МОНГОЛ УЛСЫН ШАДАР САЙДЫН ТУШААЛ

2023 оны 10 дугаар сарын 13-ны өдөр

Дугаар 68

Улаанбаатар хот

ЖУРАМ БАТЛАХ ТУХАЙ

Монгол Улсын Засгийн газрын тухай хуулийн 24 дүгээр зүйлийн 24.2 дахь хэсэг, Захиргааны ерөнхий хуулийн 64 дүгээр зүйлийн 64.1 дэх хэсэг, Төрийн хяналт шалгалтын тухай хуулийн 56 дугаар зүйлийн 56.3 дахь хэсгийг тус тус үндэслэн ТУШААХ нь:

1."Бүтээгдэхүүнээс дээж авах, түүнийг хадгалах, тээвэрлэх журам"-ыг нэгдүгээр, "Бүтээгдэхүүнээс дээж авах акт"-ын загварыг хоёрдугаар, "Лабораторид дээж өгсөн тэмдэглэл"-ийн маягтыг гуравдугаар, "Бүтээгдэхүүнээс түүвэр дээж авсан тухай тэмдэглэл"-ийн маягтыг дөрөвдүгээр, "Лабораторийн шинжилгээнд хүлээн авах дээжийн тоо хэмжээ"-г тавдугаар хавсралтаар тус тус баталсугай.

2.Тушаалын хэрэгжилтэд хяналт тавьж ажиллахыг Стандарт, хэмжил зүйн газар (Б.Ууганбаяр)-т даалгасугай.

3.Энэхүү тушаал гарсантай холбогдуулан Монгол Улсын Шадар сайдын 2011 оны 03 дугаар сарын 30-ны өдрийн 19, Монгол Улсын Шадар сайдын 2017 оны 01 дүгээр сарын 13-ны өдрийн 04 дүгээр тушаалыг тус тус хүчингүй болсонд тооцсугай.

МОНГОЛ УЛСЫН ШАДАР САЙД С.АМАРСАЙХАН

/ХЗДХС-ын 2024 оны 3 дугаар сарын 05-ны өдрийн Дүгнэлт хүргүүлэх тухай 1/1041 тоот албан бичгээр хүлээн авсан/