ГААЛИЙН ЕРӨНХИЙ ГАЗРЫН ДАРГЫН ТУШААЛ

Жагсаалтыг шинэчлэн батлах тухай

2017 оны 12 дугаар сарын 22-ны өдөр

Дугаар А/300

Улаанбаатар хот

Засгийн газрын агентлагийн эрх зүйн байдлын тухай хуулийн 8 дугаар зүйлийн 8.4 дэх хэсэг, Гаалийн тухай хуулийн 268¹дүгээр зүйлийн 268¹.1.8, 271¹дүгээр зүйлийн 271¹.1.4 дэх заалт, Гаалийн тариф, гаалийн татварын тухай хуулийн 21 дүгээр зүйлийн 21.2 дахь хэсгийг тус тус үндэслэн ТУШААХ нь:

1. Дэлхийн гаалийн байгууллагын Зөвлөлөөс "Барааг тодорхойлох, кодлох уялдуулсан систем"-ийн Жагсаалтад 2012, 2017 онуудад оруулсан 467 багц нэмэлт, өөрчлөлт, Гаалийн ерөнхий газрын даргын тушаалаар зарим үндэсний кодод оруулсан 13 удаагийн нэмэлт, өөрчлөлттэй холбоотойгоор "Барааг тодорхойлох, кодлох уялдуулсан системд үндэслэсэн гадаад худалдааны барааны ангиллын жагсаалт"-ыг хавсралтын ёсоор шинэчлэн баталсугай.

2. Энэ тушаал батлагдсантай холбогдуулан Гаалийн ерөнхий газрын даргын 2011 оны 207 дугаар тушаалыг хүчингүй болсонд тооцсугай.

3. Тушаалын хэрэгжилтэд хяналт тавьж ажиллахыг Гаалийн ерөнхий газрын дэд дарга /Ё.Бат-Эрдэнэ/-д даалгасугай.

ДАРГА Б.АСРАЛТ

/ГЕГ-ын даргын 2019 оны А/212, 2019 оны А/266, 2020 оны А/114, 2020 оны А/130, 2021 оны А/248 дугаар тушаалаар тус тус нэмэлт, өөрчлөлт орсон/