МОНГОЛ УЛСЫН ЗАСГИЙН ГАЗРЫН ТОГТООЛ

2015 оны 10 дугаар сарын 19-ний өдөр

Дугаар 408

Улаанбаатар хот

ТӨРИЙН ӨМЧИЙН ҮЛ ХӨДЛӨХ ХӨРӨНГИЙН ТАЛААР АВАХ ЗАРИМ АРГА ХЭМЖЭЭНИЙ ТУХАЙ

Төрийн болон орон нутгийн өмчийн тухай хуулийн 9 дүгээр зүйлийн 3, Орон сууц хувьчлах тухай хуулийн 6 дугаар зүйлийн 3 дахь хэсэгт заасныг тус тус үндэслэн Монгол Улсын Засгийн газраас ТОГТООХ нь:

1. Төрийн өмчит хуулийн этгээдийн үндсэн хөрөнгөд бүртгэлтэй, төрийн байгууллага хооронд балансаас балансад шилжүүлэх үл хөдлөх хөрөнгийн жагсаалтыг 1 дүгээр, нээлттэй дуудлагын худалдаагаар худалдах үл хөдлөх хөрөнгийн жагсаалтыг 2 дугаар хавсралт ёсоор тус тус баталсугай. /Энэ тогтоолын 1-р хавсралтад ЗГ-ын 2016-11-23-ны өдрийн 157-р тогтоолоор өөрчлөлт орсон/

2. Дундговь аймгийн Улсын бүртгэлийн хэлтсийн балансад бүртгэлтэй, тус аймгийн Сайнцагаан сумын нутаг дэвсгэрт байршилтай, 9 дүгээр байрны 49 хавтгай дөрвөлжин метр талбай бүхий 3 өрөө 37 тоот орон сууцыг эзэмшигчид нь үнэ төлбөргүй хувьчилсугай.

3. Энэ тогтоолын 1, 2 дугаар зүйлд заасан үйл ажиллагааг холбогдох хууль тогтоомжийн дагуу удирдан зохион байгуулахыг Төрийн өмчийн хороо (Ц.Нанзаддорж)-нд даалгасугай.

4. Энэ тогтоол гарсантай холбогдуулан Засгийн газрын 2014 оны 183 дугаар тогтоолын 1 дүгээр хавсралтаар баталсан Төрийн өмчит хуулийн этгээдийн үндсэн хөрөнгөд бүртгэлтэй нээлттэй дуудлагын худалдаагаар худалдах зарим амралт, сувиллын газрын жагсаалтын 2, 5 дахь заалтыг тус тус хүчингүй болсонд тооцсугай.

Монгол Улсын Ерөнхий сайд Ч.САЙХАНБИЛЭГ

Монгол Улсын сайд, Засгийн газрын Хэрэг эрхлэх газрын дарга С.БАЯРЦОГТ

Сангийн сайд Б.БОЛОР