Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН ХУУЛЬ
2012 оны 8 дугаар сарын 01-ний өдөр
Улаанбаатар хот
МОНГОЛ УЛСЫН ИХ ХУРЛЫН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ
1 дүгээр зүйл.Монгол Улсын Их Хурлын тухай хуульд дор дурдсан агуулгатай дараах хэсэг, заалт нэмсүгэй:
1/19 дүгээр зүйлийн 19.3.4 дэх заалт:
"19.3.4.Өргөдлийн;"
2/19 дүгээр зүйлийн 19.4 дэх хэсэг:
"19.4.Өргөдлийн байнгын хороо нь энэ хуулийн 19.2-т заасан нийтлэг бүрэн эрхээс гадна дараах бүрэн эрхийг хэрэгжүүлнэ:
19.4.1.Улсын Их Хурал, түүний Байнгын болон дэд, түр хороо, тэдгээрийн удирдлага, гишүүнд ирүүлсэн өргөдлийг судлах, шийдвэрлэх;
19.4.2.өргөдөл гаргагч, гэрч, шинжээчийг сонсох, холбогдох албан тушаалтнаас тайлбар авах."
3/20 дугаар зүйлийн 20.4 дэх хэсэг:
"20.4.Өргөдлийн байнгын хороо:
20.4.1.иргэд, байгууллагаас Улсын Их Хурал, түүний Байнгын болон дэд, түр хороо, тэдгээрийн удирдлага, гишүүнд ирүүлсэн өргөдлийг судлах, шийдвэрлэх асуудал."
2 дугаар зүйл.Монгол Улсын Их Хурлын тухай хуулийн 39 дүгээр зүйлийн 39.1.11 дэх заалтын "Улсын Их Хурлын дарга," гэсний дараа "Өргөдлийн байнгын хороо," гэж нэмсүгэй.
3 дугаар зүйл.Монгол Улсын Их Хурлын тухай хуулийн 20 дугаар зүйлийн 20.7.5 дахь хэсгийн "20.5.6-д" гэснийг "20.6.6-д" гэж, 22 дугаар зүйлийн 22.1 дэх хэсгийн "17-21" гэснийг "10-19" гэж, "хоёроос" гэснийг "гурваас" гэж, 19 дүгээр зүйлийн 19.3.4-19.3.7 дахь заалтын дугаарыг "19.3.5-19.3.8" гэж, 20 дугаар зүйлийн 20.4-20.12 дахь хэсгийн дугаарыг "20.5-20.13" гэж тус тус өөрчилсүгэй.
4 дүгээр зүйл.Монгол Улсын Их Хурлын тухай хуулийн 24 дүгээр зүйлийн 24.1.3 дахь заалт, мөн зүйлийн 24.6 дахь хэсгийн ", Өргөдөл, гомдлын" гэснийг хассугай.
5 дугаар зүйл.Монгол Улсын Их Хурлын тухай хуулийн 19 дүгээр зүйлийн 19.2.10 дахь заалт, 22 дугаар зүйлийн 22.2 дахь хэсэг, 24 дүгээр зүйлийн 24.3.10 дахь заалтыг тус тус хүчингүй болсонд тооцсугай.
6 дугаар зүйл.Энэ хуулийг 2012 оны 8 дугаар сарын 01-ний өдрөөс эхлэн дагаж мөрдөнө.
МОНГОЛ УЛСЫН ИХ ХУРЛЫН ДАРГА З.ЭНХБОЛД
