МОНГОЛ УЛСЫН ЗАСГИЙН ГАЗРЫН ТОГТООЛ

НЭРЭМЖИТ БОЛГОХ ТУХАЙ

2007 оны 8 дугаар сарын 1-ний өдөр

Улаанбаатар хот

Дугаар 189

Холбогдох байгууллагын саналыг үндэслэн Монгол Улсын Засгийн газраас ТОГТООХ нь:

1. Завхан аймгийн Цэцэн-Уул сумын бүрэн дунд сургуулийг Монгол Улсын хөдөлмөрийн баатар, гавъяат багш Дорлигийн Дагвын;

2. Архангай аймгийн Хөгжимт драмын театрыг Монгол Улсын ардын жүжигчин Дашзэгвийн Ичинхорлоогийн;

3. Архангай аймгийн Тариат сумын Соёлын төвийг Төрийн хошой

шагналт, ардын жүжигчин Цэгмидийн Намсрайжавын;

4. Хөдөө аж ахуйн их сургуулийн Мал эмнэлгийн хүрээлэнг Монгол Улсын Төрийн шагналт, академич Цэвэгийн Тойвгоогийн;

5. Сүхбаатар аймгийн Наран сумын дунд сургуулийг Төрийн шагналт яруу найрагч Очирбатын Дашбалбарын;

6. Говь-Алтай аймгийн Халиун сумын дунд сургуулийг төр, нийгмийн зүтгэлтэн Шагалын Жадамбаагийн;

7. Дорнод аймгийн Чулуунхороот сумын бүрэн дунд сургуулийг яруу найрагч Данзангийн Нямсүрэнгийн;

8. Нийслэлийн Чингэлтэй дүүргийн 5 дугаар бүрэн дунд сургуулийг Бүгд Найрамдах Турк Улсын анхны Ерөнхийлөгч Мустафа Кемал Ататуркийн нэрэмжит тус тус болгосугай.

Монгол Улсын Ерөнхий сайд М.ЭНХБОЛД

Боловсрол, соёл, шинжлэх ухааны сайд Ө.ЭНХТҮВШИН