Нүүр
Эрх зүйн акт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН ЗАСГИЙН ГАЗРЫН ТОГТООЛ
2009 оны 9 дүгээр сарын 16-ны өдөр
Дугаар 288
Улаанбаатар хот
ЖАГСААЛТАД НЭМЭЛТ ОРУУЛАХ ТУХАЙ
Аж ахуйн нэгжийн орлогын албан татварын тухай хуулийн 19.7-д заасныг үндэслэн Монгол Улсын Засгийн газраас ТОГТООХ нь:
1. "Жагсаалт батлах тухай" Засгийн газрын 2008 оны 3 дугаар сарын 5-ны өдрийн 83 дугаар тогтоолын хавсралтаар баталсан "Монгол Улсын тэргүүлэх ач холбогдол бүхий салбарын жагсаалт"-д дараахь нэмэлт оруулсугай:
| Уул уурхай, олборлолт | ||
| B | - | Стратегийн ач холбогдол бүхий ашигт малтмалын орд газарт ашигт малтмал олборлох, боловсруулах үйл ажиллагаа /стратегийн ач холбогдол бүхий ашигт малтмалын орд газарт ашигт малтмал олборлох, боловсруулах үйл ажиллагаа явуулж байгаа аж ахуйн нэгжийн үндсэн үйлдвэрлэлийн барилгын ажлыг гүйцэтгэж дуусах хүртэлх хугацааг хамарна/ |
2. Энэ тогтоолын хэрэгжилтэд хяналт тавьж ажиллахыг Сангийн сайд С.Баярцогт, Эрдэс баялаг, эрчим хүчний сайд Д.Зоригт нарт даалгасугай.
Монгол Улсын Шадар сайд М.ЭНХБОЛД
Сангийн сайд С.БАЯРЦОГТ
Эрдэс баялаг, эрчим хүчний сайд Д.ЗОРИГТ
