Сангийн сайд, Санхүүгийн зохицуулах хорооны

даргын 2012 оны  11  дүгээр сарын  08-ны өдрийн

 232/216 дугаартай хамтарсан тушаалын 3 дугаар хавсралт

 

 

 

ХАДГАЛАМЖ, ЗЭЭЛИЙН ХОРШООНЫ САНХҮҮГИЙН ТАЙЛАН БЭЛТГЭХ АРГАЧЛАЛ

 

НЭГДҮГЭЭР БҮЛЭГ. НИЙТЛЭГ ЗҮЙЛ

 

1. ХЗХ нь жилийн санхүүгийн тайланг “А” маягтаар, улирлын санхүүгийн тайланг “Б” маягтаар гаргана.
2. Санхүүгийн тайлан, тодруулгын үзүүлэлтийг төгрөг, мөнгөөр илэрхийлнэ.
3. Санхүүгийн тайланг хугацаанд нь үнэн зөв гаргах үүрэг, хариуцлагыг ХЗХ-ны удирдлага хүлээнэ.
4. Бүртгэлийн мэдээлэл боловсруулах үе шат нь анхан шатны баримт бүрдүүлэх, журналд бичих, дэлгэрэнгүй болон ерөнхий данс хөтлөх, ажил гүйлгээний мэдээ гаргах, санхүүгийн тайлан гаргах гэсэн дэс дараалалтай байна.

 

1. Санхүүгийн тайлангийн зорилт

 

Санхүүгийн тайлангийн зорилт нь гадны болон дотоодын хэрэглэгчдийг эдийн засгийн шийдвэр гаргахад нь зориулан тухайн ХЗХ-ны санхүүгийн байдал (хөрөнгө, өр төлбөр, өөрийн хөрөнгө), үйл ажиллагааны үр дүн (орлого, үр дүн), санхүүгийн байдлын өөрчлөлт (мөнгөн гүйлгээ)-ийн талаарх мэдээллээр хангахад чиглэгдэнэ.

 

2. Санхүүгийн тайланг бэлтгэх зарчим

 

Санхүүгийн тайлан бэлтгэхдээ дараах ерөнхий зарчмыг баримтална. Үүнд:

 

1. ХЗХ нь санхүүгийн байдал, үйл ажиллагааны үр дүн, мөнгөн гүйлгээгээ Санхүүгийн тайлагналын олон улсын стандартад нийцүүлэн бодитойгоор илэрхийлсэн байх;
2. ХЗХ-г татан буулгах, үйл ажиллагааг нь зогсоох нөхцөл байдал үүссэнээс бусад тохиолдолд санхүүгийн тайланг тасралтгүй байх зарчмаар гаргах;
3.  ХЗХ нь мөнгөн гүйлгээний тайлангаас бусад санхүүгийн тайланг нягтлан бодох бүртгэлийн аккруэл сууриар бэлтгэх;
4. Санхүүгийн тайлан дахь толилуулга ба ангиллыг нэг үеэс дараагийн үед тогтвортой хадгалах;
5. ХЗХ-ны санхүүгийн тайлан нь өмнөх үеийн болон бусад байгууллагын санхүүгийн тайлантай зэрэгцүүлэх боломжтой байх;
6. Санхүүгийн тайланд материаллаг зүйлсийг тусад нь толилуулна. Материаллаг бус дүнтэй зүйлсийг шинж чанар буюу үүргийнх нь дагуу ижил зүйлсийн дүнтэй нэгтгэн толилуулах.

 

3. Санхүүгийн тайлангийн бүрэлдэхүүн

 

1. Санхүүгийн тайлан доорх бүрэлдэхүүн хэсэгтэй байна. Үүнд:

 

• Баланс /Санхүүгийн байдлын тайлан/
• Үйл ажиллагааны үр дүнгийн тайлан /Орлогын дэлгэрэнгүй тайлан/
• Өмчийн өөрчлөлтийн тайлан
• Мөнгөн гүйлгээний тайлан
• Бусад нэмэлт тодруулга /Санхүүгийн тайлангийн тодруулга/

 

2. Жилийн эцсийн санхүүгийн тайланг тодруулгатай бэлтгэнэ.

 

3. Нягтлан бодох бүртгэлийн бодлогыг Сангийн яам болон Санхүүгийн зохицуулах хорооноос хамтран баталсан дэлгэрэнгүй заавар, аргачлалыг дагуу боловсруулна.

 

ХОЁРДУГААР БҮЛЭГ. БАЛАНС

 

4. Баланс

 

ХЗХ-ны санхүүгийн байдлыг тодорхой нэг хугацаагаар (улирал, жил) тасалбар болгон тайлагнахын тулд хөрөнгө, өр төлбөр, өөрийн хөрөнгийн хэмжээг мөнгөн илэрхийллээр үзүүлж, баланст тусгана.

 

5. Балансын ангилал, түүнийг бэлтгэх

 

А) Хөрөнгийг дараах байдлаар ангилна.

 

• Эргэлтийн хөрөнгө
• Эргэлтийн бус хөрөнгө

 

1. Хөрөнгө, өр төлбөр, өөрийн хөрөнгийг балансд нягтлан бодох бүртгэлийн зааварт заасан үнэлгээгээр үнэлж үзүүлнэ.
2. Хөрөнгийг хөрвөх чадвараар нь, өр төлбөрийг төлөгдөх хугацаагаар нь дэс дараалуулан балансад тусгана.

 

6. Эргэлтийн хөрөнгө

 

ХЗХ-ны үйл ажиллагааны циклийн хэвийн нөхцөлд ашиглахаар эзэмшиж байгаа эсвэл борлуулах зорилгоор эзэмшиж байгаа хөрөнгө, тайлант өдрөөс хойш 12 сарын дотор өр төлбөрийг барагдуулахад ашиглах мөнгө болон мөнгөтэй адилтгах хөрөнгө нь эргэлтийн хөрөнгөд хамаарна.

 

Эргэлтийн хөрөнгийг балансд дараах байдлаар ангилан толилуулна. Үүнд:

 

1. Мөнгө ба түүнтэй адилтгах хөрөнгө:

 

а. Бэлэн мөнгө

б. Банк, санхүүгийн байгууллага дахь харилцах, тусгай зориулалт бүхий мөнгөн сан, мөнгөтэй адилтгах бусад зүйлс

в. Банк, санхүүгийн байгууллагад байршуулсан хадгаламж хамаарна.

 

Эдгээр хөрөнгийг нэрлэсэн үнээр нь бүртгэнэ.

 

2. Богино хугацаат хөрөнгө оруулалт:

 

Арилжааны үнэт цаас хамаарна.

 

Богино хугацаат хөрөнгө оруулалтыг өртгөөр нь бүртгэнэ.

 

3. Зээл, авлага:

 

а. Зээл

б. Хуримтлуулж тооцсон хүүгийн авлага

в. Санхүүгийн түрээсийн авлага

г. Байгууллага, хувь хүмүүсээс авах авлага

д. Дутагдал, шамшигдал

е. Татвар, нийгмийн даатгалын шимтгэлийн авлага

ё. Бусад авлага хамаарна.

 

       Аж ахуйн нэгжийн орлогын албан татвар, бусад татвар, төлбөр, хураамжийн болон нийгмийн даатгалын шимтгэлийн тайлант хугацааны эцсээрх илүү төлөгдсөн дүн орно. Улирал ба жилийн эцэс дэх татвар, нийгмийн даатгалын шимтгэлийн авлагын дүн нь татвар, нийгмийн даатгалын байгууллагын баталгаажуулсан дүнтэй тэнцүү байна. Бусад авлагад нэг хүртэлх жилийн хугацаатай буюу үйл ажиллагааны нэг циклийн дотор эргэн төлөгдөх үндсэн үйл ажиллагаатай холбогдолгүй үүссэн авлага хамаарна.

 

Зээлийн дүнгээс Зээлийн эрсдэлийн санг хасч цэвэр дүнгээр, авлагыг цэвэр боломжит үнэ цэнээр буюу мөнгөөр хүлээн авахаар тооцоолж буй цэвэр дүнгээр нь балансд тусгана.

 

4. Өмчлөх бусад хөрөнгө:

 

Өмчлөх бусад хөрөнгийн өртгөөс түүний үнэлгээний хасагдуулгыг хассан цэвэр дүнгээр нь балансд тусгана.

 

5. Бусад эргэлтийн хөрөнгө:

 

• Хангамжийн зүйлс
• Урьдчилж төлсөн зардал, тооцоо хамаарна.

 

     Тухайн тайлант хугацаанд хамааруулан зардал гэж зөвшөөрч бүртгэхээс өмнө төлбөрийг нь урьдчилж төлсөн зардлыг (даатгал, түрээс гэх мэт) балансын хөрөнгийн зүйл ангид хамааруулж, урьдчилж төлсөн зардал гэж бүртгэнэ. Ийм төрлийн зардлыг дараагийн тайлант үеийн холбогдох зардалд нь шингээнэ. Хангамжийн зүйлс, бусад зүйлсийг худалдан авахаар төлсөн урьдчилгааг урьдчилж төлсөн тооцоонд хамааруулна.

 

Хангамжийн зүйлсийг өртгөөр нь, урьдчилж төлсөн зардал, тооцоог төлсөн дүнгээр нь бүртгэнэ.

 

7. Эргэлтийн бус хөрөнгө

 

Эргэлтийн хөрөнгөөс бусад бүх хөрөнгө нь эргэлтийн бус хөрөнгөд хамрагдана.

 

     Эргэлтийн хөрөнгийг балансд дараах байдлаар ангилан толилуулна. Үүнд:

 

1.  Үндсэн хөрөнгө:

 

     Нэгээс дээш тайлант хугацаанд үйлчилгээ үзүүлэхэд болон удирдлагын хэрэгцээнд ашиглаж байгаа биет зүйлс үндсэн хөрөнгөд хамаарна.

 

     Үндсэн хөрөнгийг балансд хуримтлагдсан элэгдэл, хуримтлагдсан үнэ цэнийн бууралтыг хассан дансны цэвэр дүнгээр нь толилуулна.

     Үнэ цэнийн бууралтын гарзыг тухайн хөрөнгийн дансны үнэ болон түүнтэй адил төстэй хөрөнгийн өнөөгийн зах зээлийн үнэ хоёрын хоорондох зөрүүгээр хэмжинэ.

 

2.  Биет бус хөрөнгө

 

     Биет шинж чанаргүй, тодорхойлж болохуйц, мөнгөөр илэрхийлэгдээгүй хөрөнгө биет бус хөрөнгөд хамаарна.

 

Биет бус хөрөнгийг балансд анхны өртгөөс хуримтлагдсан элэгдэл, хуримтлагдсан үнэ цэнийн бууралтын гарзыг хассан өртгөөр нь тусгана.

 

3.  Урт хугацаат хөрөнгө оруулалт

 

Урт хугацаат өрийн бичгийг өртгөөр нь балансад тусгана.

 

4. Хойшлогдсон татварын хөрөнгө

 

Хойшлогдсон татварын хөрөнгөд хасагдах түр зөрүү болон ашиглагдаагүй татварын алдагдлыг дараагийн үе рүү шилжүүлэхтэй холбоотойгоор ирээдүйн тайлант үед нөхөгдөх орлогын албан татварын дүн хамаарна.

 

ХЗХ нь хасагдах түр зөрүүг ашиглаж болохуйц хэмжээний татвар ногдох ашиг олох магадлалтай байгаа үед л хойшлогдсон татварын хөрөнгийг хүлээн зөвшөөрнө.

 

Хэрэв хойшлогдсон татварын хөрөнгийн бүх эсвэл зарим өгөөжийг ашиглах хангалттай хэмжээний татвар ногдуулах орлого олох магадлалгүй бол тэр хэмжээгээр хойшлогдсон татварын хөрөнгийн дансны үнийг бууруулна. Энэхүү бууралтыг хангалттай хэмжээний татвар ногдуулах орлого олох магадлалтай болсон үед буцаана.

 

Б)   Өр төлбөрийг дараах байдлаар ангилна.

 

• Богино хугацаат өр төлбөр
• Урт хугацаат өр төлбөр

 

8. Богино хугацаат өр төлбөр

 

     ХЗХ-ны үйл ажиллагааны циклийн хэвийн нөхцөлд төлбөр нь барагдахаар хүлээгдэж байгаа эсвэл тайлангийн өдрөөс хойш 12 сарын дотор барагдуулах ёстой өр төлбөрийг богино хугацаат өр төлбөр гэнэ. Богино хугацаат өр төлбөрийг төлөгдөх дүнгээр нь бүртгэж балансд дараах байдлаар ангилан харуулна. Үүнд:

 

1. Хадгаламж:

 

Бүх төрлийн хадгаламжийн дансны үлдэгдлийг өнөөгийн үнэ цэнээр балансд тусгана.

 

Санхүүгийн жилийн эцэст хугацаагүй хадгаламжид хуримтлуулж тооцсон хүүгийн өглөгийг хадгаламжийн үндсэн үлдэгдэлд нэмэгдүүлж бүртгэнэ.

 

2. Банк, санхүүгийн байгууллага, төсөл хөтөлбөрөөс авсан богино хугацаат зээл:

 

Банк, санхүүгийн байгууллага, төсөл хөтөлбөрөөс авсан зээлийг өнөөгийн үнэ цэнээр балансд тусгана.

3. Хуримтлуулж тооцсон хүүгийн өглөг:

 

   Богино болон урт хугацаат зээлтэй холбоотой үүссэн, төлөгдөөгүй байгаа хүүгийн төлбөрийн дүнг тусгана.

 

4. Цалингийн өглөг

 

     Ажилчдад өгөх цалин, бусад хэлбэрийн хөдөлмөрийн хөлсний өглөгийг энэ хэсэгт тусгана.

 

5. Татвар, НДШ-ийн өглөг

 

     Татварын хуулийн дагуу тооцсон, тухайн тайлант хугацааны эцэст төсөвт төлөөгүй байгаа татварын дүнг энд тусгана. Улирал ба жилийн эцэс дэх төлөгдөөгүй татварын үлдэгдэл нь татварын байгууллагаас баталгаажуулсан үлдэгдэлтэй тэнцүү байна.

 

     Цалингаас суутгасан болон ажил олгогчоос төлөх нийгмийн даатгал, эрүүл мэндийн даатгалын шимтгэлийн тайлант хугацааны эцэс дэх төлөгдөөгүй үлдэгдлийг тооцон энэ хэсэгт тусгана.

 

6. Ногдол ашгийн өглөг

 

     Бүх гишүүдийн хурлын шийдвэрээр гишүүдэд төлөхөөр зарласан ногдол ашгийг энэ дансаар бүртгэж тайлагнана. Зөвхөн мөнгөн хэлбэрийн ногдол ашгийн тайлант хугацааны эцэс дэх төлөгдөөгүй үлдэгдлийг богино хугацаат өр төлбөр гэж үзнэ.

 

7. Урьдчилж орсон орлого:

 

     Зээл ашиглагдаагүй байх үед зээлийн хүүг болон ажил, үйлчилгээ үзүүлэхээс өмнө орлогыг урьдчилан хүлээн авсан тохиолдолд хүлээн авсан мөнгөний хэмжээгээр богино хугацаат өр үүсгэж, энэ дансанд бүртгэнэ. Энэ дансыг үйлчилгээ үзүүлсэн буюу орлого хэрэгжсэн үед дебитлэж, холбогдох орлогын дансыг кредитлэнэ.

 

8. Бусад богино хугацаат өр төлбөр:

 

Үйл ажиллагааны явцад бэлтгэн нийлүүлэгчээс зээлээр худалдан авсан хангамжийн зүйлс, ажил гүйцэтгэгчид төлөөгүй ажлын хөлс, тогтворжилтын сангаас авсан санхүүгийн туслалцаа болон бусад богино хугацаат өглөгийг энэ дансанд тусгана.

 

9. Урт хугацаат өр төлбөр

 

     Богино хугацаатай өр төлбөрөөс бусад өр төлбөрийг урт хугацаат өр төлбөрт хамруулна. Урт хугацаат өр төлбөрийг санхүүгийн байдлын тайланд дараах байдлаар ангилна. Үүнд:

 

1. Банк, санхүүгийн байгууллага, төсөл хөтөлбөрөөс авсан урт хугацаат зээл:

 

     Нэг жилээс дээш хугацаанд төлөгдөх дотоодын болон гадаадын байгууллагаас авсан зээлийн дүнг энэ хэсэгт толилуулна.

 

2. Хойшлогдсон татварын өр төлбөр:

 

Хойшлогдсон татварын өр гэж татвар ногдох түр зөрүүтэй холбоотойгоор ирээдүйн тайлант үед төлөх орлогын албан татварын өрийн дүнг хэлнэ.

 

3. Бусад урт хугацаат өр төлбөр:

 

     Урт хугацаат өрийн бичиг болон бусад урт хугацаат өр төлбөрийн дүнг энэ хэсэгт толилуулна.

 

10. Өөрийн хөрөнгө

 

Өөрийн хөрөнгө нь гишүүдийн оруулсан хувь хөрөнгө болон нөөцийн сан, хадгаламж хамгаалалтын сан, бусад сан, хандив, тусламж, хуримтлагдсан орлогын нийлбэр юм.

 

     Өөрийн хөрөнгийг балансд дараах байдлаар ангилна. Үүнд:

 

1. Гишүүдийн оруулсан хувь хөрөнгө

 

Гишүүдийн оруулсан хувь хөрөнгийг өнөөгийн үнэ цэнээр балансд тусгана.

 

2. Хөрөнгийн дахин үнэлгээний нэмэгдэл

 

     ХЗХ-ны үндсэн хөрөнгө,  биет бус хөрөнгийн дансны үнэ дахин үнэлгээний үр дүнд өссөн бол бусад орлогоор хүлээн зөвшөөрсөн өсөлтийн дүнг энэ дансанд хуримтлуулан бүртгэнэ.

 

3. Хоршоологчдын өмч

 

А. Нөөцийн сан, бусад сан

 

Тусгай зориулалтын сангуудыг өнөөгийн үнэ цэнээр балансд тусгана.

 

Б. Хандив, тусламж

 

В. Хуримтлагдсан орлого

 

     ХЗХ үүсэн байгуулагдсанаас хойшх хугацаанд ХЗХ-нд хуримтлагдан үлдсэн ашиг, алдагдлын нийлбэрийг хуримтлагдсан орлого дансанд бүртгэнэ.

 

ГУРАВДУГААР БҮЛЭГ. ҮЙЛ АЖИЛЛАГААНЫ ҮР ДҮНГИЙН ТАЙЛАН

 

Үйл ажиллагааны үр дүнгийн тайлан нь ХЗХ-ны тодорхой хугацааны үйл ажиллагааны үр дүнг хэмжинэ.

 

     Үйл ажиллагааны үр дүнгийн тайланд орлогыг хүлээн авсан эсвэл авахаар хүлээгдэж буй төлбөрийн бодит үнэ цэнээр хэмжинэ. Орлоготой холбогдож гарсан зардлыг жинхэнэ гарсан хэмжээгээр нь тусгана. Энэхүү тайланд зардлыг чиг үүргээр нь ангилж үр дүнг тооцно.

 

Үйл ажиллагааны үр дүнгийн тайланг бэлтгэх

 

1. Үйл ажиллагааны үр дүнгийн тайланг бэлтгэхдээ тухайн тайлангийн хугацаанд хамрагдах орлого, зарлагын ажил, гүйлгээг аккруэл сууриар бүртгэнэ. Энэ зарчмаар орлогыг олсон бөгөөд хэмжих боломжтой болсон үед, зардлыг гарсан бөгөөд хэмжих боломжтой болсон үед нь бүртгэнэ.
2. Орлого ба зардлыг тэдгээрийн үүсэн гарч буй шалтгаанаар нь ангилна. Орлогын зүйл анги тус бүрт зардлын зүйл ангийг зохицуулан бүртгэх зарчмыг баримтална.
3. Хүүгийн орлогын буцаалт, хүүгийн зардлын буцаалтыг холбогдох орлого, зардлаас хасч, тайланд цэвэршүүлж  тусгана.

 

     Дараах зүйлүүдийг үйл ажиллагааны үр дүнгийн тайланд тусгана. Үүнд:

 

Хүүгийн орлого

 

    Зээлийн болон хадгаламжийн, санхүүгийн түрээсийн хүүгийн орлого хамаарагдана.

 

Хүүгийн зардал

 

    Гишүүдийн хадгаламж болон банк, санхүүгийн байгууллагаас авсан зээлийн хүүгийн зардал хамаарагдана.

 

Хүүгийн цэвэр орлого

 

Хүүгийн орлогоос хүүгийн зардлыг хасч, хүүгийн цэвэр орлогыг тодорхойлно.

 

Үйл ажиллагааны бусад орлого

 

Гишүүний татвар, элсэлтийн хураамж, үйлчилгээний шимтгэл, санхүүгийн бусад ажил, үйлчилгээний орлого хамаарагдана.

 

Эрсдэлийн сангийн зардал

 

Зээлийн эрсдэлийн зардал, өмчлөх бусад хөрөнгийн үнэлгээний хасагдуулгын зардал хамаарагдана.

 

Үйл ажиллагааны цэвэр орлого

 

Хүүгийн цэвэр орлого дээр үйл ажиллагааны бусад орлогыг нэмж, эрсдэлийн сангийн зардлыг хасч, үйл ажиллагааны цэвэр орлогыг тодорхойлно.

 

Үйл ажиллагааны зардал

 

Үйл ажиллагаа эрхлэхтэй холбогдон гарсан зардлууд хамаарагдана.

 

Гадаад валютын ханшийн зөрүүний олз (гарз)

 

Гадаад валютаар илэрхийлэгдсэн зээлийн үлдэгдэлд хийгдсэн ханшийн тэгшитгэлийн олз (гарз), зарим мөнгөн бус зүйлсийн валютын ханшийн зөрүүний ашиг (алдагдал)-аар хүлээн зөвшөөрсөн олз (гарз)-ыг хамруулна.

 

Үндсэн хөрөнгө данснаас хассаны олз (гарз)

 

   Үндсэн хөрөнгийг борлуулах, хандивлах эсвэл түүний ашиглалтаас ирээдүйн эдийн засгийн үр өгөөж хүртэхгүй болсон үед данснаас хасна. Үндсэн хөрөнгийн дансны үнэ болон хасалтаас олсон орлогын зөрүүгээр олз (гарз)-ыг тодорхойлно.

 

Татвар төлөхийн өмнөх орлого (алдагдал)

 

     Үйл ажиллагааны цэвэр орлогоос үйл ажиллагааны зардлыг хасч, гадаад валютын ханшийн зөрүүний олз (гарз), үндсэн хөрөнгө данснаас хассаны болон борлуулсны олз (гарз)-ыг нэмж татвар төлөхийн өмнөх орлого (алдагдал)-ыг тодорхойлно.

 

Орлогын татварын зардал

 

Орлогын татварын зардал (орлого) нь тайлант үеийн татварын зардал болон хойшлогдсон татварын зардал (орлого)-аас бүрдэнэ.

 

Цэвэр орлого (алдагдал)

 

Татвар төлөхийн өмнөх орлогоос орлогын татварын зардлыг хасч цэвэр орлогыг тодорхойлно.

 

ДӨРӨВДҮГЭЭР БҮЛЭГ. ӨМЧИЙН ӨӨРЧЛӨЛТИЙН ТАЙЛАН

 

Өмчийн өөрчлөлтийн тайланд ХЗХ-ны гишүүдийн оруулсан хувь хөрөнгө, хөрөнгийн дахин үнэлгээний нэмэгдэл болон тусгай зориулалтын сангууд, хуримтлагдсан орлого зэрэг өөрийн хөрөнгийн аливаа өөрчлөлтийн хэмжээг хоёр жилээр толилуулна. Үүнд:

 

• Нягтлан бодох бүртгэлийн бодлогын өөрчлөлтийн нөлөө, алдааны залруулгыг хуримтлагдсан орлогын эхний үлдэгдлийг залруулах замаар тусгана.

 

• Өөрийн хөрөнгөд гарсан өөрчлөлтийг тухайн тайлант хугацааны эхэнд болон эцэст гэсэн байдлаар тусган харуулна.

 

• Хуримтлагдсан орлого (алдагдал)-ын өнгөрсөн оны үлдэгдэл дээр тайлангийн үеийн цэвэр орлогыг нэмж, алдагдлын шинжтэй тохируулах бичилт болон ногдол ашгийг xacax байдлаар тооцож, тайлангийн үеийн хуримтлагдсан орлого (алдагдал)-ын эцсийн үлдэгдлийг тодорхойлно.

 

• Үндсэн хөрөнгө, биет бус хөрөнгийг данснаас хасах үед тухайн хөрөнгийн дахин үнэлгээний хуримтлагдсан нэмэгдлийн дүнг дахин үнэлгээний нэмэгдэл гэсэн мөрөнд хуримтлагдсан орлогоос хасч тусгана.

 

• Хуримтлагдсан орлого (алдагдал)-ын залруулсан үлдэгдэл дээр тайлант үеийн цэвэр орлого, өмчид гарсан нэмэгдэх өөрчлөлт, дахин үнэлгээний нэмэгдлийн дүнг нэмж, тайлант үеийн цэвэр алдагдал, өмчид гарсан хасагдах өөрчлөлт болон зарласан ногдол ашгийг хасч, тайлант үеийн хуримтлагдсан орлого (алдагдал)-ын эцсийн үлдэгдлийг тодорхойлно.

 

• Нийт өөрийн хөрөнгийн эхний үлдэгдэл дээр нийт нэмэгдсэн өөрчлөлтийг нэмж, нийт хасагдсан өөрчлөлтийг хасч, өөрийн хөрөнгийн эцсийн үлдэгдлийг тодорхойлно.

 

ТАВДУГААР БҮЛЭГ. МӨНГӨН ГҮЙЛГЭЭНИЙ ТАЙЛАН

 

1. Тайлант хугацааны мөнгөн хөрөнгийн хөдлөл, өөрчлөлтийг мөнгөн гүйлгээний тайланд    хоёр жилээр зэрэгцүүлэн үзүүлнэ.
2. Мөнгөн гүйлгээний тайланг бэлтгэхэд шууд аргыг хэрэглэнэ. Шууд арга нь ирээдүйн мөнгөн гүйлгээг тооцоолоход ашиглаж болох мэдээллээр ХЗХ-ны удирдлагыг хангадаг.
3. Мөнгөн хөрөнгийг бүрдүүлсэн эх үүсвэрийг мөнгөн орлого, мөнгөн хөрөнгийн зарцуулалтыг мөнгөн зарлага гэсэн хэсэгт үзүүлэх ба нийт мөнгөн орлогоос нийт мөнгөн зарлагыг хасч үйл ажиллагааны, хөрөнгө оруулалтын, санхүүгийн үйл ажиллагааны цэвэр мөнгөн гүйлгээг тодорхойлно.
4. Үйл ажиллагааны, хөрөнгө оруулалтын, санхүүгийн үйл ажиллагааны цэвэр мөнгөн гүйлгээний нийлбэрээр нийт цэвэр мөнгөн гүйлгээг тодорхойлно.
5. Тайлант хугацааны мөнгөн хөрөнгийн эхний үлдэгдлээс эцсийн үлдэгдлийг хасч тодорхойлсон мөнгөн хөрөнгийн цэвэр өөрчлөлт нь мөнгөн гүйлгээний тайлангийн Бүх цэвэр мөнгөн гүйлгээ гэсэн дүнтэй тэнцүү байна.

 

Мөнгөн гүйлгээний тайлангийн бүрэлдэхүүн хэсэг

 

Мөнгөн гүйлгээний тайлан нь дор дурдсан хэсгээс бүрдэнэ.

 

а. Үндсэн үйл ажиллагааны мөнгөн гүйлгээ

б. Хөрөнгө оруулалтын үйл ажиллагааны мөнгөн гүйлгээ

в. Санхүүгийн үйл ажиллагааны мөнгөн гүйлгээ

г. Бүх цэвэр мөнгөн гүйлгээ

 

A. Үндсэн үйл ажиллагааны мөнгөн гүйлгээ

 

1. Үндсэн үйл ажиллагааны мөнгөн орлогод:

 

• Үйлчилгээний орлого;
• Шимтгэл, хураамжийн орлого;
• Даатгалын нөхөн олговроос хүлээн авсан мөнгө;
• Буцаан авсан албан татвар;
• Бусад мөнгөн орлого орно.

 

1. Үндсэн үйл ажиллагааны мөнгөн зарлагад:

 

• Ажиллагсдад төлсөн;
• Нийгмийн даатгалын байгууллагад төлсөн;
• Хангамжийн зүйл худалдан авахад төлсөн;
• Ашиглалтын зардалд төлсөн;
• Түлш шатахуун, тээврийн хөлс, сэлбэг хэрэгсэлд төлсөн;
• Хүүгийн төлбөрт төлсөн;
• Татварын байгууллагад төлсөн;
• Даатгалын төлбөрт төлсөн мөнгө;
• Бусад мөнгөн зарлага орно.

 

1. Үндсэн үйл ажиллагааны мөнгөн орлого болон мөнгөн зарлагын зөрүүгээр үндсэн үйл ажиллагааны цэвэр мөнгөн гүйлгээг тодорхойлно.

 

Б. Хөрөнгө оруулалтын үйл ажиллагааны мөнгөн гүйлгээ

 

1. Хөрөнгө оруулалтын мөнгөн гүйлгээ нь хөрөнгө оруулалт, урт хугацаат хөрөнгө олж эзэмших, борлуулах ажиллагаанаас бий болсон мөнгөн гүйлгээг харуулна.

 

1. Хөрөнгө оруулалтын үйл ажиллагааны мөнгөн орлогод:

 

• Үндсэн хөрөнгө, биет бус хөрөнгө болон бусад урт хугацаат хөрөнгө борлуулснаас;
• Урт болон богино хугацаат хөрөнгө оруулалт борлуулснаас;
• Бусад  мөнгөн орлого орно.

 

1. Хөрөнгө оруулалтын үйл ажиллагааны мөнгөн зарлагад:

 

• Үндсэн хөрөнгө, биет бус хөрөнгө болон бусад урт хугацаат хөрөнгө олж эзэмшихэд төлсөн мөнгө;
• Урт болон богино хугацаат хөрөнгө оруулалт олж эзэмшихэд төлсөн мөнгө;
• Бусад мөнгөн зарлага орно.

 

1. Хөрөнгө оруулалтын үйл ажиллагааны цэвэр мөнгөн гүйлгээг хөрөнгө оруулалтын үйл ажиллагааны мөнгөн орлого болон мөнгөн зарлагын зөрүүгээр тодорхойлно.

 

B. Санхүүгийн үйл ажиллагааны мөнгөн гүйлгээ

 

1. Санхүүгийн үйл ажиллагааны мөнгөн гүйлгээ нь ХЗХ-нд санхүүжилт олгосон этгээд ирээдүйд хэдий хэмжээний төлбөр нэхэмжлэх вэ гэдгийг урьдчилан тооцох боломжийг илэрхийлдэг.

 

1. Санхүүгийн үйл ажиллагааны мөнгөн орлогод:

 

• Банкнаас авсан урт болон богино хугацаат зээл;
• Бусад мөнгөн орлого орно.

 

1. Санхүүгийн үйл ажиллагааны мөнгөн зарлагад:

 

• Зээлийн төлбөрт төлсөн мөнгө, урт хугацаат өрийн тайлангийн хугацааны төлөлт;
• Санхүүгийн түрээсийн өглөгт төлсөн;
• Мөнгөөр төлсөн ногдол ашиг;
• Бусад мөнгөн зарлага орно.

 

1. Санхүүгийн үйл ажиллагааны цэвэр мөнгөн гүйлгээг санхүүгийн үйл ажиллагааны мөнгөн орлого болон мөнгөн зарлагын зөрүүгээр тодорхойлно.

 

ЗУРГААДУГААР БҮЛЭГ. САНХҮҮГИЙН ТАЙЛАНГИЙН НЭМЭЛТ ТОДРУУЛГА

 

1. Нягтлан бодох бүртгэлийн бодлого

 

Нягтлан бодох бүртгэлийн бодлого гэдэг нь ХЗХ-ны санхүүгийн тайлангаа бэлтгэхэд мөрдөж байгаа тайлангийн үзүүлэлтийн хэмжих нэгж, бүртгэлийн суурь, хөрвүүлэлт, дүрэм, журам, практик ажиллагааны нэгдэл юм. Энэ талаар дэлгэрэнгүй тайлбарыг бэлтгэж санхүүгийн тайланд хавсаргана. Үүнд:

 

1. Нягтлан бодох бүртгэлийн бодлогууд ялангуяа хөрөнгө, өр төлбөрийн үнэлгээ зэрэг бүртгэлийн үнэлгээний өөрчлөлт
2. Санхүүгийн тайланг бэлтгэхэд ашигласан хэмжилтийн суурь
3. Санхүүгийн тайланг үнэн зөвөөр ойлгоход зайлшгүй шаардлагатай тусгай бодлого бүрийг тайлбарлах ёстой. Тухайн ХЗХ-ны харгалзаж үзэх ёстой боловч ямар нэг хязгаарлалт тогтоогоогүй бүртгэлийн бодлогод дараах бодлого орно.Үүнд:

 

а. Орлогыг хүлээн зөвшөөрөх;

б. Зээлийн ангилал, түүний эрсдэлийн хувь хэмжээ;

в. Өмчлөх бусад хөрөнгийн үнэлгээ;

г.  Биет болон биет бус хөрөнгийг хүлээн зөвшөөрөх, тэдгээрийн элэгдэл;

д. Эх үүсвэрийн өртөг, бусад зардал;

ё. Өөрийн хөрөнгө, түүнийг бүртгэх apгa;

ж. Санхүүгийн хэрэглүүр ба хөрөнгө оруулалт;

з. Түрээс;

к. Хангамжийн зүйл;

л. Татвар;

м. Хуримтлагдсан орлого;

н. Мөнгө, түүнтэй адилтгах хөрөнгийн тодорхойлолт;

о. Онцгой үйл ажиллагаа;

п. Балансын өдрийн дараа тохиолдсон үйл явдал.

 

ХЗХ-д нь дээрх тусгай бодлогуудаас зөвхөн өөрийн байгууллагад хамаарах хэсгийг тайлбарлана.

 

2. Санхүүгийн тайлангийн нэмэлт тодруулга

 

Санхүүгийн тайлангийн нэмэлт тодруулга нь санхүүгийн тайлангийн бүрэлдэхүүн (баланс, үйл ажиллагааны үр дүнгийн тайлан, өмчийн өөрчлөлтийн тайлан, мөнгөн гүйлгээний тайлан) хэсгүүдийн утга агуулгыг сайтар тодруулахад туслана.

8. Биет бус хөрөнгө

 

Д/д	Үзүүлэлт	Зохиогчийн эрх	Патент	Програм хангамж	Лиценз	Бусад	Бүгд
1	Өртөг
1.1	Эхний үлдэгдэл
1.2	Нэмэгдсэн:
	Дотооддоо бий болсон
	Худалдаж авсан
	Үнэ төлбөргүй авсан
1.3	Хасагдсан:
	Худалдсан
	Үнэгүй шилжүүлсэн
1.4	Эцсийн үлдэгдэл
2	Хуримтлагдсан элэгдэл
2.1	Эхний үлдэгдэл
2.2	Нэмэгдсэн:
	Байгуулсан элэгдэл
2.3	Хасагдсан:
	Данснаас хассан хөрөнгийн элэгдэл
2.4	Эцсийн үлдэгдэл
3	Дансны цэвэр дүн

 

Тэмдэглэл. Биет бус хөрөнгийн ашиглалтын хугацаа, хорогдуулгын хувь, дахин үнэлгээний талаар тайлбар хийнэ.

.................................................................................................................................................................................................................................................................................................................................................................................................................................................................................

 

9. УРТ ХУГАЦААТ ХӨРӨНГӨ ОРУУЛАЛТ

 

Д/д	Төрөл	Тоо	Худалдан авсан үнэ	Дүн
1
	Нийт дүн

 

Тэмдэглэл. УХХО-аас бий болсон олз, гарзын дүн, бүртгэсэн аргын талаар тайлбар хийнэ.

.................................................................................................................................................................................................................................................................................................................................................................................................................................................................................

...........................................................................................................................................................

 

10. ӨР ТӨЛБӨР

Татвар, НДШ-ийн өглөг

 

Д/д	Төрөл	Эхний үлдэгдэл	Эцсийн үлдэгдэл
1	ААНОАТ-ын өглөг
2	ХХОАТ-ын өглөг
3	НДШ-ийн өглөг
	Нийт дүн

 

Бусад өглөг

 

Д/д	Төрөл	Эхний үлдэгдэл	Эцсийн үлдэгдэл
1	Бэлэн бус төлбөр тооцооны өглөг
2	Тогтворжилтын сангийн санхүүгийн туслалцаа
	Нийт дүн

 

Богино болон урт хугацаат зээл

 

Д/д	Зээлдүүлэгчийн нэр	Эхний үлдэгдэл	Эцсийн үлдэгдэл
1
2
	Нийт дүн

 

Тэмдэглэл. Богино болон урт хугацаат зээлийн хэмжээ, хүү, гэрээний хугацаа, валютын төрөл, төлбөрийг хугацаанд нь төлж буй эсэх, капиталжуулсан зээлийн өртгийн дүн, хадгаламжийн хугацаа, хадгаламжийн хүүгийн өглөгийн талаар тайлбар хийнэ.

.................................................................................................................................................................................................................................................................................................................................................................................................................................................................................

 

11. ӨӨРИЙН ХӨРӨНГӨ

 

Тэмдэглэл. Хуулийн этгээдийн оруулсан хувь хөрөнгийн хэмжээ болон өөрийн хөрөнгөд орсон өөрчлөлтийн талаар тайлбар хийнэ.

 

 

Хөрөнгийн дахин үнэлгээний нэмэгдэл

Д/д	Үзүүлэлт	Үндсэн хөрөнгийн дахин үнэлгээний нэмэгдэл	Биет бус хөрөнгийн дахин үнэлгээний нэмэгдэл	Нийт дүн
1	Эхний үлдэгдэл
2	Нэмэгдсэн дүн
	Дахин үнэлгээний нэмэгдлийн зөрүү
	Дахин үнэлсэн хөрөнгийн үнэ цэнийн бууралтын гарзын буцаалт
3	Хасагдсан дүн (-)
	Дахин үнэлгээний нэмэгдлийн зөрүү
	Дахин үнэлгээний нэмэгдлийн хэрэгжсэн дүн
	Дахин үнэлсэн хөрөнгийн үнэ цэнийн бууралтын гарз
4	Эцсийн үлдэгдэл

 

Тусгай зориулалтын сангууд

 

Д/д	Төрөл	Эхний үлдэгдэл	Нэмэгдсэн дүн	Хасагдсан дүн	Эцсийн үлдэгдэл
1	Нөөцийн сан
2	Нийгмийн хөгжлийн сан
	Нийт дүн

 

Тэмдэглэл. Сангуудын өөрчлөлтийн талаар тайлбар хийнэ.

.................................................................................................................................................................................................................................................................................................................................................................................................................................................................................

 

12. ЭРСДЭЛИЙН ЗАРДАЛ

 

Д/д	Төрөл	Өмнөх оны дүн	Тайлант оны дүн
1
2
	Нийт дүн

 

Тэмдэглэл. Эрсдэлийн зардлын талаар тайлбар хийнэ.

 

 

13. БУСАД ОРЛОГО, ОЛЗ, ГАРЗ

 

Д/д	Төрөл	Өмнөх оны дүн	Тайлант оны дүн
1
2
	Нийт дүн

 

Тэмдэглэл. Санхүүгийн бусад ажил, үйлчилгээний орлого, бусад орлого, олз, гарзын талаар тайлбар хийнэ.

 

 

14. ҮЙЛ АЖИЛЛАГААНЫ БУСАД ЗАРДАЛ

 

 

Д/д	Төрөл	Өмнөх оны дүн	Тайлант оны дүн
1
2
	Нийт дүн

 

Тэмдэглэл. Үйл ажиллагааны бусад зардлын талаар тайлбар хийнэ.

 

 

15. АЖИЛЛАГСДЫН ТОО, ЦАЛИН ХӨЛС

 

Д/д	Албан тушааллын ангилал	Ажиллагсдын тоо	Цалингийн зардлын дүн
1	Үйлчилгээний:
2	Удирдлагын:
	Нийт дүн

 

16. ХОЛБООТОЙ ТАЛУУДЫН ТОДРУУЛГА

 

Холбоотой талуудын авлага, өр төлбөрийн бүртгэл

 

Д/д	Холбоотой талын нэр	Эхний үлдэгдэл		Эцсийн үлдэгдэл
		Авлага	Өр төлбөр	Авлага	Өр төлбөр
	Нийт дүн

 

17. БУСАД ТОДРУУЛГА

 

Тэмдэглэл. Болзошгүй хөрөнгө ба өр төлбөрийн мөн чанар, хэрэв боломжтой бол тэдгээрийн санхүүгийн нөлөөний тооцоолол, барьцаа хөрөнгө, хугацаа, ХЗХ-ны санхүүгийн эрсдэлийн удирдлагын бодлого, нягтлан бодох бүртгэлийн алдааны талаар тодруулна.

 

	18. ТАЙЛАГНАЛЫН ҮЕИЙН ДАРААХ ҮЙЛ ЯВДАЛ

 

Тэмдэглэл. Тайлагналын өдрийн дараах үл залруулагдах үйл явдлын материаллаг ангилал тус бүрийн хувьд мөн чанар, санхүүгийн нөлөөллийн тооцоолол зэргийг тодруулж тайлбар хийнэ.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Сангийн сайд, Санхүүгийн зохицуулах хорооны

 даргын 2012 оны ... дүгээр сарын ...-ны өдрийн

....... дугаар хамтарсан тушаалын 3 дугаар хавсралт

 

 

 

 

 

Регистрийн дугаар:

 

Хаяг : _____________________________________________________________________

 

Шуудангийн хаяг : __________________________________________________________

 

Утас :                    ____________                                       Факс :                     ____________             

           

 

 

     

 

Б

 

 

 

....................................................... ХЗХ-НЫ

…………… ОНЫ ..... -Р УЛИРЛЫН

САНХҮҮГИЙН ТАЙЛАН

 

 

 

 

 

 

 

 

 

 

 

 

 

Хянаж хүлээн авсан байгууллагын нэр	Сар, өдөр	Гарын үсэг

 

 

 

 

 

 

 

 

                                                       ........................................ ХЗХ-ны

20... оны ... улирлын санхүүгийн тайлангийн

бодит байдлын тухай мэдэгдэл

 

20... оны ... сарын .... өдөр

 

 

Гүйцэтгэх захирал _______________________________, ерөнхий нягтлан бодогч _________________________________.бид ХЗХ-ны 20... оны ….сарын … -ны өдрөөр тасалбар болгон гаргасан санхүүгийн тайланд тайлант хугацааны үйл ажиллагааны үр дүн, санхүүгийн байдлыг “Нягтлан бодох бүртгэлийн тухай” хуулийн 17 дугаар зүйлийн 17.1 дэх хэсгийн дагуу үнэн зөв, бүрэн тусгасан болохыг баталж байна. Үүнд:

7. Бүх ажил гүйлгээ бодитоор гарсан бөгөөд холбогдох анхан шатны баримтыг үндэслэн нягтлан бодох бүртгэл, санхүүгийн тайланд үнэн зөв тусгасан;
8. Санхүүгийн тайланд тусгагдсан бүх тооцоолол үнэн зөв хийгдсэн;
9. ХЗХ-ны үйл ажиллагааны эдийн засаг, санхүүгийн бүхий л үйл явцыг иж бүрэн хамарсан;
10. Тайлант үеийн үр дүнд өмнөх оны ажил гүйлгээнээс шилжин тусгагдаагүй, мөн тайлант оны ажил гүйлгээнээс орхигдсон зүйл байхгүй;
11. Бүх хөрөнгө, авлага, өр төлбөр, орлого, зардлыг холбогдох Санхүүгийн тайлагналын олон улсын стандартын дагуу үнэн зөв тусгасан;
12. Энэ тайланд тусгагдсан бүхий л зүйл манай ХЗХ-ны албан ёсны өмчлөлд байдаг.

 

 

 

 

 

Гүйцэтгэх захирал                  ________________  /..................................../

 

Ерөнхий нягтлан бодогч         ________________  /..................................../

 

БАЛАНС

 

_____________________________                                                     20 ..   оны …. сарын …. өдөр

               (ХЗХ-ны нэр)

                                                                                                                                       /төгрөгөөр/

ҮЗҮҮЛЭЛТ	Үлдэгдэл
	20.. оны .. сарын ...  -ний өдөр		20.. оны .. сарын ... -ний өдөр
	Хэсгийн дүн	Бүлгийн дүн	Хэсгийн дүн	Бүлгийн дүн
А. ХӨРӨНГӨ
1. ЭРГЭЛТИЙН ХӨРӨНГӨ
1.1 Мөнгө, түүнтэй адилтгах хөрөнгө
1.2 Арилжааны үнэт цаас
1.3 Зээл /1.3.1+…+1.3.5-1.3.6/
1.3.1 Хэвийн зээл
1.3.2 Хугацаа хэтэрсэн зээл
1.3.3 Хэвийн бус зээл
1.3.4 Эргэлзээтэй зээл
1.3.5 Myy зээл
1.3.6 (Зээлийн эрсдэлийн сан)
1.4 Авлага
1.4.1 Хуримтлуулж тооцсон хүүгийн авлага
1.4.2 Санхүүгийн түрээсийн авлага
1.4.3 Бусад авлага
1.5 Өмчлөх бусад хөрөнгө /1.5.1-1.5.2/
1.5.1 Өмчлөх бусад хөрөнгө
1.5.2 (ӨБХ-ийн үнэлгээний хасагдуулга)
1.6 Бусад эргэлтийн хөрөнгө
1.6.1 Хангамжийн зүйлс
1.6.2 Урьдчилж төлсөн зардал, тооцоо
1.6.3 Бусад хөрөнгө
ЭРГЭЛТИЙН ХӨРӨНГИЙН ДҮН
2. ЭРГЭЛТИЙН БУС ХӨРӨНГӨ
2.1 Үндсэн хөрөнгө
2.1.1 Хуримтлагдсан элэгдэл
2.2 Биет бус хөрөнгө
2.3 Урт хугацаат хөрөнгө оруулалт
2.4 Хойшлогдсон татварын хөрөнгө
ЭРГЭЛТИЙН БУС ХӨРӨНГИЙН ДҮН
НИЙТ ХӨРӨНГИЙН ДҮН
Б. ӨР ТӨЛБӨР БА ӨӨРИЙН ХӨРӨНГӨ
ӨР ТӨЛБӨР
БОГИНО ХУГАЦААТ ӨР ТӨЛБӨР
1.1 Хадгаламж
1.1.1 Хугацаагүй хадгаламж
1.1.2 Хугацаатай хадгаламж
1.2 Банк, санхүүгийн байгууллага, төсөл, хөтөлбөрөөс авсан богино хугацаат зээл
1.3 Хуримтлуулж тооцсон хүүгийн өглөг
1.4 Цалингийн өглөг
1.5 Татвар, НДШ-ийн өглөг
1.6 Ногдол ашгийн өглөг
1.7 Урьдчилж орсон орлого
1.8 Бусад богино хугацаат өглөг
УРТ ХУГАЦААТ ӨР ТӨЛБӨР
1.9 Банк, санхүүгийн байгууллага, төсөл, хөтөлбөрөөс авсан урт хугацаат зээл
1.10 Хойшлогдсон татварын өр төлбөр
1.11 Бусад урт хугацаат өр төлбөр
ӨР ТӨЛБӨРИЙН ДҮН
2. ӨӨРИЙН ХӨРӨНГӨ
2.1 Гишүүдийн оруулсан хувь хөрөнгө
2.2 Хөрөнгийн дахин үнэлгээний нэмэгдэл
ХОРШООЛОГЧДЫН ӨМЧ
2.3 Хандив, тусламж
2.4 Нөөцийн сан
2.5 Хадгаламж хамгаалалтын сан
2.6 Бусад сангууд
2.7 Хуримтлагдсан орлого (алдагдал)
2.7.1 Тайлангийн үеийн
2.7.2 Өмнөх үеийн
ӨӨРИЙН ХӨРӨНГИЙН ДҮН
ӨР ТӨЛБӨР БА ӨӨРИЙН ХӨРӨНГИЙН ДҮН

 

 

 

/Тэмдэг/

 

ГҮЙЦЭТГЭХ ЗАХИРАЛ                                                 /                      /

 

ЕРӨНХИЙ НЯГТЛАН БОДОГЧ                         /                      /

 

 

 

 

 

 

 

 

 

 

 

 

 

 

 

 

 

 

ҮЙЛ АЖИЛЛАГААНЫ ҮР ДҮНГИЙН ТАЙЛАН

 

_________________________                                    20 .. оны ... сарын ...өдөр
(ХЗХ-ны нэр)
	/төгрөгөөр/
ҮЗҮҮЛЭЛТ	Тайлант үеийн дүн
1. ХҮҮГИЙН ОРЛОГО
1.1 Зээлийн хүүгийн орлого
1.2 Санхүүгийн түрээсийн хүүгийн орлого
1.3 Банк, санхүүгийн байгууллагаас авсан хүүгийн орлого
ХҮҮГИЙН ОРЛОГЫН ДҮН
2. ХҮҮГИЙН ЗАРДАЛ
2.1 Хадгаламжийн хүүгийн зардал
2.2 Банк, санхүүгийн байгууллагад төлсөн хүүгийн зардал
2.3 Бусад хүүгийн зардал
ХҮҮГИЙН ЗАРДЛЫН ДҮН
3. ХҮҮГИЙН ЦЭВЭР ОРЛОГО (АЛДАГДАЛ) /1-2/
4. ҮЙЛ АЖИЛЛАГААНЫ БУСАД ОРЛОГО
4.1 Элсэлтийн хураамж, гишүүний татвар
4.2 Үйлчилгээний шимтгэл
4.3 Санхүүгийн бусад ажил, үйлчилгээний орлого
ҮЙЛ АЖИЛЛАГААНЫ НИЙТ ОРЛОГО /3+4/
Эрсдэлийн зардал
ҮЙЛ АЖИЛЛАГААНЫ ЦЭВЭР ОРЛОГО /5-6/
8. ҮЙЛ АЖИЛЛАГААНЫ ЗАРДАЛ
8.1 Ажилтнуудын цалингийн зардал
8.2 Эрүүл мэнд, нийгмийн даатгалын шимтгэлийн зардал
8.3 Ажиллагсадын сургалтын зардал
8.4 Зээл, авлагыг барагдуулахтай холбоотой зардал
8.5 Зохицуулалтын үйлчилгээний хөлс
8.6 Гишүүний татвар, хөндлөнгийн хяналтын зардал
8.7 Тогтворжилтын үйлчилгээний шимтгэл
8.8 Франчайзийн хураамж
8.9 Даатгалын зардал
8.10 Элэгдэл, хорогдлын зардал
8.11 Түрээсийн зардал
8.12 Ашиглалтын зардал
8.13 Өмчлөх бусад хөрөнгийн урсгал зардал
8.14 Үндсэн хөрөнгийн засвар, борлуулалтын зардал
8.15 Бичиг хэргийн зардал
8.16 Харуул, аюулгүй байдлын зардал
8.17 Шуудан холбооны зардал
8.18 Шатахуун, тээврийн хэрэгслийн зардал
8.19 Томилолтын зардал
8.20 Үйл ажиллагааны бусад зардал
ҮЙЛ АЖИЛЛАГААНЫ ЗАРДЛЫН ДҮН
9.1 Гадаад валютын ханшийн зөрүүний олз (гарз)
9.2 Үндсэн хөрөнгө данснаас хассаны олз (гарз)
9.3 Өмчлөх бусад хөрөнгө данснаас хассаны гарз
9.4 Үндсэн хөрөнгө борлуулсны олз (гарз)
9.5 Бусад орлого, олз (гарз)
10. ТАТВАР ТӨЛӨХИЙН ӨМНӨХ ОРЛОГО (АЛДАГДАЛ) /7-8+9.1+9.2+9.3+9.4+9.5/
11. Орлогын татварын зардал
12. ЦЭВЭР ОРЛОГО (АЛДАГДАЛ) /10-11/
/Тэмдэг/
ГҮЙЦЭТГЭХ ЗАХИРАЛ                                             /                                  /   ЕРӨНХИЙ НЯГТЛАН БОДОГЧ                     /                                  /

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ӨМЧИЙН ӨӨРЧЛӨЛТИЙН ТАЙЛАН

_____________________                                                                                                                                          (ХЗХ-ны нэр)

20 .. оны

20. оны .сарын .өдөр

/төгрөгөөр/

ҮЗҮҮЛЭЛТ

Гишүүний оруулсан хувь хөрөнгө

Дахин үнэлгээний нэмэгдэл

Хандив тусламж

Нөөцийн сан

Бусад сангууд

Хуримтлагдсан орлого

Нийт дүн

20.. оны 12 сарын 31-ний үлдэгдэл

Нягтлан бодох бүртгэлийн бодлогын өөрчлөлтийн нөлөө, алдааны залруулга

Залруулагдсан үлдэгдэл

Тайлант үеийн цэвэр орлого (алдагдал)

Гишүүний оруулсан хувь хөрөнгийн өөрчлөлт

Дахин үнэлгээний нэмэгдлийн өөрчлөлт

Хандив, тусламж

Тусгай зориулалтын сангуудын өөрчлөлт

Ногдол ашигт

20.. оны 12 сарын 31-ний үлдэгдэл

Нягтлан бодох бүртгэлийн бодлогын өөрчлөлтийн нөлөө, алдааны залруулга

Залруулагдсан үлдэгдэл

Тайлант үеийн цэвэр орлого (алдагдал)

Гишүүний оруулсан хувь хөрөнгийн өөрчлөлт

Дахин үнэлгээний нэмэгдлийн өөрчлөлт

Хандив, тусламж

Тусгай зориулалтын сангуудын өөрчлөлт

Ногдол ашигт

20.. оны 12 сарын 31-ний үлдэгдэл

ГҮЙЦЭТГЭХ ЗАХИРАЛ                                              /                                        /

ЕРӨНХИЙ НЯГТЛАН БОДОГЧ                             /                                       /         

 

 

МӨНГӨН ГҮЙЛГЭЭНИЙ ТАЙЛАН

 

_________________________                                                                 20... оны ... сарын ...өдөр

          (ХЗХ-ны нэр)

              /төгрөгөөр/

Мөрийн дугаар	ҮЗҮҮЛЭЛТ	Өмнөх оны дүн	Тайлант жилийн дүн
1	Үндсэн үйл ажиллагааны мөнгөн гүйлгээ
1.1	Үндсэн үйл ажиллагааны мөнгөн орлого
1.1.1	Хүүгийн орлого
1.1.2	Зээлийн төлбөрт хүлээн авсан мөнгө
1.1.3	Гишүүдээс хүлээн авсан хадгаламж
1.1.4	Даатгалын нөхвөрөөс хүлээн авсан мөнгө
1.1.5	Буцаан авсан албан татварын мөнгөн орлого
1.1.6	Бусад
1.2	Үндсэн үйл ажиллагааны мөнгөн зарлага
1.2.1	Олгосон зээл
1.2.2	Буцаан олгосон хадгаламж
1.2.3	Хүүгийн төлбөр
1.2.4	Ажиллагсдад олгосон мөнгө
1.2.5	Нийгмийн даатгалын байгууллагад төлсөн мөнгө
1.2.6	Хангамжийн зүйл худалдан авахад төлсөн мөнгө
1.2.7	Ашиглалтын зардалд төлсөн мөнгө
1.2.8	Түлш шатахуун, тээврийн хөлс, сэлбэг хэрэгсэлд төлсөн мөнгө
1.2.9	Татварын байгууллагад төлсөн мөнгө
1.2.10	Даатгалын төлбөрт төлсөн мөнгө
1.2.11	Бусад
1.3	Үндсэн үйл ажиллагааны цэвэр мөнгөн гүйлгээний дүн
2	Хөрөнгө оруулалтын үйл ажиллагааны мөнгөн гүйлгээ
2.1	Үндсэн хөрөнгө борлуулснаас хүлээн авсан мөнгө
2.2	Үндсэн хөрөнгө олж эзэмшихэд төлсөн мөнгө
2.3	Бусад хөрөнгө оруулалтын үйл ажиллагааны мөнгөн гүйлгээ
2.4	Бусад
2.5	Хөрөнгө оруулалтын үйл ажиллагааны цэвэр мөнгөн гүйлгээний дүн
3	Санхүүгийн үйл ажиллагааны мөнгөн гүйлгээ
3.1	Банк, санхүүгийн байгууллага, төсөл, хөтөлбөрийн зээл
3.2	Санхүүгийн түрээсийн төлбөрт төлсөн мөнгө
3.3	Зээлийн төлбөрт төлсөн мөнгө
3.4	Төрөл бүрийн хандив
3.5	Урт хугацаат өрийн тайлангийн хугацааны төлөлт
3.6	Мөнгөөр төлсөн ногдол ашиг
3.7	Бусад
3.8	Санхүүгийн үйл ажиллагааны цэвэр мөнгөн гүйлгээний дүн
4	Бүх цэвэр мөнгөн гүйлгээ
5.1	Мөнгө, түүнтэй адилтгах хөрөнгийн эхний үлдэгдэл
5.2	Мөнгө, түүнтэй адилтгах хөрөнгийн эцсийн үлдэгдэл

 

/Тэмдэг/
ГҮЙЦЭТГЭХ ЗАХИРАЛ                                              /                                        /
ЕРӨНХИЙ НЯГТЛАН БОДОГЧ                                  /                                       /