МОНГОЛ УЛСЫН ЗАСГИЙН ГАЗРЫН ТОГТООЛ

ЖУРАМД ӨӨРЧЛӨЛТ ОРУУЛАХ ТУХАЙ

2007 оны 9 дүгээр сарын 27-ны өдөр

Улаанбаатар хот

Дугаар 239

Төрийн албаны тухай хуулийн 28.8-д заасныг үндэслэн Монгол Улсын Засгийн газраас ТОГТООХ нь:

Төрийн захиргааны албан хаагчийн албан ажлын онцгой нөхцөлийн нэмэгдлийг үндсэн цалинд нь шингээн тооцсонтой холбогдуулан "Төрийн албан хаагчид нэмэгдэл олгох журам батлах тухай" Засгийн газрын 1995 оны 6 дугаар сарын 14-ний өдрийн 96 дугаар тогтоолын 1 дүгээр хавсралтаар баталсан "Төрийн захиргааны албан хаагчид албан ажлын онцгой нөхцөлийн нэмэгдэл олгох журам"-ын 3 дахь заалтын "10" гэснийг "0" гэж өөрчлөн 2007 оны 10 дугаар сарын 1-ний өдрөөс эхлэн мөрдсүгэй.

(Энэ тогтоолыг 2007 оны 12 дугаар сарын 26-ны өдрийн 353 дугаар тогтоолоор хүчингүй болсонд тооцсон )

Нийгмийн хамгаалал, хөдөлмөрийн сайд Д.ДЭМБЭРЭЛ