Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх
ЗАМ, ТЭЭВЭР, БАРИЛГА, ХОТ БАЙГУУЛАЛТЫН САЙДЫН ТУШААЛ
БАРИЛГЫН НОРМАТИВ БАРИМТ БИЧИГ БАТЛАХ ТУХАЙ
2008 оны 11 дүгээр сарын 20-ны өдөр
Улаанбаатар хот
Дугаар 35
Монгол Улсын "Барилгын тухай" хуулийн 6.1.2 дахь заалтыг үндэслэн ТУШААХ нь:
1. Барилгын норм ба дүрэм "Төв дамжуулах (магистрал) хоолой" БНбД 44-01-08-ыг нэгдүгээр хавсралтаар, "Төв дамжуулах (магистрал) хоолойн угсралт" БНбД 44-02-08-ыг хоёрдугаар хавсралтаар тус тус баталж 2008 оны 11 дүгээр 20-ны өдрөөс эхлэн мөрдүүлсүгэй.
2.Энэ тушаал гарсантай холбогдуулан "Барилгын норм ба дүрэм"-ийг мөрдөх тухай "Улсын барилгын хорооны 1987 оны 107 дугаар тогтоолоор мөрдөж байсан барилгын норм ба дүрэм " Гол шугам хоолой " СНиП 2.05.06 -85, "Түгээгүүрийн гол шугам " СНиП Ш-42-80-ийг тус тус хүчингүй болсонд тооцсугай.
3. Шинээр батлагдсан барилгын норматив баримт бичгийг хэвлэн олшруулж зураг төслийн болон барилга угсралтын байгууллагуудад мөрдүүлэх, хяналт тавьж ажиллахыг Барилга, хот байгуулалт, нийтийн аж ахуйн үндэсний төв /Б.Бямбажав/-д даалгасугай.
4.Тушаалын хэрэгжилтэнд хяналт тавьж ажиллахыг Барилга, орон сууц, нийтийн аж ахуйн бодлого, зохицуулалтын газар / Г.Мягмар/-т даалгасугай.
САЙД Х.БАТТУЛГА
Улсын бүртгэлд 2008 оны 12 дугаар сарын 08-ны өдрийн 2971 дугаарт бүртгэсэн
БАРИЛГА, ХОТ БАЙГУУЛАЛТЫН САЙДЫН ТУШААЛ
2022 оны 6 дугаар сарын 28-ны өдөр
Дугаар 143
Улаанбаатар хот
БАРИЛГА БАЙГУУЛАМЖИЙН НОРМ, НОРМАТИВЫН
БАРИМТ БИЧИГ БАТЛАХ ТУХАЙ
Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Барилгын тухай хуулийн 33 дугаар зүйлийн 33.1.2-т заасныг тус тус үндэслэн ТУШААХ нь:
1.Барилга, хот байгуулалтын яамны дэргэдэх Шинжлэх ухаан, техник, технологийн зөвлөлийн 2022 оны 03/4 дугаар хурлын шийдвэрийн дагуу "Төв дамжуулах (Магистраль) хоолой" /БНбД 34-01-22/ баримт бичгийг 1 дүгээр, "Төв дамжуулах (Магистраль) хоолой угсралт" /БНбД 34-02-22/ баримт бичгийг 2 дугаар хавсралт ёсоор тус тус баталж, 2022 оны 12 дугаар сарын 28-ны өдрөөс эхлэн зураг төсөл зохиох ажилд мөрдсүгэй. /БХБС-ын 2022 оны 210 дугаар тушаалаар өөрчлөлт орсон/
2.Батлагдсан барилгын норм, нормативын баримт бичгийг мөрдөж эхлэх хугацаанаас өмнө хэвлэн олшруулах, аж ахуйн нэгжүүдэд мэдээлэл хүргэх, сургалт зохион байгуулах, мөрдүүлэх, сурталчлах, хэрэгжилтийг хангах ажлыг зохион байгуулахыг "Барилгын хөгжлийн төв" ТӨААТҮГ /Ц.Амарсанаа/-т, энэ тушаалын хэрэгжилтэд хяналт тавьж ажиллахыг Нийтийн аж ахуй, инженерийн дэд бүтцийн бодлогын хэрэгжилтийг зохицуулах газар /Г.Цогтсайхан/-т тус тус даалгасугай
3.Энэ тушаал гарсантай холбогдуулан "Барилгын норматив баримт бичиг батлах тухай" Зам, тээвэр, барилга хот байгуулалтын сайдын 2008 оны 11 дүгээр сарын 20-ны өдрийн 35 дугаар тушаалыг хүчингүй болсонд тооцсугай.
САЙД Б.МӨНХБААТАР
