МОНГОЛ УЛСЫН ЗАСГИЙН ГАЗРЫН ТОГТООЛ

2016 оны 2 дугаар сарын 22-ны өдөр

Дугаар 119

Улаанбаатар хот

ДҮРЭМ БАТЛАХ ТУХАЙ

Гааль, татварын ерөнхий газрын эрх зүйн байдлын тухай хуулийн 4.4-т заасныг үндэслэн Монгол Улсын Засгийн газраас ТОГТООХ нь:

1. "Гааль, татварын ерөнхий газрын дүрэм"-ийг хавсралт ёсоор баталсугай.

2. Энэ тогтоол гарсантай холбогдуулан "Дүрэм батлах тухай" Засгийн газрын 2009 оны 1 дүгээр сарын 28-ны өдрийн 24 дүгээр тогтоол, "Гаалийн ерөнхий газрын дүрэм батлах тухай" Засгийн газрын 2009 оны 4 дүгээр сарын 1-ний өдрийн 92 дугаар тогтоолыг тус тус хүчингүй болсонд тооцсугай.

Монгол Улсын Ерөнхий сайд Ч.САЙХАНБИЛЭГ

Сангийн сайд Б.БОЛОР