МОНГОЛ УЛСЫН ЗАСГИЙН ГАЗРЫН ТОГТООЛ

2014 оны 10 дугаар сарын 11-ний өдөр

Дугаар 327

Улаанбаатар хот

ХУУЛИЙН ХЭРЭГЖИЛТИЙГ ХАНГАХ ЗАРИМ АРГА ХЭМЖЭЭНИЙ ТУХАЙ

Засгийн газрын 2012-2016 оны үйл ажиллагааны хөтөлбөрт дэвшүүлсэн зорилтыг хэрэгжүүлэх зорилгоор Монгол Улсын Төсвийн тухай хуулийн 11.1.11, 12.1.16, 69.1, Монгол Улсын Засгийн газрын тухай хуулийн 12.4, Засгийн газрын агентлагийн эрх зүйн байдлын тухай хуулийн 9.1 дэх хэсгийг тус тус үндэслэн Монгол Улсын Засгийн газраас ТОГТООХ нь:

1. Төсвийн тухай хуулийн хэрэгжилтийг хангах, орон нутагт төсвийн эрхийг шилжүүлж байгаатай холбогдуулан улс, орон нутгийн төсөв, санхүүгийн сахилга батыг дээшлүүлэх, хариуцлагатай хяналтын тогтолцоог бүрдүүлэх зорилгоор Мэргэжлийн хяналтын ерөнхий газрын санхүүгийн хяналт, шалгалтын чиг үүргийг Сангийн яам (Ч.Улаан)-нд шилжүүлсүгэй.

2. Чиг үүрэг шилжсэнтэй холбогдуулан Мэргэжлийн хяналтын ерөнхий газрын 8 орон тоог Сангийн яаманд, нийслэлийн Мэргэжлийн хяналтын газрын санхүүгийн хяналт, шалгалтын чиг үүргийг хэрэгжүүлдэг 37 орон тоог уг тогтоолын 1 дүгээр хавсралтад заасны дагуу салбарын яаманд, аймгийн Мэргэжлийн хяналтын газрын санхүүгийн хяналт, шалгалтын чиг үүргийг хэрэгжүүлдэг 117 орон тоог тогтоолын 2 дугаар хавсралтын дагуу аймгийн Санхүүгийн хяналт, аудитын албанд шилжүүлж, мэргэжил арга зүйн нэгдсэн удирдлагаар хангаж ажиллахыг Сангийн сайд Ч.Улаанд үүрэг болгосугай.

3. Хяналтын чиг үүрэг, орон тоог шилжүүлсэнтэй холбогдуулан "Яамдын зохион байгуулалтын бүтэц батлах тухай" Засгийн газрын 2012 оны 8 дугаар сарын 29-ний өдрийн 14 дүгээр тогтоолын 2 дахь хэсгийн "Эдийн засгийн хөгжлийн яам 131" гэснийг "Эдийн засгийн хөгжлийн яам 131" гэж, "Зам, тээврийн яам 162" гэснийг "Зам, тээврийн яам 163" гэж, "Уул уурхайн яам 73" гэснийг "Уул уурхайн яам 74" гэж, "Сангийн яам 147" гэснийг "Сангийн яам 158" гэж, "Гадаад харилцааны яам 139" гэснийг "Гадаад харилцааны яам 142" гэж, "Хууль зүйн яам 116" гэснийг "Хууль зүйн яам 119" гэж, "Батлан хамгаалах яам 58" гэснийг "Батлан хамгаалах яам 61" гэж, "Үйлдвэр, хөдөө аж ахуйн яам 106" гэснийг "Үйлдвэр, хөдөө аж ахуйн яам 109" гэж, "Боловсрол, шинжлэх ухааны яам 74" гэснийг "Боловсрол, шинжлэх ухааны яам 77" гэж, "Эрүүл мэндийн яам 106" гэснийг "Эрүүл мэндийн яам 109" гэж өөрчилж, бусад яам тус бүрт 2 санхүүгийн хяналт, шалгалтын улсын байцаагч ажиллахаар тооцон орон тоог байгууллага хооронд шилжүүлэн зохион байгуулсугай. /Энэ заалтыг ЗГ-ын 2014 оны 382-р тогтоолоор хүчингүй болсонд тооцсон/

4. "Засгийн газрын Хэрэг эрхлэх газрын бүтцийг шинэчлэн батлах тухай" Засгийн газрын 2012 оны 8 дугаар сарын 29-ний өдрийн 20 дугаар тогтоолын "Засгийн газрын Хэрэг эрхлэх газар 112" гэснийг "Засгийн газрын Хэрэг эрхлэх газар 114" гэж өөрчилсүгэй. /Энэ заалтыг ЗГ-ын 2014 оны 382-р тогтоолоор хүчингүй болсонд тооцсон/

5. "Засгийн газрын агентлагийн орон тоо батлах тухай" Засгийн газрын 2012 оны 9 дүгээр сарын 22-ны өдрийн 43 дугаар тогтоолын "Мэргэжлийн хяналтын ерөнхий газар 137" гэснийг "Мэргэжлийн хяналтын ерөнхий газар 129" гэж тус тус өөрчилж, "Аймгийн Засаг даргын Тамгын газрын бүтцийг шинэчлэн тогтоох тухай" Засгийн газрын 2008 оны 12 дугаар сарын 24-ний өдрийн 67 дугаар тогтоолын 4 дүгээр зүйлд "Санхүүгийн хяналт, аудитын алба" гэж нэмсүгэй. /Энэ заалтыг ЗГ-ын 2014-12-15-ны өдрийн 387-р тогтоолоор хүчингүй болсонд тооцсон/

6. Орон тоо шилжсэнтэй холбогдуулан дараах арга хэмжээ авч ажиллахыг Монгол Улсын Шадар сайд Д.Тэрбишдагва, Сангийн сайд Ч.Улаан, холбогдох төсвийн ерөнхийлөн захирагч нарт даалгасугай:

6.1. Аймаг, нийслэлийн болон Мэргэжлийн хяналтын ерөнхий газраас шилжин ажиллах санхүүгийн хяналт, шалгалтын улсын байцаагчдын эзэмшиж байгаа эд хөрөнгийг холбогдох байгууллагуудад шилжүүлэх;

6.2. Шилжин ажиллах санхүүгийн хяналт, шалгалтын улсын байцаагчдын цалин хөлс, нийгмийн даатгалын зардлыг 2014 оны төсөвт тодотгол хийх хүртэл хугацаанд бүрэн санхүүжүүлэх, 2015 оны төсөвт бүрэн тусгуулах.

7. Энэ тогтоол батлагдсантай холбогдуулан "Дүрэм батлах тухай" Засгийн газрын 2003 оны 37 дугаар тогтоолын хавсралтаар батлагдсан "Улсын мэргэжлийн хяналтын албаны нийтлэг дүрэм"-ийн 2.1 дэх заалтыг хүчингүй болсонд тооцож, Санхүүгийн хяналт, шалгалтын улсын ерөнхий байцаагчийн эрхийг Сангийн сайд Ч.Улаанд олгосугай. /ЗГ-ын 2015-12-14-ний өдрийн 484-р тогтоолоор өөрчлөлт орсон/

Монгол Улсын Ерөнхий сайд Н.АЛТАНХУЯГ

Сангийн сайд Ч.УЛААН