СОЁЛ, СПОРТ, АЯЛАЛ ЖУУЛЧЛАЛ, ЗАЛУУЧУУДЫН САЙД, ХУУЛЬ ЗҮЙ, ДОТООД ХЭРГИЙН САЙДЫН ХАМТАРСАН ТУШААЛ

2025 оны 10 дугаар сарын 23-ны өдөр

Дугаар А/384, А/113

Улаанбаатар хот

БУУДЛАГА ҮЙЛДЭХ БАЙГУУЛАМЖ /ТИР/-Д ТАВИГДАХ ШААРДЛАГА БАТЛАХ ТУХАЙ

Галт зэвсгийн тухай хуулийн 11 дүгээр зүйлийн 11.9 дэх хэсгийг үндэслэн ТУШААХ нь:

1.Спорт-сургалтын зориулалтаар ашиглах буудлага үйлдэх байгууламж /тир/-д тавигдах шаардлагыг нэгдүгээр, Галт зэвсэг, сум худалдах төвийн буудлага үйлдэх байгууламж /тир/-д тавигдах шаардлагыг хоёрдугаар хавсралтаар тус тус баталсугай.

2.Энэ тушаалын 1-д заасан шаардлагыг хангаж ажиллахыг спорт-сургалтын болон галт зэвсэг, сум худалдах төвийн үйл ажиллагаа эрхэлж байгаа иргэн, хуулийн этгээдэд, тушаалын хэрэгжилтэд хяналт тавьж ажиллахыг Цагдаагийн ерөнхий газрын дарга /Бригадын генерал Т.Сүхболд/-д тус тус даалгасугай.

3 Энэ тушаалыг захиргааны хэм хэмжээний актын улсын нэгдсэн бүртгэлд бүртгэж, "Захиргааны хэм хэмжээний актын эмхэтгэл"-д нийтэлсэн өдрөөс эхлэн дагаж мөрдсүгэй.

4.Энэ тушаал батлагдсантай холбогдуулан Эрүүл мэнд, спортын сайд, Хууль зүйн сайдын 2015 оны 10 дугаар сарын 30-ны өдрийн "Буудлага үйлдэх байгууламж /тир/-д тавигдах шаардлага батлах тухай" 433, А/248 дугаар хамтарсан тушаалыг хүчингүй болсонд тооцсугай.

СОЁЛ, СПОРТ, АЯЛАЛ ЖУУЛЧЛАЛ, ЗАЛУУЧУУДЫН САЙД Ч.УНДРАМ

ХУУЛЬ ЗҮЙ, ДОТООД ХЭРГИЙН САЙД Л.МӨНХБААТАР