Батлан хамгаалахын сайд, Зам тээвэр,аялал Жуулчлалын сайдын хамтарсан 2007 оны 11 дүгээр сарын 08-ны өдрийн 390/180 дугаар Тушаалын  хавсралт 2

1.1.    Энэ журмаар Улсын нисэхийн аэродромуудыг батлан хамгаалах болон   иргэний   зориулалтаар   хамтран   ашиглахтай   холбогдсон   харилцааг зохицуулна.

1.2.   Улсын    нисэхийн    аэродромуудыг    иргэний    нисэхэд    ашиглах тохиолдолд Улсын  нисэхийн асуудал  эрхэлсэн төрлийн  цэргийн  командлал /УНАЭТЦК/ нь иргэн, аж ахуйн нэгж, байгууллагатай гэрээ байгуулах ба гэрээнд талуудын хүлээх үүрэг, эрх, хариуцлагыг тодорхой тусгасан байна.

2.1.  Улсын болон иргэний агаарын хөлгүүд хамтран ашиглах аэродром нь Иргэний нисэхийн "Аэродром-гэрчилгээжүүлэлт ба ашиглалт"-ын дүрэм /ИНД-139/-ИЙН дагуу иргэний нисэхийн аэродромд тавигдах шаардлагуудыг хангасан байна.

2.2.     Хамтран    ашиглах    улсын    нисэхийн    аэродром    нь    дараахь шаардлагуудыг хангасан байна. Үүнд:

-         Улсын    нисэхийн   асуудал   эрхэлсэн   төрлийн    цэргийн       командлал /УНАЭТЦК/-ИЙН  нисэхийн         хэлтсийн  "Сургалт,  үнэмлэх, гэрчилгээжүүлэлтийн алба"-наас олгосон гэрчилгээтэй байх;

-         нислэг үйлдэх болон үйл ажиллагааны заавартай байх;

-         газар эзэмших гэрчилгээтэй байх;

-         аюулгүй байдлын стандартыг хангасан байх;

-         ашиглалтын хязгаарлалтыг тогтоосон байх;

-         агаарын хөлгийг хөөргөх, буулгах болон нислэгийн үед удирдах боломжийг хангасан байх;

-         нислэгийн   холбоо,   радиотехникийн   хангалтын   техник,   хэрэгслүүдээр хангагдсан байх;

-         гэрэлтүүлгийн  техник хэрэгслүүдээр  шаардлагын  түвшинд  хангагдсан байх;

-         нислэгийн цаг уурын хангалт хийх боломжийг бүрдүүлсэн байх;

-         нисэхийн инженерийн болон аэродромын техник хэрэгслээр тоноглогдсон байх;

-         аюулгүй байдлыг хангах үүднээс  тусгаарлах  хашаа, харуул хамгааалалттай байх зэрэг болно.

3.1. Улсын нисэхийн аэродромыг хамтран ашиглахаар хүсэлт гаргагч нь дараахь баримт, материалыг бүрдүүлж, УНАЭТЦ-ийн командлалд ирүүлнэ. Үүнд:

-  аэродромыг ашиглах үндэслэл, зорилго, хугацаа;

-  тухайн ажлын удирдамж;

-  хамтран ашиглах гэрээний төсөл.

4.1.  Улсын нисэхийн аэродромууд нь ЗХЖШ-ын даргын баталсан тухайн "Аэродром дээр нислэг үйлдэх заавар"-тай байна.

4.2.     Иргэний    агаарын   хөлгийн    нислэгт   ашиглах   улсын    нисэхийн аэродромын "Аэродром дээр нислэг үйлдэх заавар"-ыг ЗХЖШ-ын дарга, ИНЕГ-ын дарга хамтран батална.

4.3.   Хамтран  ашиглаж байгаа Улсын  нисэхийн  аэродромуудыг цэрэг-стратегийн зориулалтаар ашиглах онцгой тохиолдол  бий болоход үндэсний аюулгүй байдлыг хангах чиг үүргийн дагуу батлан хамгаалах салбар давуу
эрхээр ашиглана.

 

4.4.     УНАЭТЦ-ийн командлал нь Монгол Улсын нутаг дэвсгэрт байгаа Улсын нисэхийн аэродромуудыг хяналтандаа байлгана.

4.5.     Улсын нисэхийн аэродромыг хамтран ашиглах гэрээ байгуулаагүй иргэн, аж ахуйн нэгж, байгууллагад улсын нисэхийн аэродромыг ашиглуулахгүй.

 

 

 

--------------оОо------------------