МОНГОЛЫН ХУУЛЬЧДЫН ХОЛБООНЫ ЗӨВЛӨЛИЙН

ХУРЛЫН ТОГТООЛ

2017 оны 06 дугаар сарын 25-ны өдөр Дугаар 23 Улаанбаатар хот

ЖУРАМ БАТЛАХ ТУХАЙ

Хуульчийн эрх зүйн байдлын тухай хуулийн 9 дүгээр зүйлийн 9.2, 48 дугаар зүйлийн 48.9.3, 52 дугаар зүйлийн 52.3.2, 52.8 дахь хэсгийг тус тус үндэслэн ТОГТООХ нь:

Нэг. Монголын Хуульчдын холбооны зөвлөлийн хурлын 2017 оны 10 дугаар тогтоолын хавсралтаар баталсан "Хуульчийн мэргэжлийн шалгалтын журам"-ын 4.3 дугаар зүйлийн 5 дахь хэсэгт дор дурдсан агуулгатай дараах хэсгийг нэмсүгэй.

1/"5.Хуульчийн эрх зүйн байдлын тухай хуулийн 10 дугаар зүйлийн 10.4-д заасан ажиллагааг явуулахад Хуульчдын холбооны Тамгын газар дэмжлэг үзүүлнэ."

Хоёр. Монголын Хуульчдын холбооны зөвлөлийн хурлын 2017 оны 10 дугаар тогтоолын хавсралтаар баталсан "Хуульчийн мэргэжлийн шалгалтын журам"-ын 3.5 дугаар зүйлийн 4, 5.2 дугаар зүйлийн 6, 8 дахь хэсгийг дор дурдсанаар тус тус өөрчилсүгэй.

1/3.5 дугаар зүйлийн 4 дэх хэсгийн "Шалгалтын даалгаврын нууцлал задарсан бол шалгалтыг зогсоох, хүчингүйд тооцох, дахин авах эсэх асуудлыг Шалгалтын хороо шийдвэрлэнэ.";

2/5.2 дугаар зүйлийн 6 дахь хэсгийн "шалгалтыг хүчингүй болгоно" гэснийг "...шалгалт хүчингүйд тооцогдоно.";

3/5.2 дугаар зүйлийн 8 дахь хэсгийн "Шалгалтын зохион байгуулалтын комисс..." гэснийг "Шалгалтын хороо...".

Гурав.Энэ журам нь Захиргааны ерөнхий хуулийн 67 дугаар зүйлийн 67.2 дахь хэсэгт заасан өдрөөс эхлэн хүчин төгөлдөр болно.

ХУРАЛ ДАРГАЛАГЧ Ж.ХУНАН