Нүүр
Эрх зүйн акт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН ХУУЛЬ
2006 оны 6 дугаар сарын 29-ний өдөр
Улаанбаатар хот
БАЙГАЛЬ ОРЧНЫГ ХАМГААЛАХ ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ
1 дүгээр зүйл. Байгаль орчныг хамгаалах тухай хуулийн 15 дугаар зүйлийн 1 дэх хэсэгт дор дурдсан агуулгатай 11 дэх заалт нэмсүгэй:
"11/ байгаль орчныг хамгаалах, байгалийн баялгийг нөхөн сэргээх, экологийн боловсрол, хүмүүжил олгох ажилд санхүүгийн дэмжлэг үзүүлэх.".
2 дугаар зүйл. Байгаль орчныг хамгаалах тухай хуулийн 34 дүгээр зүйлийн 2 дахь хэсгийг дор дурдсанаар өөрчлөн найруулсугай
"2.Экологийн боловсрол, хүмүүжил олгох, байгаль орчныг хамгаалах, байгалийн баялгийг нөхөн сэргээх ажилд төсвөөс санхүүгийн дэмжлэг үзүүлнэ.".
3 дугаар зүйл. Байгаль орчныг хамгаалах тухай хуулийн 15 дугаар зүйлийн 11, 12 дахь заалтын дугаарыг "12, 13", 35 дугаар зүйлийн 3 дахь хэсгийн "төлбөрийн 90 хувийг байгаль хамгаалах санд, 10 хувийг" гэснийг "төлбөрийг" гэж тус тус өөрчилсүгэй.
4 дүгээр зүйл. Байгаль орчныг хамгаалах тухай хуулийн 11 дүгээр зүйлийн 2 дахь хэсгийн "шинжлэх ухаан, технологийн сангийн болон", 34 дүгээр зүйлийн 3 дахь хэсгийн "болон байгаль хамгаалах сан байгуулах" гэснийг тус тус хассугай.
5 дугаар зүйл. Байгаль орчныг хамгаалах тухай хуулийн 14 дүгээр зүйлийн 5 дахь заалтыг хүчингүй болсонд тооцсугай.
6 дугаар зүйл. Энэ хуулийг Засгийн газрын тусгай сангийн тухай хууль хүчин төгөлдөр болсон өдрөөс эхлэн дагаж мөрдөнө.
МОНГОЛ УЛСЫН ИХ ХУРЛЫН ДАРГА Ц.НЯМДОРЖ
