1 дүгээр зүйл. Yндсэн хуулийн цэцийн тухай хуулийн 4 дүгээр зүйлд "Yндсэн хуулийн цэцийн гишүүний бүрэн эрх нь Улсын Их Хурлаас дараагийн гишүүнийг томилсноор дуусгавар болно." гэсэн 3 дахь хэсэг нэмсүгэй.

2 дугаар зүйл. Yндсэн хуулийн цэцийн тухай хуулийн 6 дугаар зүйлийн 6 дахь хэсгийг "Yндсэн хуулийн цэцийн орлогч даргаар Цэцийн бүрэлдэхүүнд хамгийн удаан ажилласан гишүүн, хэрэв энэ шаардлагыг хэд хэдэн гишүүн нэгэн адил хангасан байвал тэдгээрийн хамгийн ахмадыг Цэцийн дарга томилно." гэж өөрчлөн найруулсугай.