МОНГОЛ УЛСЫН ЗАСГИЙН ТОГТООЛ

2015 оны 12 дугаар сарын 21-ний өдөр

Дугаар 516

Улаанбаатар хот

ЗАРИМ ДИПЛОМАТ ТӨЛӨӨЛӨГЧИЙН ГАЗРЫН ОРОН ТООГ НЭМЭХ ТУХАЙ

Засгийн газрын тухай хуулийн 15 дугаар зүйлийн 3 дахь хэсэг, Дипломат албаны тухай хуулийн 13.1 дэх хэсгийг тус тус үндэслэн Монгол Улсын Засгийн газраас ТОГТООХ нь:

1. Монгол Улс НҮБ-ын Хүний эрхийн зөвлөлийн гишүүний үүргийг 2016-2018 онд хэрэгжүүлэх болсонтой холбогдуулан энэ хугацаанд НҮБ-ын Женев дэх салбар, олон улсын бусад байгууллагын дэргэд суугаа Байнгын төлөөлөгчийн газрын орон тоог 3, НҮБ-ын дэргэд суугаа Байнгын төлөөлөгчийн газрын орон тоог 2-оор тус тус нэмсүгэй.

2. Энэ тогтоол гарсантай холбогдуулан 2016 онд гарах зардлыг Гадаад хэргийн сайдын 2016 оны батлагдсан төсөвт зохицуулалт хийх замаар санхүүжүүлэхийг Гадаад хэргийн сайд Л.Пүрэвсүрэнд зөвшөөрч, 2017-2018 онуудад шаардлагатай зардлыг тухайн жилийн улсын төсөвт тусгах арга хэмжээ авахыг Сангийн сайд Б.Болор, Гадаад хэргийн сайд Л.Пүрэвсүрэн нарт даалгасугай.

Монгол Улсын Ерөнхий сайд Ч.САЙХАНБИЛЭГ

Гадаад хэргийн сайд Л.ПҮРЭВСҮРЭН