ОНЦГОЙ АЛБАН ТАТВАРЫН ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ 2004 оны 12 дугаар сарын 02-ны өдөр Улаанбаатар хот 1 дүгээр зүйл. Онцгой албан татварын хуулийн 5 дугаар зүйлд дор дурдсан агуулгатай 6 дахь хэсэг, 8 дугаар зүйлд 4, 5 дахь хэсгийг тус тус нэмсүгэй: 1/ 5 дугаар зүйлийн 6 дахь хэсэг: "6. Монгол Улсын нутаг дэвсгэрт үйлдвэрлэсэн бараанд онцгой албан татвар ногдуулахдаа үйлдвэрлэгчээс борлуулсан хэмжээг үндэслэнэ." 2/ 8 дугаар зүйлийн 4, 5 дахь хэсэг: "4. Эх орны үйлдвэрийн хүнсний спиртийг борлуулахдаа худалдан авагчид тусгай дугаар бүхий баримт бичиж өгөх бөгөөд түүний загварыг татварын асуудал эрхэлсэн төрийн захиргааны байгууллага батална. 5. Монгол Улсын нутаг дэвсгэрт үйлдвэрлэж, борлуулсан архи, дарсанд онцгой албан татвар ногдуулахдаа уг согтууруулах ундаанд ногдох спиртэд төлсөн онцгой албан татварыг энэ хуулийн 8 дугаар зүйлийн 4 дэх хэсэгт заасан баримтыг үндэслэн хасаж тооцно." 2 дугаар зүйл. Онцгой албан татварын хуулийн 5 дугаар зүйлийн 5 дахь хэсгийн "заасан" гэсний дараа "эх орны үйлдвэрийн бараа болон" гэж нэмсүгэй. 3 дугаар зүйл. Онцгой албан татварын хуулийн 6 дугаар зүйлийн 1 дэх хэсгийг дор дурдсанаар өөрчлөн найруулсугай: 1/ 6 дугаар зүйлийн 1 дэх хэсэг: "1. Энэ хуулийн 4 дүгээр зүйлийн 1, 2, 4-т заасан бараанд дараахь хэмжээгээр онцгой албан татвар ногдуулна:

*Онцгой албан татварыг ногдуулахдаа ам.долларын ханшийг тухайн өдрийн Монголбанкны тогтоосон ханшийг үндэслэнэ." 4 дүгээр зүйл. Онцгой албан татварын хуулийн 7 дугаар зүйлийн 2 дахь заалтын "эх орны үйлдвэрлэлээс согтууруулах ундааны үйлдвэрлэлийн зориулалтаар хүнсний үйлдвэр, комбинатад нийлүүлсэн, түүнчлэн" гэснийг, мөн зүйлийн 3 дахь заалтын "эх орны үйлдвэрийн пиво," гэснийг тус тус хассугай. 5 дугаар зүйл. Онцгой албан татварын хуулийн 5 дугаар зүйлийн 2, 3, 4 дэх хэсэг, 6 дугаар зүйлийн 2 дахь хэсгийг тус тус хүчингүй болсонд тооцсугай. 6 дугаар зүйл. Энэ хуулийг 2005 оны 1 дүгээр сарын 1-ний өдрөөс эхлэн дагаж мөрдөнө. МОНГОЛ УЛСЫН ИХ ХУРЛЫН ДАРГА Н.ЭНХБАЯР