МОНГОЛ УЛСЫН ЗАСГИЙН ГАЗРЫН ТОГТООЛ

2026 оны 07 сарын 01 өдөр

Дугаар 273

Улаанбаатар хот

ТӨЛБӨРИЙН ХЭМЖЭЭГ ШИНЭЧЛЭН ТОГТООХ ТУХАЙ

Авто замын тухай хуулийн 30 дугаар зүйлийн 30.1 дэх хэсэгт заасныг үндэслэн Монгол Улсын Засгийн газраас ТОГТООХ нь:

1."Олон улс, улсын чанартай авто зам, замын байгууламж ашигласны төлбөр авах замын чиглэл, замын урт"-ыг 1 дүгээр хавсралт, "Олон улс, улсын чанартай авто зам, замын байгууламж ашигласны төлбөрийн хэмжээ"-г 2 дугаар хавсралт ёсоор тус тус шинэчлэн тогтоосугай.

2."Авто замын сан"-гийн орлогыг бүрэн төвлөрүүлж, олон улс, улсын чанартай авто зам, замын байгууламжийн ашиглалтын бэлэн байдлыг хангах, замын арчлалт, урсгал засвар, ээлжит засварыг тогтоосон хугацаанд тогтмол гүйцэтгэж ажиллахыг Зам, тээврийн сайд Б.Дэлгэрсайханд үүрэг болгосугай.

3.Олон улс, улсын чанартай авто зам, замын байгууламж ашигласны төлбөр авах цэгийн үйл ажиллагааг бүрэн цахимжуулж, үйл ажиллагааны урсгал зардлыг бууруулж ажиллахыг Зам, тээврийн сайд Б.Дэлгэрсайханд даалгасугай.

4.Энэ тогтоол гарсантай холбогдуулан "Журам батлах, төлбөрийн хэмжээ тогтоох тухай" Засгийн газрын 2016 оны 02 дугаар сарын 15-ны өдрийн 103 дугаар тогтоол, "Хурдны авто зам ашигласны төлбөрийн хэмжээг тогтоох тухай" Засгийн газрын 2019 оны 07 дугаар сарын 03-ны өдрийн 282 дугаар тогтоол, "Тогтоолд нэмэлт оруулах тухай" Засгийн газрын 2025 оны 09 дүгээр сарын 02-ны өдрийн 77 дугаар тогтоол, "Тогтоол, тогтоолын хавсралтад өөрчлөлт оруулах тухай" Засгийн газрын 2025 оны 10 дугаар сарын 08-ны өдрийн 128 дугаар тогтоолыг тус тус хүчингүй болсонд тооцсугай.

5.Энэ тогтоолыг 2026 оны 08 дугаар сарын 01-ний өдрөөс эхлэн мөрдсүгэй.

МОНГОЛ УЛСЫН ЕРӨНХИЙ САЙД Н.УЧРАЛ

ЗАМ, ТЭЭВРИЙН САЙД Б.ДЭЛГЭРСАЙХАН