Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН ХУУЛЬ
1997 оны 12 дугаар сарын 5-ны өдөр
Улаанбаатар хот
ЗАХИРГААНЫ ХАРИУЦЛАГЫН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ
1 дүгээр зүйл.Захиргааны хариуцлагын тухай хуулийн 7, 1О дугаар зүйл, 19 дүгээр зүйлийн 2 дахь хэсэгт дор дурдсан агуулгатай дараахь заалт тус тус нэмсүгэй:
1/7 дугаар зүйлийн 10 дахь заалт:
"10/нийгмийн хэв журам хамгаалах олон нийтийн байцаагч";
2/10 дугаар зүйлийн 9 дэх заалт:
"9/нийгмийн хэв журам хамгаалах олон нийтийн байцаагч энэ хуулийн 21, 23, 24 дүгээр зүйл, 251 дүгээр зүйл, 32 дугаар зүйлийн 1 дэх хэсэг, 38 дугаар зүйлд заасан зөрчил болон 52 дугаар зүйлийн 5 дахь хэсгийн "хог хаягдлаа ил асгах, орчин тойрноо бохирдуулах зөрчил"
3/ 19 дүгээр зүйлийн 2 дахь хэсгийн 3 дахь заалт:
"3/Нийгмийн хэв журам хамгаалах олон нийтийн байцаагчийн шийтгэл ногдуулсан шийдвэрийг тухайн сум, дүүргийн Засаг даргад".
2 дугаар зүйл.Захиргааны хариуцлагын тухай хуулийн 18 дугаар зүйлийн 2 дахь хэсэгт "улсын байцаагч" гэсний дараа ",нийгмийн хэв журам хамгаалах олон нийтийн байцаагч" гэж нэмсүгэй.
3 дугаар зүйл.Энэ хуулийг Гэмт хэргээс урьдчилан сэргийлэх тухай хууль хүчин төгөлдөр болсон өдрөөс эхлэн дагаж мөрдөнө.
МОНГОЛ УЛСЫН ИХ ХУРЛЫН ДАРГА Р.ГОНЧИГДОРЖ
