МОНГОЛ УЛСЫН ЗАМ, ТЭЭВРИЙН САЙДЫН ТУШААЛ

ДҮРЭМД ӨӨРЧЛӨЛТ ОРУУЛАХ ТУХАЙ /ЗТБХБС-ын 2010-112-д/

2014 оны 09 дүгээр сарын 12-ны өдөр

Дугаар 212

Улаанбаатар хот

"Иргэний нисэхийн тухай" хуулийн 7 дугаар зүйлийн 7.1.8 дахь заалт болон олон улсын стандарт дүрэмд нийцүүлэн нислэгийн ашигт ачааллыг нэмэгдүүлэхээр "МИАТ" ХК-ны 2014.06.20-ны өдрийн 02/2204 дугаар албан бичгээр ирүүлсэн хүсэлт, Нисэхийн аюулгүй ажиллагаа, хяналт зохицуулалтын газрын аюулгүй ажиллагааны хяналтын байцаагчийн 2014 оны 7 дугаар сарын 08-ны өдрийн 352/14 дүгээр дүгнэлт, Иргэний нисэхийн ерөнхий газрын 2014.07.24-ний өдрийн 01/1801 дугаар албан бичиг, "МИАТ" ХК-ны 2014 оны 6 дугаар сарын 20-ны өдрийн 02/2204 дугаар албан бичгийг тус тус үндэслэн ТУШААХ нь:

1. Зам, тээвэр, барилга, хот байгуулалтын сайдын 2010 оны 04 дүгээр сарын 16-ны өдрийн "Дүрэм батлах тухай" 112 дугаар тушаалаар баталсан ИНД-91 "Нислэгийн үйл ажиллагааны ерөнхий дүрэм"-д оруулах өөрчлөлтийг хавсралт ёсоор баталсугай.

2. Энэхүү тушаалын хэрэгжилтэд хяналт тавьж ажиллахыг Агаарын тээврийн бодлогын хэрэгжилтийг зохицуулах хэлтэс /З.Туяа/, Иргэний нисэхийн ерөнхий газар /Т.Лхагвасүрэн/-т тус тус үүрэг болгосугай.

САЙД А.ГАНСҮХ