1999 оны 7 дугаар сарын 21-ний өдөр Улаанбаатар хот 1 дүгээр зүйл. Шүүхийн шийдвэр биелүүлэх тухай хуульд дор дурдсан агуулгатай зүйл, заалт нэмсүгэй: 1/ 26 дугаар зүйлийн 1 дэх хэсгийн 4 дэх заалт: "4/ хуульд өөрөөр заагаагүй бол хувь нийлүүлэгчээс хуулийн этгээдийн дүрмийн санд оруулсан эд хөрөнгө." 2/ 221 дүгээр зүйл: "221 дүгээр зүйл. Шүүгчийн захирамж биелүүлэх Иргэний хэрэг шүүхэд хянан шийдвэрлэх тухай хуулийн 1601 дүгээр зүйлийн дагуу иргэний хэрэг үүсгэсэн тохиолдолд батлан даагч, барьцаа бариулагчийн эд хөрөнгө битүүмжлэх тухай шүүгчийн захирамжийг шийдвэр гүйцэтгэгч гүйцэтгэнэ." 2 дугаар зүйл.Энэ хуулийг Банкны тухай хуульд нэмэлт, өөрчлөлт оруулах тухай , Төв банк /Монголбанк/-ны тухай хуульд нэмэлт, өөрчлөлт оруулах тухай хуулиудыг хүчин төгөлдөр болсон өдрөөс эхлэн дагаж мөрдөнө. МОНГОЛ УЛСЫН ИХ ХУРЛЫН ДАРГА Р.ГОНЧИГДОРЖ