ЦАГИЙН ХЯЗГААР ТОГТООХ ТУХАЙ

Хүчингүй эрх зүйн акт
Хүчингүй болгосон эрх зүйн акт

МОНГОЛ УЛС ХӨВСГӨЛ АЙМГИЙН ЗАСАГ ДАРГЫН ЗАХИРАМЖ

2016 оны 01 дүгээр сарын 06-ны өдөр

Дугаар А/10

Мөрөн

Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн 29 дүгээр зүйлийн 29.1.6-ын "а", Архидан согтуурахтай тэмцэх тухай хуулийн 6 дугаар зүйлийн 6.5 дахь заалтыг тус тус үндэслэн ЗАХИРАМЖЛАХ нь:

1.Аймгийн хэмжээнд согтууруулах ундаа худалдах тусгай зөвшөөрөлтэй худалдааны газрын үйл ажиллагаа явуулах цагийн хязгаарыг 05 дугаар сарын 01- нээс 08 дугаар сарын 31-ний өдрийн хооронд өглөөний 06:00 цагаас шөнийн 00:00 цаг хүртэл, өвлийн цагийн хязгаарыг 09 дүгээр сарын 01-нээс 04 дүгээр сарын 30-ны өдрийн хооронд өглөөний 06:00 цагаас оройн 00:00 цаг байхаар зохицуулалт хийсүгэй. /Энэ хэсэгт ЗД-ын 2016 оны А/194-р захирамжаар өөрчлөлт орсон/

2.Аймгийн хэмжээнд согтууруулах ундаагаар үйлчилгээ эрхлэх тусгай зөвшөөрөл бүхий үйлчилгээний газрын үйл ажиллагаа явуулах цагийн хязгаарыг 05 дугаар сарын 01-нээс 08 дугаар сарын 31-ний өдрийн хооронд өглөөний 06:00 цагаас шөнийн 01:00 цаг хүртэл, 09 дүгээр сарын 01-нээс 04 дүгээр сарын 30-ны өдрийн хооронд 06:00 цагаас шөнийн 00:00 цаг хүртэл байхаар тогтоосугай.

3.Тогтоосон цагийн хязгаарыг мөрдөн ажиллахыг согтууруулах ундаа худалдах, түүгээр үйлчилгээ эрхлэх тусгай зөвшөөрөл эзэмшигчдэд үүрэг болгосугай.

4.Тусгай зөвшөөрөлтэй газруудын цагийн хязгаарын мөрдөлтөнд байнгын хяналт тавьж зөрчил гаргасан тохиолдолд арилгуулах арга хэмжээ авч ажиллахыг Цагдаагийн газрын дарга /Н.Батбаяр/, Мэргэжлийн хяналтын газрын дарга /Ж.Даваахүү/, сумдын Засаг дарга нарт даалгасугай.

5.Захирамжийн хэрэгжилтэд хяналт тавьж ажиллахыг аймгийн ЗДТГ-ын Хууль зүйн хэлтсийн дарга /Г.Гандэлгэр/-д үүрэг болгосугай.

ДАРГА А.ЭРДЭНЭБААТАР

ХӨВСГӨЛ АЙМГИЙН ЗАСАГ ДАРГЫН ЗАХИРАМЖ

2025 оны 1 дүгээр сарын 24-ний өдөр

Дугаар А/31

Мөрөн сум

СОГТУУРУУЛАХ УНДАА ХУДАЛДАХ, ТҮҮГЭЭР ҮЙЛЧЛЭХ ЦАГИЙН ХЯЗГААРЫГ ШИНЭЧЛЭН ТОГТООХ ТУХАЙ

Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 60 дугаар зүйлийн 60.1.1, 60.1.21, 66 дугаар зүйлийн 66.1, 74 дүгээр зүйлийн 74.1, 77 дугаар зүйлийн 77.1, Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн 16 дугаар зүйлийн 16.2.1, 16.2.2, 22 дугаар зүйлийн 22.2, 23 дугаар зүйлийн 23.1, Гэмт хэрэг, зөрчлөөс урьдчилан сэргийлэх тухай хуулийн 28 дугаар зүйлийн 28.1.10, Захиргааны ерөнхий хуулийн 64 дүгээр зүйлийн 64.1 дэх хэсэг, аймгийн Засаг даргын зөвлөлийн 2025 оны 01 дүгээр сарын 22-ын өдрийн 02 дугаар хуралдааны шийдвэрийг тус тус үндэслэн ЗАХИРАМЖЛАХ нь.

1.Хөвсгөл аймгийн нутаг дэвсгэрийн хэмжээнд согтууруулах ундаа худалдах, түүгээр үйлчлэх цагийн хязгаар, согтууруулах ундаа худалдах, түүгээр үйлчлэхийг хориглох өдрийг хавсралтаар шинэчлэн тогтоосугай.

2.Захирамжийн хэрэгжилтийг хангаж, үйл ажиллагаа эрхлэх тусгай зөвшөөрөлтэй худалдаа, үйлчилгээний газруудын цагийн хязгаарыг мөрдүүлж, тогтмол хяналт тавьж ажиллахыг аймгийн Цагдаагийн газар (цагдаагийн хурандаа Д.Мөнхжаргал), Хүнс, хөдөө аж ахуйн газар (Я.Эрхэмбаяр), сумдын Засаг дарга нарт даалгасугай.

3.Захирамжийг хуульд заасны дагуу захиргааны хэм хэмжээний актын улсын нэгдсэн санд бүртгүүлэхийг аймгийн Засаг даргын Тамгын газрын Хууль, эрх зүйн хэлтэс (Р.Машбат)-т үүрэг болгосугай.

4.Энэхүү захирамж гарсантай холбогдуулан "Цагийн хязгаар тогтоох тухай" аймгийн Засаг даргын 2016 оны 01 дүгээр сарын 06-ны өдрийн А/10 дугаар захирамжийг хүчингүй болсонд тооцсугай.

ДАРГА П.ТӨМӨРБААТАР

Шүүлтүүр

Сонсох:

Эрх зүйн актууд

Санал хүсэлт