МОНГОЛ УЛСЫН ЗАСГИЙН ГАЗРЫН ТОГТООЛ

2008 оны 11 дүгээр сарын 12-ны өдөр

Дугаар 31

Улаанбаатар хот

ТОГТООЛЫН ХАВСРАЛТАД ӨӨРЧЛӨЛТ ОРУУЛАХ ТУХАЙ

Монгол Улсын Засгийн газраас ТОГТООХ нь:

1. "Мянганы сорилтын гэрээний хэрэгжилтийн бэлтгэл ажлын тухай" Засгийн газрын 2008 оны 1 дүгээр сарын 9-ний өдрийн 8 дугаар тогтоолын хавсралтаар батлагдсан "Монголын мянганы сорилтын сан"-гийн Удирдах зөвлөлийн бүрэлдэхүүнийг дор дурдсанаар шинэчлэн баталсугай:

Дарга -Монгол Улсын Ерөнхий сайд

Гишүүд: -Монгол Улсын сайд, Засгийн газрын Хэрэг эрхлэх газрын дарга;

-Сангийн сайд;

-Боловсрол, соёл, шинжлэх ухааны сайд;

-Эрүүл мэндийн сайд;

-Зам, тээвэр, барилга, хот байгуулалтын сайд;

-Иргэний нийгмийн төлөөлөгч;

-Иргэний нийгмийн төлөөлөгч;

-Хувийн хэвшлийн төлөөлөгч.

2. Удирдах зөвлөлийн бүрэлдэхүүнд орох иргэний нийгэм болон хувийн хэвшлийн төлөөлөгч "Монголын мянганы сорилтын сангийн дүрэм"-ийн 2 дугаар зүйлд заасны дагуу сонгогдоно.

Монгол Улсын Ерөнхий сайд С.БАЯР

Сангийн сайд С.БАЯРЦОГТ