ТОГТООЛЫН ХАВСРАЛТАД НЭМЭЛТ ОРУУЛАХ ТУХАЙ 2006 оны 9 дүгээр сарын 6-ны өдөр Улаанбаатар хот Дугаар 210 Монгол Улсын Засгийн газраас ТОГТООХ нь: "Шинжлэх ухааны талаар авах зарим арга хэмжээний тухай" Засгийн газрын 1997 оны 1 дүгээр сарын 22-ны өдрийн 31 дүгээр тогтоолоор баталсан "Монгол Улсын шинжлэх ухааны байгууллагуудын бүтцийн өөрчлөлт хийх чиглэл"-ийн "А.Улсын эрдэм шинжилгээний хүрээлэн, төвүүд" гэсэн хэсгийн 17 дугаар заалтад "-Өндөр уулын бүсийн хөдөө аж ахуйн эрдэм шинжилгээ-үйлдвэрлэлийн станц" гэсний дараа "-Төв аймгийн Батсүмбэр суман дахь Зөгийн аж ахуйн эрдэм шинжилгээ-үйлдвэрлэлийн станц" гэж нэмсүгэй. Монгол Улсын Ерөнхий сайд М.ЭНХБОЛД Боловсрол, соёл, шинжлэх ухааны сайд Ө.ЭНХТҮВШИН