Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх
ОНЦГОЙ АЛБАН ТАТВАРЫН ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ 1997 оны 4 дүгээр сарын 18-ны өдөр Улаанбаатар хот 1 дүгээр зүйл.Онцгой албан татварын хуульд дор дурдсан агуулгатай хэсэг, заалт нэмсүгэй: 1/ 6 дугаар зүйлийн 4 дэх хэсэг: "4.Энэ хуулийн 4 дүгээр зүйлийн 5 дахь хэсэгт заасан импортын суудлын автомашинд түүний хөдөлгүүрийн цилиндрийн багтаамж, үйлдвэрлэгдэн гарснаас хойшхи хугацааг харгалзан автомашин тутамд дараахь хэмжээгээр /ам.долларт шилжүүлснээр/ онцгой албан татвар ногдуулна:
| Хөдөлгүүрийн цилиндрийн | Үйлдвэрлэгдэн гарснаас хойшхи хугацаа /жилээр/ | ||
| багтаамж /см3 / | 0-2 | 2-4 | 4-ээс дээш |
| 2000 хүртэл | 500 | 1000 | 2000 |
| 2001-3000 | 1000 | 2000 | 4000 |
| 3001 ба түүнээс дээш | 1500 | 3000 | 6000 |
2/ 4 дүгээр зүйлийн 5 дахь заалт: "5/ суудлын автомашин". 2 дугаар зүйл. Онцгой албан татварын хуулийн 6 дугаар зүйлийн 1, 3 дахь хэсгийг дор дурдсанаар өөрчлөн найруулсугай: 1/ 6 дугаар зүйлийн 1 дэх хэсэг: "1/ Энэ хуулийн 4 дүгээр зүйлийн 1,2 дахь хэсэгт заасан бараанд дараахь хувь, хэмжээгээр онцгой албан татвар ногдуулна:
| Онцгой албан татварын хувь, хэмжээ | |||
| Эх орны үйлдвэрийн барааны | |||
| Онцгой албан татвар ногдуулах барааны нэр төрөл | Онцгой албан татвар шингэсэн үнэлгээнээс тооцох онцгой албан татварын хувь | Нэгжид ног- дуулах онцгой албан татвар /ам.долларт шилжүүлс-нээр/ | Импортын барааны нэгжид ногдуулах онцгой албан татвар /ам.долларт шилжүүлснээр/ |
| 1.Хүнсний спирт | 85 | - | литр тутмаас 7.00 |
| 2.Архи | |||
| 40 хүртэл хатуулагтай | 80 | - | литр тутмаас 5.00 |
| 40-өөс дээш хатуулагтай | 80 | - | литр тутмаас 6.00 |
| 3.Бүх төрлийн дарс | 30 | - | литр тутмаас 0.50 |
| 4.Бүх төрлийн янжуур болон бусад тамхи | - | 100 ширхэг тутмаас 0.20 | 100 ширхэг тутмаас 0.20 |
| 5.Дүнсэн болон түүнтэй адилтгах задгай тамхи | - | кг тутмаас 0.10 | кг тутмаас 0.10 |
2/6 дугаар зүйлийн 3 дахь хэсэг: "3.1997 оны 5 дугаар сарын 01-ний өдрөөс хойш улсын хилээр нэвтэрсэн энэ хуулийн 4 дүгээр зүйлийн 4-т заасан бараанд импортлон оруулж байгаа хилийн боомтоос хамааран тонн тутамд дараахь хэмжээ (ам.долларт шилжүүлснээр)-гээр онцгой албан татвар ногдуулна:
| Онцгой албан татварын хэмжээ /ам.долларт шилжүүлснээр/ | ||||
| Хилийн боомт | Авто бензин (шинжилгээний аргаар тодорхойлсон октаны хэмжээ) | Дизелийн түлш | ||
| 90 хүртэл | 90-ээс дээш | |||
| 1.Цагааннуур, Ярант, Хандгайт, Тэс | 4.0 | 5.0 | 8.0 | |
| 2.Ханх | 10.0 | 14.0 | 12.0 | |
| 3.Сүхбаатар, Замын-Үүд, Эрээнцав | 31.0 | 36.0 | 41.0 | |
3 дугаар зүйл. Онцгой албан татварын хуулийн 5 дугаар зүйлийн 3 дахь хэсэг, 8 дугаар зүйлийн 2 дахь хэсгийн "Улсын татварын" гэснийг "Үндэсний татварын" гэж; 5 дугаар зүйлийн 5 дахь хэсгийн "4 дүгээр зүйлийн 1,4-д" гэснийг "4 дүгээр зүйлийн 1,2,4,5-д" гэж; 8 дугаар зүйлийн 1 дэх хэсгийн "гаалийн албан татварын" гэснийг "худалдааны албан татварын" гэж тус тус өөрчилсүгэй. 4 дүгээр зүйл. Онцгой албан татварын хуулийн 7 дугаар зүйлийн 2 дахь хэсгийн "үйлдвэрлэлийн зориулалтаар" гэсний өмнө "эх орны үйлдвэрлэлээс согтууруулах ундааны" гэж; мөн зүйлийн 3 дахь заалтын "эх орны үйлдвэрийн" гэсний дараа "болон импортын" гэж тус тус нэмсүгэй. 5 дугаар зүйл. Онцгой албан татварын хуулийн 5 дугаар зүйлийн 1 дэх хэсэг, 7 дугаар зүйлийн 4 дэх заалтын "дүнсэн болон түүнтэй адилтгах задгай тамхи" гэснийг тус тус хассугай. 6 дугаар зүйл. Энэ хуулийг 1997 оны 5 дугаар сарын 1-ний өдрөөс эхлэн дагаж мөрдөнө. МОНГОЛ УЛСЫН ИХ ХУРЛЫН ДЭД ДАРГА Ц.ЭЛБЭГДОРЖ
