МОНГОЛ УЛСЫН ХУУЛЬ

/Энэ хуулийг 2006 оны 6 дугаар сарын 29-ний өдрийн хуулиар хүчингүй болсонд тооцсон/

1992 оны 12 дугаар сарын 14-ний өдөр

Улаанбаатар хот

МОНГОЛ УЛСЫН АЖ АХУЙН НЭГЖ, БАЙГУУЛЛАГЫН

ОРЛОГЫН АЛБАН ТАТВАРЫН ХУУЛЬ

Энэ хуулийн зорилт нь аж ахуйн нэгж, байгууллагын орлогод албан татвар ногдуулах, уг албан татварыг төсөвт төлөхтэй холбогдсон харилцааг зохицуулахад оршино.

Аж ахуйн нэгж, байгууллагын орлогын албан татвар /цаашид "албан татвар" гэх/-ын хууль тогтоомж нь Татварын ерөнхий хууль болон түүнтэй нийцүүлэн гаргасан энэ хууль, хууль тогтоомжийн бусад актаас бүрдэнэ.

1.Дараахь аж ахуйн нэгж, байгууллага албан татвар төлөгч байна:

1/Монгол Улсын нутаг дэвсгэрт байгаа өмчийн бүх төрөлд хамаарагдах компани, хоршоо, нөхөрлөл, гадаадын дагнасан болон хамтарсан хөрөнгө оруулалттай аж ахуйн нэгж; /Энэ заалтад 1997 оны 4 дүгээр сарын 17-ны өдрийн хуулиар нэмэлт орсон./

2/Монгол Улсад орлого олж байгаа гадаадын аж ахуйн нэгжийн төлөөлөгчийн газар;

3/арилжааны банк, зээл, даатгалын болон тэдгээртэй адилтгах бусад байгууллага.

4/төрийн бус байгууллага; /Энэ заалтыг 1997 оны 4 дүгээр сарын 17-ны өдрийн хуулиар нэмсэн./

5/шашны байгууллага; /Энэ заалтыг 1997 оны 4 дүгээр сарын 17-ны өдрийн хуулиар нэмсэн./

6/төрийн болон орон нутгийн өмчит хуулийн этгээд; /Энэ заалтыг 1997 оны 4 дүгээр сарын 17-ны өдрийн хуулиар нэмсэн./

7/Монгол Улсад оршин суугч бус хуулийн этгээд; /Энэ заалтыг 2001 оны 11 дүгээр сарын 9-ний өдрийн хуулиар нэмсэн./

8/энэ хэсгийн 1-7-д зааснаас бусад аж ахуйн үйл ажиллагаа явуулж байгаа хуулийн этгээд. /Энэ заалтыг 1997 оны 4 дүгээр сарын 17-ны өдрийн хуулиар нэмсэн ба дугаарыг 2001 оны 11 дүгээр сарын 9-ний өдрийн хуулиар өөрчилсөн бөгөөд өөрчлөлт орсон./

2.Энэ зүйлийн 1 дэх хэсгийн 2-т заасан "төлөөлөгчийн газар" гэдэгт:

1/аж ахуйн үйл ажиллагаагаа бүрэн буюу хэсэгчлэн хэрэгжүүлж буй татвар төлөгчийн байнгын байр;

2/барилгын талбай, монтажлах буюу угсрах обьект, түүнчлэн эдгээр объектуудтай холбоотой хяналтын үйл ажиллагаа;

3/байгалийн нөөц баялгийг эрж хайх зориулалттай тоног төхөөрөмж, барилга байгууламж, өрөмдлөгийн цамхаг, үүнтэй холбоотой хяналтын үйл ажиллагаа;

4/худалдаа хийх, үйлчилгээ үзүүлэх газрыг тус тус хамааруулна. /Энэ хэсгийг 1997 оны 4 дүгээр сарын 17-ны өдрийн хуулиар нэмсэн./

1.Албан татвар төлөгчийн дараахь орлогод албан татвар ногдоно:

1/үндсэн болон туслах үйлдвэрлэл, ажил, үйлчилгээний орлого;

2/арилжааны банкны болон зээлийн үйл ажиллагааны орлого;

3/даатгалын үйл ажиллагааны орлого;

4/бирж, брокерийн үйл ажиллагааны орлого;

5/барьцаалан зээлдүүлэх үйл ажиллагааны орлого;

6/үл хөдлөх хөрөнгө борлуулсны орлого;

7/хөдлөх хөрөнгө борлуулсны орлого;

8/эрхийн шимтгэлийн орлого; /Энэ заалтыг 1997 оны 4 дүгээр сарын 17-ны өдрийн хуулиар өөрчлөн найруулсан./

9/хувьцааны ногдол ашиг, хувь хүртэгчийн орлого;

10/зээллэгийн хүүгийн орлого;

11/хөрөнгө түрээслүүлсний орлого;

12/зуучлах үйл ажиллагааны орлого;

13/хонжворт сугалаа,таавар, тоглоомын орлого;

14/банкнаас авсан хүүгийн орлого;

15/гадаад валютын арилжаанаас олох орлого;

16/албан татвар ногдох бусад орлого.

2.Энэ хуулийн 3 дугаар зүйлийн 2-т заасан албан татвар төлөгчийн зөвхөн Монгол Улсад үйл ажиллагаа явуулж олсон орлогод албан татвар ногдоно.

3.Гадаад валютаар олсон орлогыг төгрөгт шилжүүлэхдээ уг валютыг банкинд худалдах тухайн өдрийн Монгол банкнаас тогтоосон ханшийг үндэслэнэ. /Энэ хэсгийг 2001 оны 11 дүгээр сарын 9-ний өдрийн хуулиар өөрчлөн найруулсан./

4./Энэ хэсгийг 1997 оны 12 дугаар сарын 5-ны өдрийн хуулиар хүчингүй болсонд тооцсон./

5.Хуулийн этгээдэд эрхлэн гүйцэтгэж байгаа үйл ажиллагааных нь хувьд энэ хуулийн 4, 5, 7 дугаар зүйлд заасны дагуу татвар ногдуулах, татвараас чөлөөлөх, хөнгөлөхдөө төрийн захиргааны эрх бүхий байгууллагаас баталсан "Эдийн засгийн бүх төрлийн үйл ажиллагааны салбарын ангилал"-ыг баримтална. /Энэ хэсгийг 2001 оны 11 дүгээр сарын 9-ний өдрийн хуулиар нэмсэн./

1.Албан татвар төлөгчийн албан татвар ногдуулах орлогыг дараахь байдлаар тодорхойлно:

1/энэ хуулийн 4 дүгээр зүйлийн 1 дэх хэсгийн 1-5, 10-12, 15, 16-д заасан орлогоос баримтаар нотлогдож буй шууд зардал, үүнд цалин, хөдөлмөрийн хөлс, нэмэгдэл хөлс, бүх төрлийн материалын зардал /түүхий эд, үндсэн болон туслах материал, хагас боловсруулсан зүйл, уур, ус, эрчим хүч, түлш, шатахуун, сэлбэг хэрэгсэл, сав, баглаа боодлын зардал/, эрүүл мэнд, нийгмийн даатгалын болон үндсэн хөрөнгийн элэгдэл, хорогдлын шимтгэл, урсгал засварын болон түр барилгын зардал, барилгын төсөвт тусгагдсан шагнал, гадаадын валютын арилжаанаас гарах алдагдал, бусдаар гүйцэтгүүлсэн ажил, үйлчилгээний хөлс, түрээсийн төлбөр, зээлийн хүү, хөрөнгө эзэмшигчдээс тогтоосон хэмжээний захиргааны зардал, автотээврийн болон өөрөө явагч хэрэгслийн албан татвар, газар, байгалийн нөөц ашигласны хураамж, төлбөрийг хассан зөрүүгээр. Төсөвт төлсөн онцгой болон үл хөдлөх эд хөрөнгийн болон зарим бүтээгдэхүүний үнийн өсөлтийн албан татварыг албан татвар ногдуулах орлогоос хасч тооцно. Хадгаламж, зээлийн үйл ажиллагаа эрхэлдэг хоршооны эрсдэлийн санд; бусад үйл ажиллагаа эрхэлдэг хоршооны болзошгүй алдагдлыг нөхөх нөөц санд; хадгаламж, зээлийн болон бусад үйл ажиллагаа зэрэг эрхэлдэг хоршооны тухайд аль нэг санд нь төвлөрүүлсэн мөнгөн хөрөнгийг татвар ногдох орлогоос хасч тооцно. /Энэ заалтад 2001 оны 11 дүгээр сарын 9, 2003 оны 04 дүгээр сарын 24-ний өдөр болон 2006 оны 5 дугаар сарын 12-ны өдрийн хуулиар тус тус нэмэлт орсон./

2/энэ хуулийн 4 дүгээр зүйлийн 1 дэх хэсгийн 7-д заасан орлогоос уг хөрөнгийн үлдэгдэл өртгийг хассан зөрүүгээр; /Энэ заалтад 1997 оны 4 дүгээр сарын 17-ны өдрийн хуулиар өөрчлөлт орсон./

3/бусдаас худалдаж авсан хувьцааг борлуулсны орлогоос уг хувьцааг худалдаж авсан үнийг хассан зөрүүгээр;

4/энэ хуулийн 4 дүгээр зүйлийн 1 дэх хэсгийн 13-д заасан орлогоос уг орлогыг олохтой холбогдон гарсан баримтаар нотлогдох зардал, хонжворт олгосон мөнгөн хөрөнгө болон барааны үнийг хассан зөрүүгээр; /Энэ заалтад 2001 оны 11 дүгээр сарын 9-ний өдрийн хуулиар өөрчлөлт орсон./

5/энэ хуулийн 4 дүгээр зүйлийн 1 дэх хэсгийн 6, 8, 9, 14-д заасан орлогын нийт дүнгээр. /Энэ заалтад 1997 оны 4 дүгээр сарын 17-ны өдрийн хуулиар өөрчлөлт орсон./

6/даатгалын хураамжийн цэвэр орлогоос тухайн жилд байгуулсан нөөцийн сан болон ажиллагааны зардлыг хассан зөрүүгээр. /Энэ заалтыг 1997 оны 12 дугаар сарын 5-ны өдрийн хуулиар нэмсэн./

2.Бараа харилцан солилцсон, бараа, хөдлөх ба үл хөдлөх хөрөнгийг зах зээлийн үнээс доогуур үнээр борлуулсан, ажил, үйлчилгээний үнэ, тарифыг багасгаж хэрэглэсэн тохиолдолд албан татвар, ногдуулах орлогыг тодорхойлохдоо зах зээлийн тухайн үеийн үнэ, тарифыг үндэслэнэ.

1.Албан татвар ногдуулах жилийн орлогод дараахь хувь, хэмжээгээр албан татвар ногдуулна:

1/0-100 000 000 төгрөгийн албан татвар ногдуулах жилийн орлогод 15 хувиар; 100 000 000-аас дээш төгрөгийн албан татвар ногдуулах жилийн орлогод 15 000 000 төгрөг дээр 100 000 000 төгрөгнөөс дээш орлогын дүнгийн 30 хувиар нэмж татвар ногдуулна.

Энэ заалтад дурдсан татварын хувь хэмжээг 2004 оны 1 дүгээр сарын 1-ний өдрөөс эхлэн дагаж мөрдөнө. /Энэ заалтыг 1997 оны 4 дүгээр сарын 17-ны болон 1997 оны 10 дугаар сарын 31-өдрийн хуулиар өөрчлөн найруулсан ба 2003 оны 11 дүгээр сарын 27-ны өдрийн хуулиар өөрчлөлт орсон./

2/хувьцааны ногдол ашиг, хувь хүртэгчийн орлогод 15 хувиар;

Төр нь өмчдөө ногдох ашиг болон хувьцааны ногдол ашгийг бүрэн буюу хэсэгчлэн төсөвт дайчлах эрхтэй. Энэ хэмжээг тухай бүр Засгийн газраас тогтооно. /Энэ заалтыг 1993 оны 11 дүгээр сарын 23-ны өдрийн хуулиар өөрчлөн найруулсан./

3/эрхийн шимтгэлийн орлогод 10 хувиар; /Энэ заалтыг 1997 оны 4 дүгээр сарын 17-ны өдрийн хуулиар өөрчлөн найруулсан./

4/бүх төрлийн төлбөрт тоглоом, видео болон аудио хуурцаг, түүний бичлэгийн хөлсний үйлчилгээ, видео үзвэр болон хонжворт сугалаа, тааврын орлогод 40 хувиар; /Энэ заалтад 1997 оны 4 дүгээр сарын 17-ны өдрийн хуулиар өөрчлөлт орсон./

5/үл хөдлөх хөрөнгө борлуулсны орлогын дүнд 2 хувиар; /Энэ заалтыг 1997 оны 4 дүгээр сарын 17-ны өдрийн хуулиар өөрчлөн найруулсан./

6/ банкнаас авсан хүүгийн орлогод 15 хувиар. /Энэ заалтад 1997 оны 4 дүгээр сарын 17-ны өдрийн хуулиар өөрчлөлт орсон./

7/Монгол Улсад оршин суугч бус хуулийн этгээдийн Монгол Улсад олсон дараахь орлогод 20 хувиар албан татвар ногдуулна: /Энэ заалтад 2001 оны 11 дүгээр сарын 9-ний өдрийн хуулиар өөрчлөлт орсон./

г/Монгол Улсын төрийн байгууллага, аж ахуйн нэгж, бусад байгууллага, хувь хүнд үзүүлсэн техникийн болон бусад үйлчилгээний орлого. /Энэ заалтыг 1997 оны 4 дүгээр сарын 17-ны өдрийн хуулиар нэмсэн./

2.Гадаадын дагнасан болон хамтарсан хөрөнгө оруулалттай аж ахуйн нэгжийн орлогод Монгол Улсын хууль тогтоомж болон Монгол Улсын олон улсын гэрээнд өөрөөр заагаагүй бол энэ хуульд заасан хувь, хэмжээгээр албан татвар ногдуулна.

3.Энэ хуулийн 3 дугаар зүйлийн 1 дэх хэсгийн 2-т заасан татвар төлөгч нь өөрт ногдох ашгаасаа гадаадад шилжүүлбэл шилжүүлсэн ашгийн 20 хувиар албан татвар ногдуулна. /Энэ хэсгийг 1997 оны 4 дүгээр сарын 17-ны өдрийн хуулиар нэмсэн./

4.Энэ хуулийн 3 дугаар зүйлийн 1 дэх хэсгийн 5-д заасан татвар төлөгчийн тухайн жилийн татвар ногдуулах орлогод 20 хувиар албан татвар ногдуулна. /Энэ хэсгийг 1997 оны 4 дүгээр сарын 17-ны өдрийн хуулиар нэмсэн./

1.Албан татвар төлөгчийн дараахь орлогыг албан татвараас чөлөөлнө:

1/Засгийн газрын зээллэгийн хүүгийн орлого;

2/төрийн бус байгууллагын гишүүд, дэмжигчдийн татвар, хандив;

3/ /Энэ заалтыг 2000 оны 11 дүгээр сарын 17-ны өдрийн хуулиар хүчингүй болсонд тооцсон./

4/ /Энэ заалтыг 2000 оны 2 дугаар сарын 03-ны өдрийн хуулиар өөрчлөн найруулсан ба 2002 оны 12 дугаар сарын 5-ны өдрийн хуулиар хүчингүй болгосон./

5/нийгмийн даатгалын болон нийгмийн халамжийн сангийн орлого; /Энэ заалтыг 1998 оны 1 дүгээр сарын 15-ны өдрийн хуулиар нэмсэн./

6/Монголбанкны орлого; /Энэ заалтыг 1998 оны 1 дүгээр сарын 15-ны өдрийн хуулиар нэмсэн./

7/нийгэмд үйлчилдэг улсын бүртгэлтэй төрийн бус байгууллагын орлого; /Энэ заалтыг 1998 оны 1 дүгээр сарын 15-ны өдрийн хуулиар нэмсэн ба 2000 оны 11 дүгээр сарын 17-ны өдрийн хуулиар өөрчлөн найруулсан./

8/ /Энэ заалтыг 1998 оны 1 дүгээр сарын 15-ны өдрийн хуулиар нэмсэн ба 2000 оны 11 дүгээр сарын 17-ны өдрийн хуулиар хүчингүй болсонд тооцсон./

9/ /Энэ заалтыг 1998 оны 1 дүгээр сарын 15-ны өдрийн хуулиар нэмсэн ба түүнд 1998 оны 11 дүгээр сарын 6-ны өдрийн хуулиар нэмэлт орсон бөгөөд 2000 оны 11 дүгээр сарын 17-ны өдрийн хуулиар хүчингүй болсонд тооцсон./

10/ /Энэ заалтыг 1998 оны 1 дүгээр сарын 15-ны өдрийн хуулиар нэмсэн ба 1999 оны 1 дүгээр сарын 22-ны өдрийн хуулиар хүчингүй болсонд тооцсон./

2.Газрын тосны салбарт бүтээгдэхүүн хуваах зарчмаар Монгол Улсын Засгийн газартай байгуулсан гэрээний дагуу Монгол Улсын үйл ажиллагаа явуулж байгаа гадаадын аж ахуйн нэгжийн өөрт нь ногдох бүтээгдэхүүний борлуулалтаас олсон орлогод болон түүнийг гадаадад гуйвуулах үед энэ хуулийн 6 дугаар зүйлийн 1 дэх хэсгийн 1, 2, мөн зүйлийн 3 дахь хэсэгт заасны дагуу ногдуулах татвараас тус тус чөлөөлнө.

3.Үр тариа, төмс, хүнсний ногооны үйлдвэрлэл эрхэлж байгаа аж ахуйн нэгжийн зөвхөн эдгээр үйлдвэрлэлээс олсон орлогод ногдох албан татварыг 50 хувиар хөнгөлнө. /Энэ хэсгийг 1997 оны 4 дүгээр сарын 17-ны өдрийн хуулиар өөрчлөн найруулсан./

4.Олон улсын, улсын, орон нутгийн чанартай авто зам, замын байгууламжийг өөрийн хөрөнгөөр барьж байгуулсан, засвар, арчлалт хийсэн аж ахуйн нэгжийн уг ажилд зарцуулсан хөрөнгийг албан татвар ногдуулах орлогоос хасаж тооцно. /Энэ хэсгийг 1998 оны 1 дүгээр сарын 9-ний өдрийн хуулиар нэмсэн./

5.Дараахь салбар дахь гадаадын хөрөнгө оруулалттай аж ахуйн нэгжид үйлдвэрлэлийн үйл ажиллагаа явуулж эхэлсэн өдрөөс орлогын албан татварын дор дурдсан хөнгөлөлт үзүүлнэ:

1/цахилгаан, дулааны станц, цахилгаан, дулаан дамжуулах шугам сүлжээ, авто, төмөр зам, агаарын тээврийн болон инженерийн барилга байгууламж, телекоммуникацийн үндсэн сүлжээний салбарт 10 жилийн хугацаанд чөлөөлж, дараагийн 5 жилд 50 хувиар хөнгөлнө; 2/ нефть, хатуу түлш олборлох, боловсруулах, металлург, хими, төмөрлөг, машины үйлдвэрлэл, электроникийн салбарт 5 жилийн хугацаанд чөлөөлж, дараагийн 5 жилд 50 хувиар хөнгөлнө. /Энэ заалтад 2000 оны 11 дүгээр сарын 17-ны өдрийн хуулиар өөрчлөлт орсон./ /Энэ хэсгийг 1998 оны 1 дүгээр сарын 15-ны өдрийн хуулиар нэмсэн/

6.Энэ зүйлийн 4 дэх хэсэгт зааснаас бусад салбарт байгуулагдсан гадаадын хөрөнгө оруулалттай аж ахуйн нэгж үйлдвэрлэсэн бүтээгдэхүүнийхээ 50-иас дээш хувийг экспортолж байвал тухайн аж ахуйн нэгжийг орлогын албан татвараас эхний З жилийн хугацаанд чөлөөлж, дараагийн З жилд 50 хувиар хөнгөлнө. Энэ нь ноос, ноолуур угаах, самнах, арьс ширний анхан шатны боловсруулалт хийдэг үйлдвэрт хамаарахгүй. /Энэ хэсгийг 1998 оны 1 дүгээр сарын 15-ны өдрийн хуулиар нэмсэн ба 2001 оны 11 дүгээр сарын 9-ний өдрийн хуулиар нэмэлт орсон./

7.Энэ зүйлийн 4 дэх хэсэгт зааснаас бусад салбарт байгуулагдах гадаадын хөрөнгө оруулалттай аж аж ахуйн нэгжид орлогын албан татварын хөнгөлөлт үзүүлж болно. Уг асуудлыг Засгийн газрын өргөн мэдүүлснээр Улсын Их Хурал тухай бүр шийдвэрлэнэ. /Энэ хэсгийг 1998 оны 1 дүгээр сарын 15-ны өдрийн хуулиар нэмсэн./

8.Гадаадын хөрөнгө оруулагч өөрт ногдох орлогоос тухайн аж ахуйн нэгжид дахин хөрөнгө оруулалт хийвэл оруулсан хөрөнгийн хэмжээгээр тухайн аж ахуйн нэгжийн албан татвар ногдуулах орлогыг багасгаж тооцно. /Энэ хэсгийг 1998 оны 1 дүгээр сарын 15-ны өдрийн хуулиар нэмсэн./

9. Гадаадын хөрөнгө оруулалттай аж ахуйн нэгжийн үйл ажиллагаа нь энэ зүйлийн 5 дахь хэсэгт заасан хэд хэдэн салбарыг хамарч байвал тухайн аж ахуйн нэгжид үзүүлэх орлогын албан татварын хөнгөлөлтийг үйл ажиллагааны үндсэн салбараар нь тодорхойлно. /Энэ хэсгийг 1998 оны 1 дүгээр сарын 15-ны өдрийн хуулиар нэмсэн ба түүнд 1999 оны 5 дугаар сарын 12-ны өдрийн хуулиар өөрчлөлт орсон./

10.Хөрөнгө оруулалтын эрхийн бичгээр худалдсан аж ахуйн нэгжийн ногдол хувь, хувьцаа, төрийн өмчит болон төрийн өмчийн оролцоотой аж ахуйн нэгжийн төрд ногдох хувьцаа болон бусад үнэт цаасыг худалдаж авах хэлбэрээр байгуулагдах гадаадын хөрөнгө оруулалттай аж ахуйн нэгжид энэ зүйлийн 4,5 дахь хэсэгт заасан хөнгөлөлт, чөлөөлөлт хамаарахгүй. /Энэ хэсгийг 1998 оны 1 дүгээр сарын 15-ны өдрийн хуулиар нэмсэн ба 2002 оны 12 дугаар сарын 5-ны өдрийн хуулиар нэмэлт, өөрчлөлт орсон./

11.Эрчим хүчний эх үүсвэр, шугам сүлжээг барьж байгуулах, үйлдвэрлэлийн үндсэн технологийг шинэчлэхэд хөрөнгө оруулсан аж ахуйн нэгж, байгууллагыг оруулсан хөрөнгийн хэмжээгээр орлогын албан татвараас байгуулагдсанаас хойш эхний 10 жилд бүрэн чөлөөлж, дараагийн 5 жилд 50 хувиар хөнгөлнө. /Энэ хэсгийг 1998 оны 1 дүгээр сарын 15-ны өдрийн хуулиар нэмсэн./

12.Энэ зүйлийн 11 дэх хэсгийн заалт иргэн, аж ахуйн нэгж, байгууллага өөрийн хэрэгцээнд эрчим хүч үйлдвэрлэх, өөрийн өмч, эзэмшлийн газар, барилга байгууламжийн дотор шугам сүлжээ барьж байгуулахад хамаарахгүй. /Энэ хэсгийг 1998 оны 1 дүгээр сарын 15-ны өдрийн хуулиар нэмсэн ба 1999 оны 5 дугаар сарын 12-ны өдрийн хуулиар өөрчлөлт орсон./

13.Үйлдвэрлэл, үйлчилгээ хөгжих нөхцөл бүрдэж байгаа бүс нутгийн аймгийн татварын албанд бүртгүүлэн, тухайн аймгийн нутаг дэвсгэрт үйлдвэрлэл, үйлчилгээ шинээр эрхлэх аж ахуйн нэгж, байгууллагын орлогын албан татварыг эхний жилд бүрэн чөлөөлж, дараагийн хоёр жилд 50 хувиар хөнгөлнө. /Энэ хэсгийг 1998 оны 1 дүгээр сарын 8-ны өдрийн хуулиар нэмсэн ба 1999 оны 1 дүгээр сарын 22-ны өдрийн хуулиар хүчингүй болсонд тооцсон бөгөөд 2000 оны 11 дүгээр сарын 17-ны өдрийн хуулиар нэмсэн./

14. Үйлдвэрлэл үйлчилгээ хөгжих нөхцөл сул бүрдсэн бүс нутгийн аймгийн татварын албанд бүртгүүлэн, тухайн аймгийн нутаг дэвсгэрт үйлдвэрлэл, үйлчилгээ шинээр эрхлэх аж ахуйн нэгж, байгууллагын орлогын албан татварыг эхний жилд бүрэн чөлөөлж, дараагийн хоёр жилд 75 хувиар хөнгөлнө. /Энэ хэсгийг 2000 оны 11 дүгээр сарын 17-ны өдрийн хуулиар нэмсэн./

15.Энэ зүйлийн 14 дэх хэсэгт заасан үйлдвэрлэл, үйлчилгээ хөгжих нөхцөл сул бүрдсэн аймгуудын төвөөс 100-гаас дээш километр алслагдсан сумдын нутаг дэвсгэрт үйлдвэрлэл, үйлчилгээ шинээр эрхлэх аж ахуйн нэгж, байгууллагын орлогын албан татварыг эхний хоёр жилд бүрэн чөлөөлж, дараагийн жилд 50 хувиар хөнгөлнө. /Энэ хэсгийг 2000 оны 11 дүгээр сарын 17-ны өдрийн хуулиар нэмсэн./

16.Энэ зүйлийн 1З, 14, 15 дахь хэсэгт заасан хөнгөлөлтөд хамаарах аймаг, сумдын жагсаалтыг Засгийн газар батална. /Энэ хэсгийг 2000 оны 11 дүгээр сарын 17-ны өдрийн хуулиар нэмсэн./

17.Энэ зүйлийн 1З, 14, 15 дахь хэсгийн заалт тухайн аймгийн нутаг дэвсгэрт олборлох салбарын болон согтууруулах ундааны үйлдвэрлэл эрхэлж байгаа, мөн санхүүгийн болон татварын тайлангаа нэгтгэн, төвлөрсөн журмаар төсөвтэй тооцоо хийдэг аж ахуйн нэгж, байгууллагад хамаарахгүй. /Энэ хэсгийг 2000 оны 11 дүгээр сарын 17-ны өдрийн хуулиар нэмсэн./

18.Энэ зүйлийн 5, 6, 11 дэх хэсэгт заасан хөнгөлөлт, чөлөөлөлтийг эдэлж байгаа гадаадын хөрөнгө оруулалттай аж ахуйн нэгж ийнхүү татварын хөнгөлөлт, чөлөөлөлт эдлэх хуульд заасан хугацаа дуусахаас өмнө татан буугдсан тохиолдолд тухайн аж ахуйн нэгжид олгосон татварын хөнгөлөлт, чөлөөлөлтийг тэр хэмжээгээр нөхөн төлүүлнэ. /Энэ хэсгийг 2003 оны 11 дүгээр сарын 27-ны өдрийн хуулиар нэмсэн./

19.Хийн түлшний салбарт үйл ажиллагаа эрхлэх тусгай зөвшөөрөлтэй аж ахуйн нэгж, байгууллагын зөвхөн энэ үйл ажиллагаанаас олсон орлогын албан татварыг эхний 5 жилд бүрэн чөлөөлж, дараагийн 5 жилд 50 хувиар хөнгөлнө /Энэ хэсгийг 2004 оны 4 дүгээр сарын 22-ны өдрийн хуулиар нэмсэн./

20. Хараагүй, дүлий болон тулах эрхтэний гэмтлийн улмаас хөдөлмөрийн чадвараа 50-иас дээш хувиар алдсан тахир дутуу хүн ажилладаг аж ахуйн нэгж, байгууллагын орлогын албан татварыг тухайн аж ахуйн нэгж, байгууллагын нийт ажиллагсдад тахир дутуу хүний эзэлж байгаа хувиар хөнгөлнө. /Энэ хэсгийг 2004 оны 4 дүгээр сарын 22-ны өдрийн хуулиар нэмсэн./

21.Программ хангамжийн бүтээгдэхүүн худалдан авагч аж ахуйн нэгжийн тухайн ажилд зарцуулсан хөрөнгийг албан татвар ногдуулах орлогоос хасаж тооцно. /Энэ хэсгийг 2005 оны 6 дугаар сарын 2-ны өдрийн хуулиар нэмсэн ба энэ хэсгийг батлагдсан өдрөөс нь эхлэн 4 жилийн хугацаанд дагаж мөрдөнө./

1.Албан татвар төлөгч албан татварын хэмжээг нягтлан бодох бүртгэлийн улирал, жилийн тайлан тэнцлийг үндэслэн жилийн эхнээс өссөн дүнгээр өөрөө тодорхойлж төсөвт төлнө.

2.Албан татвар төлөгч тайлангийн жилд төлөх албан татвараа сар, улирлын хуваарийн дагуу сар бүр 25-ны дотор урьдчилан төлж, улирлын албан татварын тайланг дараа улирлын эхний сарын 20-ны дотор, жилийн эцсийн тайланг дараа оны 2 дугаар сарын 10-ны дотор Улсын татварын албанд тушааж, албан татварын эцсийн тооцоо хийнэ.

3.Үл хөдлөх хөрөнгө, хувьцаа борлуулсны орлогод ногдох албан татварыг уг хөрөнгө, хувьцааг борлуулснаас хойш 10 хоногийн дотор төсөвт төлнө. /Энэ хэсгээс 1997 оны 4 дүгээр сарын 17-ны өдрийн хуулиар "үнэт цаас", "үнэт цаасыг" гэснийг хассан./

4.Энэ хуулийн 6 дугаар зүйлийн 1 дэх хэсгийн 2, 3, 4, 6, 7-д заасан орлогод ногдох албан татварыг уг орлогыг олгож байгаа байгууллага, аж ахуйн нэгж суутган авч, ажлын 7 хоногийн дотор төсөвт шилжүүлнэ. Энэ тухай тайланг дараа улирлын эхний сарын 10-ны дотор улирал бүр өссөн дүнгээр, жилийн эцсийн тайланг дараа оны эхний сарын 10-ны дотор гаргаж, харьяалагдах татварын албанд тушаана. /Энэ хэсгийг 1997 оны 4 дүгээр сарын 17-ны өдрийн хуулиар нэмсэн ба 2002 оны 12 дугаар сарын 5-ны өдрийн хуулиар нэмэлт, өөрчлөлт орсон./

1.Энэ хууль 199З оны 1 дүгээр сарын 1-ний өдрөөс эхлэн хүчин төгөлдөр болно.

2.Энэ хуулийн 6 дугаар зүйлийн 1 дэх хэсгийн 2-т заасан хувьцааны ногдол ашиг, хувь хүртэгчийн орлогод албан татвар ногдуулах заалтыг 2001 оны 1 дүгээр сарын 1-ний өдрөөс эхлэн дагаж мөрдөнө. 

/Энэ хэсгийг 1997 оны 4 дүгээр сарын 17-ны өдрийн хуулиар нэмсэн./

ИХ ХУРЛЫН ДАРГА Н. БАГАБАНДИ

НАРИЙН БИЧГИЙН ДАРГА Н. РИНЧИНДОРЖ