МОНГОЛ УЛСЫН ЗАСГИЙН ГАЗРЫН ТОГТООЛ

2014 оны 5 дугаар сарын 10-ны өдөр

Улаанбаатар хот

Дугаар 151

"ОРОН СУУЦНЫ ИПОТЕКИЙН ЗЭЭЛИЙН ЕРӨНХИЙ ЖУРАМ"-Д НЭМЭЛТ, ӨӨРЧЛӨЛТ ОРУУЛАХ ТУХАЙ /ЗГ-ын 2016 оны 97-р тогтоолоор хүчингүй болсонд тооцсон/

Засгийн газрын 2012-2016 оны үйл ажиллагааны хөтөлбөрийг хэрэгжүүлэх зорилгоор Монгол Улсын Засгийн газраас ТОГТООХ нь:

1. Засгийн газрын 2013 оны 200 дугаар тогтоолын хавсралтаар баталсан "Орон сууцны ипотекийн зээлийн ерөнхий журам"-д дараах нэмэлт, өөрчлөлтийг оруулсугай:

1) "1.31. Аймаг, сумын төвийн батлагдсан хөгжлийн ерөнхий төлөвлөгөө, орон сууцны хотхон, хорооллын хэсэгчилсэн ерөнхий төлөвлөгөөний дагуу баригдсан, дэд бүтэц (цахилгаан, дулаан, ус, ариутгах татуурга)-ийн шийдэл бүхий амины орон сууцыг худалдан авах иргэд болон хот төлөвлөлт, барилгын норм, дүрэм, стандартын шаардлагад нийцүүлэн өөрийн өмчлөлийн газар дээр амины орон сууц шинээр барьсан иргэдэд энэхүү зээлийг олгоно." гэсэн заалтыг нэмэх; 2) 2.1 дэх хэсэгт "Зээлээр худалдан авах" гэсний дараа "нийтийн зориулалттай " гэж нэмж, уг заалтаас "... шинэ..." гэснийг хасах; 3) 2.3 дахь хэсгийн "... жилийн 8 (±1) хувь" гэсний дараа ", аймаг, сумын иргэдийн хувьд 7(±1) хувь" гэж нэмэх; 4) 2.11 дэх хэсгийн "Банк " гэсний дараа "амины болон нийтийн зориулалттай орон сууцны" гэж нэмэх; 5) 3.2.1 дэх заалтаас "...зөвхөн..." гэснийг хасаж, "... орон сууц" гэсний дараа "эсхүл аймаг, сумын төвийн батлагдсан хөгжлийн ерөнхий төлөвлөгөө, орон сууцны хотхон, хорооллын хэсэгчилсэн ерөнхий төлөвлөгөөний дагуу баригдсан, дэд бүтэц (цахилгаан, дулаан, ус, ариутгах татуурга)-ийн шийдэл бүхий амины орон сууц мөн хот төлөвлөлт, барилгын норм, дүрэм, стандартын шаардлагад нийцүүлэн тухайн иргэний өөрийнх нь өмчийн газар дээр баригдсан, үл хөдлөх эд хөрөнгө өмчлөх эрхийн улсын бүртгэлийн гэрчилгээтэй, дэд бүтэц (ус, дулаан, цахилгаан, ариутгах татуурга)-ийн шийдэл бүхий амины орон сууц" гэж нэмэх; 6) 3.2.2 дахь заалтын "нийт…" гэсний өмнө "нийтийн зориулалттай орон сууцны хувьд" гэж нэмэх; 7) журмын 2.13 дахь заалтыг хасах.

Монгол Улсын Ерөнхий сайд Н.АЛТАНХУЯГ

Барилга, хот байгуулалтын сайд Ц.БАЯРСАЙХАН