ГААЛИЙН ЕРӨНХИЙ ГАЗРЫН ДАРГЫН ТУШААЛ

2019 оны 12 сарын 02-ны өдөр Дугаар А/266 Улаанбаатар хот

Үндэсний кодод нэмэлт, өөрчлөлт

оруулах тухай

Засгийн газрын агентлагийн эрх зүйн байдлын тухай хуулийн 8 дугаар зүйлийн 8.4 дэх хэсэг, Гаалийн тухай хуулийн 268¹дугаар зүйлийн 268¹.1.8 дахь заалт, 271¹дүгээр зүйлийн 271¹.1.2, Гаалийн тариф, гаалийн татварын тухай хуулийн 21 дүгээр зүйлийн 21.2 дахь хэсгийг тус тус үндэслэн ТУШААХ нь:

1.Гаалийн ерөнхий газрын даргын 2017 оны А/300 дугаар тушаалын хавсралтаар батлагдсан "Барааг тодорхойлох, кодлох уялдуулсан системд үндэслэсэн гадаад худалдааны барааны ангиллын жагсаалт"-ын зарим үндэсний кодод оруулах нэмэлт, өөрчлөлтийг нэгдүгээр хавсралтаар, Үндэсний кодод оруулсан нэмэлт, өөрчлөлттэй холбоотой харьцуулсан хүснэгтийг хоёрдугаар хавсралтын ёсоор тус тус баталсугай.

2.Үндэсний кодод оруулсан нэмэлт, өөрчлөлтийг гаалийн бүрдүүлэлт, хяналт шалгалтын үйл ажиллагаанд хэрэгжүүлж ажиллахыг Гаалийн ерөнхий газрын холбогдох газар, хэлтэс, дэргэдэх байгууллага, харьяа гаалийн газар, хорооны дарга нарт тус тус үүрэг болгосугай.

3.Тушаалын хэрэгжилтэд хяналт тавьж ажиллахыг Гаалийн ерөнхий газрын дэд дарга /Б.Батхишиг/-д даалгасугай.

ДАРГА Б.АСРАЛТ

Гаалийн ерөнхий газрын даргын