МОНГОЛ УЛСЫН ИХ ХУРЛЫН ТОГТООЛ

2015 оны 07 сарын 09 өдөр

Дугаар 76

Улаанбаатар хот

Хууль хэрэгжүүлэх зарим арга хэмжээний тухай

Монгол Улсын Их Хурлын тухай хуулийн 43 дугаар зүйлийн 43.1 дэх хэсгийг үндэслэн ТОГТООХ нь:

1.Тагнуулын байгууллагын тухай хуульд нэмэлт, өөрчлөлт оруулах тухай хууль болон холбогдох бусад хууль баталсантай холбогдуулан дараах арга хэмжээг авч хэрэгжүүлэхийг Монгол Улсын Засгийн газар /Ч.Сайханбилэг/-т даалгасугай:

1/Зэвсэгт хүчний Жанжин штабын цэргийн тагнуулын газар, Хил хамгаалах ерөнхий газрын хилийн тагнуулын газрын орон тоо төсөв, гүйцэтгэх ажилтай холбогдох бие бүрэлдэхүүн, дэд бүтэц, барилга байгууламж, материал техникийн хангамж, зэвсэг хэрэгслийг 2015 оны 12 дугаар сарын 01-ний өдрийн дотор Тагнуулын ерөнхий газарт шилжүүлэх ажлыг зохион байгуулах;

2/Тагнуулын байгууллагын тухай болон холбогдох бусад хуульд заасан дүрэм, журам, эрх зүйн актыг 2015 оны 4 дүгээр улиралд багтаан баталж мөрдүүлэх.

МОНГОЛ УЛСЫН ИХ ХУРЛЫН ДАРГА З.ЭНХБОЛД