Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН ХУУЛЬ
2012 оны 12 дугаар сарын 13-ны өдөр
Улаанбаатар хот
ХҮНИЙ ХӨГЖИЛ САНГИЙН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ
1 дүгээр зүйл.Хүний хөгжил сангийн тухай хуульд дор дурдсан агуулгатай дараах хэсэг, заалт нэмсүгэй:
1/3 дугаар зүйлийн 3.4 дэх хэсэг:
"3.4.Сангийн тухайн жилийн төсвийн алдагдлыг Засгийн газрын бонд, өрийн бичиг, зээл, үнэт цаас гарган санхүүжүүлж, үндсэн болон хүүгийн төлбөрийг сангаас төлж болно."
2/17 дугаар зүйлийн 17.1.5 дахь заалт:
"17.1.5.хүүхдийн мөнгө."
3/17 дугаар зүйлийн 17.3 дахь хэсэг:
"17.3.Хүний хөгжил сангийн тухайн жилийн төсвийн тухай хуулиар хүүхдийн мөнгөнд төсөвлөгдсөн хөрөнгөөс зарцуулагдаагүй үлдэгдлийг зөвхөн хүүхдийн хөгжлийг дэмжих зориулалтаар дараа жилийн төсвийн хөрөнгө оруулалтын арга хэмжээнд тусган зарцуулна."
2 дугаар зүйл.Хүний хөгжил сангийн тухай хуулийн 17 дугаар зүйлийн 17.2 дахь хэсгийн "Иргэн" гэсний дараа "энэ хуулийн 17.1.5-д зааснаас бусад" гэж, 18 дугаар зүйлийн 18.1 дэх хэсгийн "энэ хуулийн 3.2," гэсний дараа "3.4," гэж, 24 дүгээр зүйлийн 24.1 дэх хэсгийн "энэ хуулийн" гэсний дараа "3.4," гэж тус тус нэмсүгэй.
3 дугаар зүйл.Хүний хөгжил сангийн тухай хуулийн 17 дугаар зүйлийн 17.3, 17.4 дэх хэсгийн дугаарыг "17.4, 17.5" болгон өөрчилсүгэй.
4 дугаар зүйл.Энэ хуулийг 2012 оны 12 дугаар сарын 13-ны өдрөөс эхлэн дагаж мөрдөнө.
МОНГОЛ УЛСЫН ИХ ХУРЛЫН ДАРГА З.ЭНХБОЛД
