Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН ХУУЛЬ
2005 оны 7 дугаар сарын 07-ны өдөр
Улаанбаатар хот
ШҮҮХИЙН ШИЙДВЭР ГҮЙЦЭТГЭХ ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ
1 дүгээр зүйл.Шүүхийн шийдвэр гүйцэтгэх тухай хуульд дор дурдсан агуулгатай 47.3, 48.8 дахь хэсэг тус тус нэмсүгэй:
1/47 дугаар зүйлийн 3 дахь хэсэг:
"47.3.Албадан дуудлага худалдаагаар худалдах үл хөдлөх эд хөрөнгө нь Монгол Улсын иргэнд өмчлүүлсэн газар бол албадан дуудлага худалдаанд зөвхөн Монгол Улсын иргэн оролцоно."
2/ 48 дугаар зүйлийн 8 дахь хэсэг:
"48.8.Төлбөр авагч нь Монгол Улсын иргэн бол албадан дуудлага худалдаагаар борлогдоогүй Монгол Улсын иргэнд өмчлүүлсэн газрыг энэ хуулийн 48.7-д заасны дагуу төлбөр авагчид санал болгож болно. "
2 дугаар зүйл.Шүүхийн шийдвэр гүйцэтгэх тухай хуулийн 48.7 дахь хэсгийн "борлогдоогүй " гэсний дараа "Монгол Улсын иргэнд өмчлүүлсэн газраас бусад" гэж нэмсүгэй.
3 дугаар зүйл. Шүүхийн шийдвэр гүйцэтгэх тухай хуулийн 47.3, 47.4 дэх хэсгийн дугаарыг "47.4, 47.5" гэж, 48.8-48.13 дахь хэсгийн дугаарыг "48.9-48.14" гэж тус тус өөрчилсүгэй.
4 дүгээр зүйл. Энэ хуулийг Ипотекийн зүйлийг шүүхийн бус журмаар худалдан борлуулах журмын тухай хууль хүчин төгөлдөр болсон өдрөөс эхлэн дагаж мөрдөнө.
МОНГОЛ УЛСЫН ИХ ХУРЛЫН ДАРГА Ц.НЯМДОРЖ
