ШИНЖЛЭХ УХААН, ТЕХНОЛОГИЙН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ 2006 оны 06 сарын 29 өдөр Төрийн ордон. Улаанбаатар хот 1 дүгээр зүйл. Шинжлэх ухаан, технологийн тухай хуулийн 7, 18 дугаар зүйлд дор дурдсан агуулгатай дараахь заалт, хэсэг нэмсүгэй: 1/ 7 дугаар зүйлийн 1 дэх хэсгийн 8, 9, 10, 11 дэх заалт: "7.1.8. улсын захиалгатай эрдэм шинжилгээ, туршилт зохион бүтээх ажлын хөрөнгийн ашиглалт, зарцуу­лал­тын байдалтай танилцах, үр дүнд нь хянан магадлагаа хийлгэх, үнэлгээ, дүгнэлт гаргуулах, шаардлагатай тохиолдолд Зөвлөлийн шийдвэр гарах хүртэл санхүү­жилтийг түр зогсоох; 7.1.9. шинжлэх ухаан, технологийн мэдээлэл авах, эрдэм шинжилгээний хурал, зөвлөгөөн, семинар зохион байгуулах, мэргэжилтэн бэлтгэх арга хэмжээг санхүүжүүлэх; 7.1.10. шинжлэх ухаан, технологийн төслийн зардал, хөрөнгө оруулалтыг хуваарилах талаар санал гаргах; 7.1.11. эрдэм шинжилгээний байгууллагад эрдэм шинжилгээ, туршилт, зохион бүтээх ажил гүйцэтгэх, түүний үр дүнг ашиглахад зориулан эргэн төлөгдөх нөхцөл­тэйгээр сан­хүүжилт хийх, олгосон хөрөнгийг эргэж төлүүлэх талаар арга хэмжээ авах 2/ 18 дугаар зүйлийн 2 дахь хэсэг: "18.2. Улсын захиалгатай шинжлэх ухаан, технологийн төсөл хэрэгжүүлэх журам, онолын суурь судалгааны жагсаалтыг Засгийн газар батална.". 2 дугаар зүйл.Шинжлэх ухаан, технологийн тухай хуулийн 22 дугаар зүйлийн нэрийн "санхүүжүүлэх" гэсний дараа "журам" гэж нэмсүгэй. 3 дугаар зүйл.Шинжлэх ухаан, технологийн тухай хуулийн 8.3.4-ийн "шинжлэх ухаан, технологийн сангийн хөрөнгөөр" гэснийг "улсын төсвийн хөрөнгөөр", 10.1.1-ийн "шинжлэх ухаан, технологийн сан" гэснийг "Шинжлэх ухаан, технологийн асуудал эрхэлсэн төрийн захиргааны төв байгууллага", 17 дугаар зүйлийн "Сангийн хөрөнгө" гэснийг "улсын болон", 18.1.2-ын "Сангийн" гэснийг "улсын төсвийн", 22.1-ийн "Сангийн" гэснийг "Улсын", 22.5-ын "Сангийн" гэснийг "улсын төсвийн" гэж, 23.2.2-ын "Сангаас" гэснийг "Улсын төсвөөс", 7.1.8, 7.1.9 дэх заалтын дугаарыг "7.1.12, 7.1.13" гэж тус тус өөрчилсүгэй. 4 дүгээр зүйл. Шинжлэх ухаан, технологийн тухай хуулийн 22.3 дахь хэсгийн "баталсан төслийг санхүүжүүлэх Сан", мөн заалтын "тус тус" гэснийг тус тус хассугай. 5 дугаар зүйл. Шинжлэх ухаан, технологийн тухай хуулийн 11, 19, 20, 21 дүгээр зүйл, 23.2.1, 23.2.5 дахь заалт, 23.3 дахь хэсгийг тус тус хүчингүй болсонд тооцсугай. 6 дугаар зүйл. Энэ хуулийг Засгийн газрын тусгай сангийн тухай хууль хүчин төгөлдөр болсон өдрөөс эхлэн дагаж мөрдөнө. МОНГОЛ УЛСЫН ИХ ХУРЛЫН ДАРГА Ц.НЯМДОРЖ