Нүүр
Эрх зүйн акт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН ХУУЛЬ
2017 оны 05 дугаар сарын 18 өдөр
Төрийн ордон, Улаанбаатар хот
ӨРСӨЛДӨӨНИЙ ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ
1 дүгээр зүйл.Өрсөлдөөний тухай хуулийн 20 дугаар зүйлийн 20.3.4 дэх заалтын "эд зүйлийг" гэсний дараа "Зөрчил шалган шийдвэрлэх тухай хуульд заасан журмын дагуу" гэж нэмсүгэй.
2 дугаар зүйл.Өрсөлдөөний тухай хуулийн дараахь хэсгийг доор дурдсанаар өөрчлөн найруулсугай:
1/22 дугаар зүйлийн 22.1 дэх хэсэг:
"22.1.Өрсөлдөөний тухай хууль тогтоомжийн хэрэгжилтэд хяналт шалгалтыг дараахь үндэслэлээр явуулна:"
2/23 дугаар зүйлийн 23.5 дахь хэсэг:
"23.5.Хууль тогтоомж зөрчсөн нь зөрчлийн шинжтэй бол Зөрчил шалган шийдвэрлэх тухай хуульд заасан журмын дагуу шалган тогтоож, хуульд заасан шийтгэл оногдуулна."
3 дугаар зүйл.Өрсөлдөөний тухай хуулийн 22 дугаар зүйлийн гарчгийн "Зөрчлийг хянан шалгах үндэслэл" гэснийг "Хяналт шалгалт явуулах" гэж, 23 дугаар зүйлийн гарчгийн "Зөрчлийг хянан шалгах" гэснийг "Хяналт шалгалт явуулах хугацаа" гэж, 24 дүгээр зүйлийн гарчгийн "Зөрчлийг хянан шийдвэрлэх" гэснийг "Хяналт шалгалтын дагуу авах арга хэмжээ" гэж, 25 дугаар зүйлийн гарчгийн "Зөрчлийг хянан" гэснийг "Хянан" гэж тус тус өөрчилсүгэй.
4 дүгээр зүйл.Өрсөлдөөний тухай хуулийн 15 дугаар зүйлийн 15.1.4 дэх заалтын ", захиргааны шийтгэлээс хөнгөлөх" гэснийг, Дөрөвдүгээр бүлгийн гарчиг, 23 дугаар зүйлийн 23.1 дэх хэсгийн "зөрчлийг" гэснийг тус тус хассугай.
5 дугаар зүйл.Өрсөлдөөний тухай хуулийн 23 дугаар зүйлийн 23.3 дахь хэсгийг хүчингүй болсонд тооцсугай.
6 дугаар зүйл.Энэ хуулийг Зөрчил шалган шийдвэрлэх тухай хууль хүчин төгөлдөр болсон өдрөөс эхлэн дагаж мөрдөнө.
МОНГОЛ УЛСЫН ИХ ХУРЛЫН ДЭД ДАРГА Ц.НЯМДОРЖ
