ЗАМ, ТЭЭВРИЙН ХӨГЖЛИЙН САЙДЫН ТУШААЛ

2020 оны 11 дүгээр сарын 18-ны өдөр

Дугаар А/222

Улаанбаатар хот

ЖУРАМ ШИНЭЧЛЭН БАТЛАХ ТУХАЙ

"Монгол Улсын Засгийн газрын тухай" хуулийн 24 дүгээр зүйлийн 2, "Автотээврийн тухай" хуулийн 17¹дүгээр зүйлийн 17¹.2 дахь заалтыг тус тус үндэслэн ТУШААХ нь:

1. "Автотээврийн хэрэгслийн бүртгэл хөтлөх, улсын дугаар олгох журам"-ыг хавсралтаар шинэчлэн баталсугай.

2. Энэхүү журмыг хэрэгжүүлж ажиллахыг Автотээврийн бодлогын хэрэгжилтийг зохицуулах газар /Ё.Жаргалсайхан/, "Автотээврийн үндэсний төв" аж ахуйн тооцоот төрийн өмчит үйлдвэрийн газар /Б.Гүрсоронзон/-т тус тус үүрэг болгосугай.

3. Энэхүү тушаал гарсантай холбогдуулан "Журам шинэчлэн батлах тухай" Монгол Улсын Шадар сайд, Зам, тээврийн хөгжлийн сайдын үүргийг түр орлон гүйцэтгэгчийн 2018 оны 192 дугаар тушаалыг хүчингүй болсонд тооцсугай.

4. Тушаалын хэрэгжилтэд хяналт тавьж ажиллахыг Хяналт-шинжилгээ, үнэлгээ, дотоод аудитын газар /М.Энхболд/-т даалгасугай.

САЙД Л.ХАЛТАР

ЗТХС-ын 2021 оны 8 дугаар сарын 17-ны өдрийн Журамд нэмэлт, өөрчлөлт оруулах тухай А/136 дугаар тушаалаар хавсралтад нэмэлт, өөрчлөлт оруулсан /УНС 2021.08.31 хүлээн авсан/

ЗТХС-ын 2023 оны 4 дүгээр сарын 06-ны өдрийн Журмын зарим заалтыг түр түдгэлзүүлэх тухай А/96 дугаар тушаалаар журмын Долоодугаар зүйлийн зарим заалтыг түр түдгэлзүүлсэн /УНС 2023.04.25 хүлээн авсан/

ЗТХС-ын 2023 оны 5 дугаар сарын 04-ний өдрийн Журамд нэмэлт, өөрчлөлт оруулах тухай А/140 дүгээр тушаалаар нэмэлт, өөрчлөлт оруулсан /УНС 2023.05.25 хүлээн авсан/