тэмдэглэгээ √ ) :

 

Биеийн ерөнхий байдал:       Хөнгөн □                    Дунд □                                   Хүнд □

Сэжиглэж буй өвчин ____________________________________________________

Нэмэлт тайлбар _______________________________________________________

 

Халдвар нь     1. Тохиолдолд

                        2. Дэгдэлт:      Гэр бүлийн □    Байгууллагын □         Нутаг дэвсгэрийн □         

 

Тохиолдол, дэгдэлтэнд хамрагдсан хүний тоо ______________________________

 

Сорьц хүлээн авах байгууллагын нэр, хаяг _________________________________

_______________________________________________________________________________

_______________________________________________________________________________

           

 

Эрүүл мэндийн сайдын 2008 оны 185 тоот

тушаалын дөрөвдүгээр  хавсралт

 

 

СОРЬЦ, ШИНЖЛЭГДЭХҮҮН ЦУГЛУУЛАХ БА ТҮҮНТЭЙ ХАРЬЦАХ ЗААВАР

 

 

Нэг. Ерөнхий зүйл

 

ХХДӨ-ний тохиолдол, дэгдэлтийн эрт үед мэдээлэл авсан даруйд тархвар судлагч эмч нь лабораторийн удирдах ажилтанд мэдэгдэнэ. Лабораторийн ажилтан нь өвчтөн болон хоол хүнс, орчноос шинжлэгдэхүүн, сорьц авах, хадгалах, тээвэрлэх талаар зааварчлах, анхны үр дүнг харгалзан цаашид шинжилгээнд сорьц цуглуулах зөвлөмж өгөх, лабораторийн шинжилгээний үр дүнгийн талаар тайлбар өгөх, тайлагнах үүрэгтэй.

Тухайн тохиолдлыг хоолны хордлого гэж оношилсон эмнэлгийн ажилтан нь сэжиглэж буй хоол, хүнсний үлдэгдэл, түүний бүрэлдүүн хэсгээс сорьц, өвчтөнөөс шинжлэгдэхүүн авна. 

Тухайн голомтонд ажилласан тархвар судлагч, шинжээч нь сэжиглэж буй хоол хүнс, түүний үлдэгдэл, бүрэлдүүн хэсгээс сорьц, хүнс бэлтгэхэд ашигласан сав, багаж, тоног төхөөрөмж, хэрэгслийн гадаргуугаас арчдас авах, шинжлэгдэхүүн цуглуулах ажлыг стандарт арга, аргачлалын дагуу хийж гүйцэтгэнэ.

Шинжээч, эмнэлгийн ажилтан нь голомтонд ажиллахдаа чухал ач холбогдол бүхий баримт нотолгоог санамсаргүй, хайнга байдлаар устгаж үл болно.

Тухайн хоол хүнсийг бэлтгэсэн тогооч, гал тогооны ажилчид, хоол хүнстэй харьцсан бусад хүмүүсийн эрүүл мэндийн байдал болон нян тээгчээс хоол, хүнс бохирдсон байх магадлалыг тодруулах арга хэмжээ авна. Хэрэв шаардлагатай бол тогооч болон бусад хүнстэй харьцагчдын гар, шулуун гэдэс, хамар, залгиурын арчдас, цус, баас, биед илэрсэн шархнаас шинжлэгдэхүүн авна. Шинжлэгдэхүүнийг цаг алдалгүй авах нь халдварыг оношлох, шалтгаан, эх уурхай, цар хүрээг тогтоох, халдвар хордлогыг таслан зогсоож, урьдчилан сэргийлэх ач холбогдолтой.

 

Цуглуулсан сорьц, шинжлэгдэхүүнийг хаяглан, дагалдах бичгийн хамт зориулалтын зөөврийн саванд хийж лабораторид 2 цагийн дотор, хэрэв боломжгүй бол хөргүүрт хадгалж 24 цагийн дотор хүргүүлнэ.

Лабораторийн ажилтан нь сорьц, шинжлэгдэхүүнийг хүлээн авахдаа савнаас хальж асгарсан, таглааны битүүмжлэл алдагдсан, савны бөглөө нь нэвт норсон эсэхийг шалгаж, түүнийг хүлээн авсан цаг хугацаа, ямар хэмжээтэй зүйл хүлээн авсан талаар тодорхой бичиж тэмдэглэнэ.

Лабораторийн шинжилгээг хэд хэдэн удаа давтан хийх шаардлага гардаг тул анхны авсан сорьц, шинжлэгдэхүүнийг шинжилгээний эцсийн хариу гартал зохих нөхцөлд хадгална. Лабораторийн ажилтан нь эрүүл зүй, нян судлал, хор судлалын шинжилгээг хийхдээ аль болох орчин үеийн хурдавчилсан аргыг ашиглах ба шинжилгээний эцсийн хариуг эрүүл ахуйч, тархвар судлагч эмч нарт холбогдох тайлбарын хамт хүргүүлнэ.

ХХДӨ-ний дэгдэлт мал, амьтан, ургамлын гаралтай түүхий эдийн эх сурвалжтай холбоотой байж болзошгүй тохиолдолд лабораторийн ажилтан нь мал эмнэлэг, хөдөө аж ахуйн байгууллагад шуурхай мэдээлнэ.

 

 

Хоёр. Сорьц, шинжлэгдэхүүн цуглуулах, шинжлэх ажлыг зохион байгуулах

 

Улс, аймаг, нийслэлийн МХГ, эрүүл мэндийн нэгдэл, эрүүл мэндийн төв, эмнэлгийн биохими, клиник, нян судлалын лаборатори нь нянгийн гаралтай хордлого, хордлогот халдвар, нянгийн бус гаралтай хордлогыг илрүүлэх шинжилгээнд шаардлагатай тэжээлт орчин, оношлуур, стандарт уусмал, эм урвалжийн байнгын нөөцтэй байна.

ХХДӨ-ний тохиолдол, дэгдэлтийн үед лабораторийн шинжилгээнд хэрэглэгдэх нөөц тэжээлт орчин, оношлуур, стандарт уусмал, эм урвалжийн нөөцийг тодорхой хугацаанд шалгаж шинэчлэн сольж байна.

Шинжлэгдэхүүнийг анх авсан эмч, эмнэлгийн ажилтан, эрүүл ахуйч, тархвар судлагч болон байцаагч нь гэмтэж муудахаас сэргийлэн тухайн бүтээгдэхүүний онцлогт тохирсон нөхцөл, температурт хадгалж тээвэрлэн дагалдах бичгийн хамт лабораторид хүргүүлнэ.

Сорьц, шинжлэгдэхүүнийг хүлээн авсан лабораторийн эмч, лаборант нь сайтар шалгаж үзлэг хийн тусгай тэмдэглэл хөтөлнө.

Лабораторийн ажилтан нь сорьц, шинжлэгдэхүүнийг хүлээн авсны дараа шинжилгээ хийж эхлэх бөгөөд шинжилгээний явцыг тодорхой бичиж, тэмдэглэл хөтлөхийн зэрэгцээ эрүүл ахуйч, тархвар судлагч нарт цаг тухайд нь танилцуулж байна.

 

Сорьц, шинжлэгдэхүүн цуглуулах ба шинжлэх ажил үүргийн хуваарь

 

 

Сорьц, шинжлэгдэхүүн цуглуулахад шаардлагатай зүйлсийн жагсаалт

 

 

 

Гурав. Сэжиглэж буй хоол, хүнснээс сорьц авах ба түүнтэй харьцах

 

            Хоол хүнсийг тээвэрлэх, хадгалах, бэлтгэх, боловсруулах технологийн горим алдагдсан хэсгээс бүтээгдэхүүний сорьц авна. Сорьцыг ариун нөхцөлд цуглуулах ба сорьцыг ариутгасан сав эсвэл пластик уутанд хийнэ. Наалдамхай тууз (скоч) эсвэл зориулалтын лац ашиглан сорьц хийсэн савыг сайтар битүүмжлэн лабораторид хүргэнэ. Сорьц хийсэн савыг сорьц цуглуулсан хүний нэр, албан тушаал, он, сар, өдөр, цаг хугацаа, бүтээгдэхүүний нэр, өвөрмөц дугаар зэргийг оролцуулан хаяглана.

            Шаардлагатай бүх төрлийн шинжилгээ хийхэд хангалттай хүрэлцэхүйц хэмжээгээр сорьц авч лабораторид хүргүүлнэ. Ихэнх тохиолдолд 300–500 г/мл дээж хангалттай байдаг. Хиам, бяслаг зэрэг бүтээгдэхүүнээс 500–1000 г сорьц авах ба хэрэв боломжтой бол хатуу тэжээлт орчинд шууд суулгац хийнэ. Сийрэгжиж өнгө нь өөрчлөгдсөн, хальс нь нимгэрсэн өндгийг шинжилгээнд авах ба нэг удаагийн сорьцонд 30 ширхэг өндөг авна. Бялуу, майонез, жигнэмэг зэрэг өндөгний орцтой хүнсний бүтээгдэхүүнээс 500–1000 г сорьц шинжилгээнд авна. Хөлдүү бүтээгдэхүүнийг цельсийн 45 хэмээс багагүй температурт гэсгээж сорьц авна. Өөхөн тос, чөмөг, цөцгийн тос, мөхөөлдөс, шоколад, крем зэрэг тослог ба царцанг бүтээгдэхүүнийг цельсийн 43 хэм хүртэл халаан хайлуулж шинжилнэ. Нэг ба хоёрдугаар хоолноос 2–3 порц сорьц авах ба хоногийн хоолны дээжийн савыг нь солихгүйгээр авна. Ундны ба ахуйн хэрэглээний уснаас эмгэгтөрөгч нян илрүүлэх аргачлалын дагуу 500–1000 мл сорьц авна. Лаазалсан бүтээгдэхүүнийг хэрэглээд хордсон бол уг савнаас нь, хэрэв үлдэгдэл байхгүй бол нэг ижил цувралын бүтээгдэхүүнээс 2–3 ширхэгийг сорьц болгон авна. Хүнсэнд хэрэглэж байгаагүй шинэ жимс, ногоо, өөрсдөө тариалсан ургамлын үндэс, навч зэргээс 2–3 хэсгийг гэмтээлгүйгээр бүтнээр нь авч холбогдох лабораторид илгээнэ.

            Хордлого үүсгэсэн байж болзошгүй хоол, хүнсний бүтээгдэхүүнийг бэлтгэхэд хэрэглэсэн орц, бүрэлдүүн хэсэг, тухайлбал давс, хоол амтлагч болон бусад хүнсний нэмэлтийн үлдэгдлээс 300 г-аас багагүй хэмжээтэй сорьц авч холбогдох лабораторид зохих зааврын дагуу тээвэрлэж хүргүүлнэ.

Тухайн хоол, хүнсний бүтээгдэхүүнийг хадгалж байсан өрөө, хөргүүр эсвэл дулаан баригчийн температурыг сорьц цуглуулахын өмнө хэмжинэ. Шинжилгээнд сорьц авсны дараа үлдсэн хүнсний бүтээгдэхүүний температурыг хэмжинэ. Сорьц цуглуулах үед хялбар муудах хүнсийг хөлдөөгөөгүй байвал түүнийг цельсийн 4 хэм хүртэл огцом хөргөх ба шинжлэх хүртэл тухайн сорьцыг цельсийн 4 хэмээс бага температурт хадгална.

Хоол бэлтгэсэн, хадгалсан, зөөвөрлөсөн сав суулга болон түүний орчин тойронд эмгэгтөрөгч илэрч болзошгүй газар, хүнсний түүхий эд, ургамлын үлдэгдэл зэргээс шинжлэгдэхүүн авна.

Хэрэв тухайн сорьцонд фосфорорганик пестицид эсвэл хүнд метал илрүүлэх шинжилгээ хийх гэж байгаа бол пластик сав ашиглаж үл болно. Пластик савнаас тухайн сорьцонд шингэж болзошгүй химийн бодис нь шинжилгээний үр дүнд нөлөөлж болзошгүй юм.

 

Хүнс болон бусад материалаас сорьц цуглуулах, нөөшлөх,

савлах ба тээвэрлэх арга

 

 

Эрүүл ахуй, халдвар судлалын хяналтын лабораторийн

шинжилгээнд хүлээж авах дээжийн тоо, хэмжээ

 

 

Үргэлжлэл.

 

Эрүүл ахуй, халдвар судлалын хяналтын лабораторийн

шинжилгээнд хүлээж авах дээжийн тоо, хэмжээ

 

Шинжилгээний нэр, төрөл				Ундны ус, хүнсний хими		Цацраг		Нийт
				Үзүүлэлт	Сорьцын хэмжээ	Үзүүлэлт	Сорьцын хэмжээ	Үзүүлэлт	Сорьцын хэмжээ
1.	Сүү, сүүн бүтээгдэхүүн			5	500г, мл	3	500г, мл	17	2.25кг, л
2.	Мах, махан бүтээгдэхүүн		Малын	3	500г	3	500г	18	2.65кг
			Шувууны	-	-	3	500г	13	1.6кг
3.	Гурил, гурилан бүтээгдэхүүн			5	550г	3	500г	21	21.5кг
4.	Далайн гаралтай бүтээгдэхүүн			-	-	3	500г	14	1.675кг
5.	Ундаа, вино, ликёр			4	1000мл	-	-	13	2.5л
6.	Виски			4	1000мл	-	-	6	1.5л
7.	Бэлэн хоол, хагас боловсруулсан бүтээгдэхүүн			3	500г	3	500г	16	2.325кг
8.	Чихэр, чихэрлэг бүтээгдэхүүн			2	500г, мл	3	500г, мл	17	2.275кг, л
9.	Консервлосон бүтээгдэхүүн	Махан		2	500г буюу 1-2ш	3	500г	16	1.675кг буюу 10ш
		Жимс ногооны		2	500г буюу 1-2ш	3	500г	16	1.675кг буюу 10ш
10.	Өндөг, өндгөн бүтээгдэхүүн			-	-	3	500г, мл	12	1.475кг, л
11.	Шоколад, шоколадтай, кремтэй бүтээгдэхүүн			-	-	3	500г	13	1.425кг
12.	Жимс, жимсгэнэ			2	500г	3	500г	16	3.65кг
13.	Хүнсний ногоо			2	500г	3	500г	15	2.175кг
14.	Хоол амтлагч			-	-	3	500г, мл	11	1.25кг, л
15.	Савласан ус			12	2000мл	3	500мл	19	4.0л
16.	Цай, кофе, какао			4	500г	3	500г	18	2.45кг
17.	Хиам			3	500г	3	500г	15	2.075кг
18.	Ургамлын ба амьтны гаралтай тос			3	500г, мл	3	500г, мл	13	1.8кг, л
19.	Үр тариа, будаа			3	500г	3	500г	16	2.45кг
20.	Самар, мөөг			-	-	3	500г	12	1.75кг
21.	Вакумдаж савласан бүтээгдэхүүн			-	-	3	500г	12	1.75кг
22.	Тусгай зориулалтын хоол			-	-	3	500г	9	1.025кг
23.	Хүүхдийн хоол тэжээл			-	-	3	500г	14	1.9кг
24.	Хөлдөөсөн хүнсний бүтээгдэхүүн			3	500г	3	500г	10	1.3кг
25.	Хүнсий нэмэлт бүтээгдэхүүн, давс			7	500г	3	500г	18	1.725кг
26.	Спирт			8	1200мл	3	500мл	11	1.95л
27.	Архи			7	1800мл	3	500мл	10	2.55л
28.	Пиво			3	1000мл	3	500мл	12	3.5л
29.	Элсэн чихэр			-	-	3	500г	10	1.375кг

 

 

Тайлбар. УМХГ-ын Даргын 350 тоот тушаалын хоёрдугаар хавсралтыг үндэслэв.

 

 

Гурав. Шинжлэгдэхүүн авах ба түүнтэй харьцах

 

ХХДӨ-ний алаг цоог тохиолдлын үед өвчилсөн болон өвчилж болзошгүй хүн бүрээс шинжлэгдэхүүн авна. Шинжлэгдэхүүнийг антибиотик эмчилгээ эхлэхээс өмнө, цаг алдалгүй авах нь оношийг зөв тодруулах үндэслэл болно. Антибиотик эмчилгээ эхэлсэн тохиолдолд өвчтөний хэрэглэсэн эмийн нэр төрөл, тун, цаг хугацааг шинжлэгдэхүүний дагалдах бичигт сайтар тэмдэглэнэ.

Шинжлэгдэхүүнийг ариутгасан саванд авах ба тухайн тохиолдолд ариутгасан сав байхгүй бол 2–3%-ийн содын уусмалаар угааж, буцалсан халуун усаар 10 дахин зайлсан, 20–30 минутын туршид буцалгасан савыг ашиглаж болно. Хэрэв шинжлэгдхүүнтэй савны гадаргуу нь аюултай байж болзошгүй биологийн хүчин зүйлсээр бохирдсон байвал, шаардагдах био-аюулгүйн арга хэмжээг авна.

 

Шинжлэгдэхүүний төрлүүд

 

ХХДӨ-ний голомтонд ажиллаж байгаа эмч, эмнэлгийн ажилтан, эрүүл ахуйч эсвэл хяналтын байцаагч нь өвчний шалтгааны хүчин зүйлсийг илрүүлэх, онош тодруулах зорилгоор өвчтөн, хоол хүнсийг бэлтгэсэн тогооч, гал тогооны ажилчид, хоол хүнстэй харьцсан болон хяналтын бүлэгт хамаарагдах өвчилж болзошгүй хүмүүсээс цус, бөөлжис, ходоодны угаадас, баас, шээс, хамар залгиур болон шулуун гэдэсний арчдас зэрэг шинжлэгдхүүнийг авч лабораторид илгээнэ. Өвчтөн нас барсан тохиолдолд цус, элэг, дэлүү, ходоод, нарийн, бүдүүн гэдэс, зүрх, гол судасны эдээс хүрэлцэхүйц хэмжээгээр шинжлэгдэхүүн авна.         

 

Өтгөн: ХХДӨ-ний үед өвчтөн суулгаж байвал үүсгэгчийг илрүүлэх зорилгоор өвчний хурц үед шинжлэгдэхүүн авна. Суулгалт хам шинж бүхий өвчтөний өтгөнөөс шинжлэгдэхүүн, шулуун гэдэснээс арчдас авна. 

Нян илрүүлэх шинжлэгдэхүүн: Өвчтөний өтгөнөөс (ойролцоогоор 15 г) цустай, салстай, идээтэй хэсгээс шинжлэгдэхүүн авч хуурай, ариун, тагтай зориулалтын саванд хийж, тээвэрлэх цүнхэнд байрлуулна. Дагалдах бичигт тэмдэглэгээ хийж, 2 цагийн дотор лабораторид хүргэнэ. Хэрэв 2 цагаас илүү хугацаагаар хадгалах бол зөөврийн тэжээлт орчинд шинжлэгдхүүнийг авна. Өвчтөний өтгөнд бамбарыг дүрээд 15 секундын турш тойргоор эргүүлэн хутгасны дараа бамбарыг зөөвөрлөх тэжээлт орчинд хийж, зориулалтын тээвэрлэх саванд байрлуулан дагалдах бичгийн хамт лабораторид хүргэнэ.

Цусархаг өтгөнтэй буюу амёбын цусан суулга илрүүлэх зорилготой байгаа бол сорьцыг маш яаралтай лабораторид хүргэх шаардлагатай. Хөдөлгөөнтэй амёб илрүүлэхэд шинэ сорьц хэрэгтэй.

Вирус илрүүлэх шинжлэгдэхүүн:  Өвчний шинж тэмдэг илэрснээс хойш 48 цагийн дотор өвчтөний өтгөнөөс шинжлэгдэхүүн авна. Зөөвөрлөх  орчин эсвэл аливаа төрлийн шингэнийг шинжлэгдэхүүнд нэмж болохгүй. Шинжлэгдэхүүн авсан савыг мөстэй саванд гүн суулгаж байрлуулна. Шинжлэгдэхүүнийг 48 цагийн туршид мөстэй саванд сэрүүн нөхцөлд хадгална.

Шимэгч, шимэгч хорхойн өндөг илрүүлэх шинжлэгдэхүүн: 1–2 хоногийн туршид өвчтөний хэвийн ялгаруулсан 3 удаагийн өтгөнөөс шинжлэгдэхүүн авна. Шинэхэн ялгарсан (2 – 5цагийн дотор) өтгөнийг нөөшлөгч (PVA эсвэл Формалин)-тэй хольж сайтар хутгана. Шинжлэгдэхүүнийг тасалгааны температурт эсвэл мөстэй саванд байрлуулна. Шинжлэгдэхүүнийг хөлдөөж үл болно. Гэдэсний шимэгч илрүүлэх зориулалтаар цуглуулсан өтгөний шинжлэгдэхүүнийг нөөшлөгчтэй хольж хадгалдаг учир нян, вирус илрүүлэх шинжилгээнд ашиглах боломжгүй юм.

 

            Бөөлжис: Хэрэв өвчтөн бөөлжиж байвал түүнийг цуглуулж шинжлэгдэхүүн авна. Бөөлжисийг лабораторид хүргэх хүртэл хөргүүрт хадгална. Бөөлжисийг хөлдөөж үл болно.

Ходоодны угаадас: Эмчилгээний болон оношлогооны зорилгоор өвчтөний ходоодыг угаана. Ходоодны угаадсыг лабораторид хүргэх хүртэл цельсийн -4ْ хэмд хөргүүрт хадгална. Ходоодны угаадсыг хөлдөөж үл болно.

            Цус: Өвчтөнөөс шинжилгээнд цус заавал авна. Цусныг эсрэгбие, эмгэг төрүүлэгч, хорын эсрэгбие илрүүлэх шинжилгээнд ашиглаж болно. Өвчний хурц үе (өвчин эхэлснээс хойш 7 хоногийн дотор) болон намжилтийн үе (ихэвчлэн 4-6 долоо хоногийн дараа)-д цуснаас давтан шинжлэгдэхүүн авна.        Насанд хүрсэн хүнээс 8-10 мл, хүүхдээс 3 мл, бага насны хүүхдээс 1–2 мл цусыг бүлэгнэлтийн эсрэг аливаа урвалжгүй, ариун хуруу шилэнд авна. Өвчтөнөөс авсан цусыг хөлдөөж үл болно. Хөлдөлтийн улмаас цусны эсүүд задарч (гемолиз) серологийн урвалын үр дүнд нөлөөлдөг байна. Хэрэв вирус илрүүлэх зориулалтаар цуснаас шинжлэгдэхүүн авсан бол цусны бүлэн бүхий хуруу шилийг нэн түргэн хөлдөөхийн зэрэгцээ ялган авсан сийвэнг хуурай мөстэй саванд гүн хийж 2 цагийн дотор лабораторид хүргэнэ. Шаардлагатай тохиолдолд цусны бүлэн ба сийвэнг хөлдөөгч эсвэл хуурай мөсөнд хадгална.

Хэрэв цусанд эсрэгбие илрүүлэх шинжилгээ хийхээр төлөвлөж байгаа бол орчны температур хэт халуун биш бол цусыг хөргүүрт хадгалах шаардлагагүй боловч нарны шууд гэрлээс хамгаална.

 

Ийлдэс ялгах: Өвчтөний ийлдсийг эсрэгбие, эмгэгтөрүүлэгч, хорын эсрэгбие илрүүлэх шинжилгээнд ашиглана.

Цусыг 1 минутанд 1000 удаа эргэх хурдаар 10 минутын турш хурилдуулан ийлдсийг ялгаад ариун, таглаа бүхий эппендорфод хийж цельсийн -180 хэмд хадгална. Хэрэв ийлдсийг цус авсан даруйд ялган авах боломжгүй бол цусыг хөргүүрт бүлэн үүстэл нь байлгах ба ийлдсийг ариун нөхцөлд хоосон, ариун хуруу шилэнд ялган авч шинжилгээнд ашиглана.

 

Шээс: Өвчтөнд сайтар зөвлөгөө өгч шээсний сүв орчмын талбайг зориулалтын цаас, бусад материалаар арчуулаад 4%-ийн иодын ханд эсвэл бусад төрлийн ариутгагч бодисоор ариутган цэвэрлэнэ. Үүний дараа өвчтөний шээсний дунд хэсгээс 10-20 орчим мл шээсийг ариун саванд цуглуулж авна.

 

Өвчтөнөөс сорьц шинжлэгдэхүүн цуглуулах, хадгалах ажилбарыг Эрүүл мэндийн сайдын 2007 оны 4 сарын 12-ны өдрийн 100 дугаар тушаалаар батлагдсан "Халдварт өвчний дэгдэлтийг эрт сэрэмжлүүлэх, хариу арга хэмжээ авах тандалтын журам"-ын хариу арга хэмжээ авах зааврын дагуу гүйцэтгэнэ.  

 

 

Дөрөв. Сорьц ба шинжлэгдэхүүнийг тээвэрлэх

 

         Сорьцийг тээвэрлэхэд зориулан савлаж, баглан дагалдах бичгийн хамт Зам, тээвэр, аялал жуулчлалын сайдын 2006 оны 05 дугаар сарын 05-ны өдрийн 70 тоот тушаалын хавсралт "Биоаюултай илгээмж, биобэлдмэлийг тээвэрлэх журам"-ын дагуу тээвэрлэнэ.

 

Сорьц / шинжлэгдэхүүнд хавсаргах дагалдах бичиг

 

 

№ ______                   Баас □                     Бөөлжис □                 Цус □              Бусад □         

 

Сорьц/Шинжлэгдэхүүн цуглуулсан хүний нэр, албан тушаал __________________

_____________________________________________________________________

 

Өвчтөний нэр _______________________________           нас_______Хүйс _______

 

Гэрийн хаяг ___________________________________________________________

 

Байгууллагын нэр, хаяг _________________________________________________

_____________________________________________________________________

 

Өвчин эхэлсэн он, сар, өдөр, цаг__________________________________________

 

Эмнэл зүйн шинжүүд (тэмдэглэгээ √ ) :

 

Биеийн ерөнхий байдал:       Хөнгөн □                    Дунд □                                   Хүнд □

Сэжиглэж буй өвчин ____________________________________________________

Нэмэлт тайлбар _______________________________________________________

 

Халдвар нь     1. Тохиолдолд

                        2. Дэгдэлт:      Гэр бүлийн □    Байгууллагын □         Нутаг дэвсгэрийн □         

 

Тохиолдол, дэгдэлтэнд хамрагдсан хүний тоо ______________________________

 

Сорьц хүлээн авах байгууллагын нэр, хаяг _________________________________

_______________________________________________________________________________

_______________________________________________________________________________