МОНГОЛ УЛСЫН ХУУЛЬ

2010 оны 6 дугаар сарын 10-ны өдөр

Улаанбаатар хот

ТАРИМАЛ УРГАМЛЫН ҮР, СОРТЫН ТУХАЙ ХУУЛЬД ӨӨРЧЛӨЛТ ОРУУЛАХ ТУХАЙ

Таримал ургамлын үр, сортын тухай хуулийн 9 дүгээр зүйлийн 9.3 дахь хэсгийн "21 дүгээр зүйлийн 2, 3, 4, 5, 6 дахь хэсэгт" гэснийг " 10 дугаар зүйлд" гэж, мөн зүйлийн 9.4 дэх хэсгийн "20 дугаар зүйлийн 3 дахь хэсэгт" гэснийг "10.9-д" гэж тус тус өөрчилсүгэй.

Таримал ургамлын үр, сортын тухай хуулийн 9 дүгээр зүйлийн 9.3 дахь хэсгийн "улсын ерөнхий байцаагч," гэснийг хассугай.

Энэ хуулийг Төрийн хяналт шалгалтын тухай хуульд нэмэлт, өөрчлөлт оруулах тухай хууль хүчин төгөлдөр болсон өдрөөс эхлэн дагаж мөрдөнө.

МОНГОЛ УЛСЫН ИХ ХУРЛЫН ДАРГА Д.ДЭМБЭРЭЛ