МОНГОЛ УЛСЫН ХУУЛЬ ЗҮЙН САЙДЫН ТУШААЛ

2016 оны 1 дүгээр сарын 07-ны өдөр

Дугаар А/06

Улаанбаатар хот

ЖУРАМ БАТЛАХ ТУХАЙ

Монгол Улсын Засгийн газрын тухай хуулийн 24 дүгээр зүйлийн 24.2, Нотариатын тухай хуулийн 15 дугаар зүйлийн 15.6 дахь хэсгийг үндэслэн ТУШААХ нь:

1. "Нотариатчийн мэргэшлийн хорооны ажиллах журам"-ыг шинэчлэн 1 дүгээр, "Нотариатчийн мэргэшлийн шалгалтад оролцохыг хүссэн өргөдлийн маягт"-ыг 2 дугаар, "Нотариатчийн мэргэшлийн шалгалтад оролцох эрх олгох маягт"-ыг 3 дугаар хавсралтаар тус тус баталсугай.

2. Энэ тушаал батлагдсантай холбогдуулж "Мэргэшлийн хорооны бүрэлдэхүүн, ажиллах журмыг батлах тухай" Хууль зүй, дотоод хэргийн сайдын 2011 оны 6 дугаар сарын 13-ны өдрийн 105 дугаар тушаалын 1 дүгээр хавсралтыг хүчингүй болгосугай.

3. Энэ тушаалын хэрэгжилтэнд хяналт тавьж ажиллахыг Төрийн нарийн бичгийн дарга Ж.Баярцэцэг нарт тус тус даалгасугай.

САЙД Д.ДОРЛИГЖАВ

/Энэ тушаалын нэрийг ХЗДХС-ын 2021 оны 8 дугаар сарын 17-ны өдрийн Журамд нэмэлт, өөрчлөлт оруулах тухай А/189 дүгээр тушаалаар өөрчилсөн/

ХЗДХС-ын 2017 оны 6 дугаар сарын 25-ны өдрийн Журамд нэмэлт, өөрчлөлт оруулах тухай А/165 дугаар тушаалаар 1 дүгээр хавсралтад нэмэлт, өөрчлөлт оруулсан /УНС 2017.06.23 хүлээн авсан/

ХЗДХС-ын 2021 оны 8 дугаар сарын 17-ны өдрийн Журамд нэмэлт, өөрчлөлт оруулах тухай А/189 дүгээр тушаалаар тушаалын нэрийг өөрчлөн, 1 дүгээр хавсралтад нэмэлт, өөрчлөлт оруулсан /УНС 2021.08.31 хүлээн авсан/

ХЗДХС-ын 2026 оны 6 дугаар сарын 08-ны өдрийн Журамд нэмэлт, өөрчлөлт оруулах тухай А/58 дугаар тушаалаар 1 дүгээр хавсралтад нэмэлт, өөрчлөлт оруулсан /УНС 2026.06.30 хүлээн авсан/